టాలీవుడ్ నటుడు నవీన్ చంద్ర నటించిన ‘షో టైమ్’ చిత్రం జూలై 4న విడుదల కానుంది. క్రైమ్ థ్రిల్లర్గా తెరకెక్కిన ఈ చిత్రంపై అంచనాలు పెరిగాయి. రిలీజ్ డేట్తో పాటు ఆసక్తికరమైన పోస్టర్ కూడా విడుదలైంది.
Key Points
నవీన్ చంద్ర నటించిన ‘షో టైమ్’ క్రైమ్ థ్రిల్లర్ జూలై 4న విడుదలవుతోంది.
కామాక్షి భాస్కర్ హీరోయిన్గా నటిస్తున్నారు.
రిలీజ్ డేట్ ప్రకటించి ఆసక్తికరమైన పోస్టర్ విడుదల చేశారు.
నవీన్ చంద్ర కూతురు, భార్య ఇబ్బందుల్లో చిక్కుకున్న కథాంశం.
షో టైమ్ రిలీజ్ డేట్ ప్రకటన
టాలీవుడ్ యంగ్ హీరో నవీన్ చంద్ర(Naveen Chandra) అందాల రాక్షసి, త్రిపుర వంటి బ్లాక్ బస్టర్ చిత్రాలతో మంచి ఫాలోయింగ్ను సంపాదించుకున్నాడు. తెలుగు, తమిళ చిత్రాల్లో నటించి మెప్పించాడు. ఇక గత ఏడాది ‘మంత్ ఆఫ్ మధు’(Month of Madhu) సినిమాకు దాదాసాహెబ్ ఫాల్కే అవార్డు కూడా సొంతం చేసుకున్నాడు. ప్రస్తుతం.. విభిన్న కథలను ఎంచుకుంటూ వరుస మూవీస్ ప్రకటిస్తూ ఫుల్ బిజీ బిజీగా ఉన్నాడు. నవీన్ చంద్ర ప్రధాన పాత్రలో నటిస్తున్న లేటెస్ట్ చిత్రం ‘షో టైమ్’(Show time). అనిల్ సుంకర్ సమర్పణలో స్కైలైన్ మూవీస్ ప్రొడక్షన్ నెం1 బ్యానర్పై కిషోర్ గరికపాటి నిర్మిస్తున్నారు. ఇక ఇందులో కామాక్షి భాస్కర్ల(Kamakshi Bhaskarla) హీరోయిన్గా నటిస్తుండగా.. మదన్ దక్షిణామూర్తి తెరకెక్కిస్తున్నారు.
నవీన్ చంద్ర క్రైమ్ థ్రిల్లర్
క్రైమ్ థ్రిల్లర్గా రాబోతున్న ఈ సినిమాలో నవీన్ చంద్ర భార్య, తన కూతురు అనుకోని ఇబ్బందుల్లో చిక్కుకుంటే వాటి నుంచి ఎలా బయటపడ్డారనేది ‘షో టైమ్’ కాన్సెప్ట్. తాజాగా, ఈ చిత్రానికి సంబంధించిన రిలీజ్ డేట్ను చిత్రబృందం ప్రకటించింది. షూటింగ్ పూర్తి చేసుకున్న ‘షో టైమ్’ మూవీ జూలై 4న థియేటర్స్లోకి రాబోతున్నట్లు నవీన్ చంద్ర ట్విట్టర్ ద్వారా వెల్లడించారు. అంతేకాకుండా ఓ పోస్టర్ను కూడా షేర్ చేశారు. ఇక ఇందులో తన కూతురు భార్య, తండ్రి కంగారు పడుతుండగా.. నవీన్ మాత్రం నోటిపై వేలు పెట్టుకుని కూల్ లుక్లో కనిపించాడు. ప్రస్తుతం ఈ పోస్టర్ నెటిజన్లలో క్యూరియాసిటీని పెంచుతోంది.
ఆసక్తిని రేకెత్తిస్తున్న పోస్టర్
A post shared by Naveen Chandra (@naveenchandra212)
చివరగా, ‘షో టైమ్’ సినిమా రిలీజ్ డేట్ ప్రకటనతో అభిమానుల్లో ఆసక్తి పెరిగింది. నవీన్ చంద్ర కొత్త లుక్ ఆకట్టుకుంటోంది.
