నిన్ను కోరి సీరియల్లో సెప్టెంబర్ 25వ తేదీ ఎపిసోడ్లో అనేక ఉత్కంఠభరిత సంఘటనలు చోటుచేసుకున్నాయి. చంద్రకళ శ్రుతితో గొడవ పడి కొట్టడం, జగదీశ్వరి ఇంటి సభ్యులను తప్పుపట్టడం, అర్జున్ కుట్రను వెతకడం వంటివి ఈ ఎపిసోడ్లో ప్రధానంగా చూపించారు.
Key Points
చంద్రకళ శ్రుతిని కొట్టింది.
జగదీశ్వరి ఇంట్లో గొడవలను నిందించింది.
అర్జున్ సీసీటీవీ ఫుటేజీని పరిశీలిస్తున్నాడు.
కామాక్షి, శ్రుతి శ్యామలను రెచ్చగొడుతున్నారు.
చంద్రకళ మరియు శ్రుతి మధ్య ఘర్షణ
నిన్ను కోరి సీరియల్ టుడే సెప్టెంబర్ 25వ తేదీ ఎపిసోడ్ లో తన బాధ గురించి అర్జున్ కు చెప్తుంది చంద్రకళ. శాలిని మారిందని చెప్తుంది. జాబ్ పట్ల నేనే కాస్త అజాగ్రత్తగా ఉన్నానేమోనని చంద్ర అంటుంది. నేనే తప్పు ఎక్కడ జరిగిందో కనిపెట్టాలని అర్జున్ అనుకుంటాడు.
చంద్రకళ రాగానే బావతో ఎందుకు వెళ్లావని శ్రుతి అడుగుతుంది. బావతో నేను వెళ్లడం తప్పేమీ కాదు. పిన్నిని అడ్డుపెట్టుకుని ఎగిరెగిరి పడకు అని చంద్రకళ అంటుంది. ఓ వైపు బావ అంటే ప్రాణమంటావ్, మరోవైపు అర్జున్ వెంట పడతావు. సేవలు చేస్తావు. అర్జున్ అంత ముఖ్యమైనప్పుడు విరాట్ బావను వదిలేసి అతణ్నే తగులుకోవచ్చు కదా అని శ్రుతి అనగానే చంద్రకళ లాగి పెట్టి కొడుతుంది.
ఎందుకు కొట్టావని కామాక్షి, శ్యామల అడుగుతారు. బావ కంటే అర్జున్ ఎక్కువయ్యాడని అన్నందుకు కొట్టిందని శ్రుతి చెప్తుంది. నేను ఈ ఇంటి మనిషినే. తను అవమానించింది కూడా ఈ ఇంటి మనిషినే. నింద వేసి పరువు పోయేలా మాట్లాడింది అందుకే కొట్టా. పెద్దవాళ్లుగా మీరే చెప్పాలి. కానీ మీరే సపోర్ట్ చేస్తే ఎలా ఉంటుందని చంద్ర ఫైర్ అవుతుంది.
జగదీశ్వరి ఆగ్రహం
విరాట్ ను రెచ్చగొట్టి మెడలో తాళి కట్టించుకుంది నువ్వు అని చంద్రపై శ్యామల మండిపడుతుంటే ఆపండి అని జగదీశ్వరి అరుస్తుంది. ఎవరికి వాళ్లు ఇష్టమొచ్చినట్లు మాట్లాడుతున్నారు. విరాట్ తన భర్త. తను రమ్మంది వాడు వెళ్లాడు. వాడు తాళి కట్టిన రోజే చెప్పా. తనకు గడువు ఇచ్చాడు. ఎలా నిరూపించుకుంటుందన్నది తన ఇష్టం. రోజూ ఇంట్లో గొడవ జరుగుతూనే ఉంది. ప్రశాంతత కల్పించండని జగదీశ్వరి ఫైర్ అవుతుంది.
ఇంట్లో ఎవరినీ నిలదీసే హక్కు నీకు లేదు శ్రుతి. నీ కూతురికి చెప్పు కామాక్షి. ఇదంతా కర్మ కాకపోతే ఏంటీ అని జగదీశ్వరి వెళ్లిపోతుంది. మరోవైపు అర్జున్ సీసీటీవీ ఫుటేజీ చెక్ చేసి శ్రీధర్ ను అడగాలని అనుకుంటాడు. జగదీశ్వరి మాటలకు శ్యామల ఫీల్ అవుతుంటుంది. ఇదే ఛాన్స్ అని శ్యామలతో మాట్లాడటానికి కామాక్షి, శ్రుతి వస్తారు. ఈ ఇద్దరిపై శ్యామల మండిపడుతుంది.
అర్జున్ యొక్క దర్యాప్తు
వదిన నిన్ను పక్కన పెట్టాలనుకుంటుందని శ్యామలకు మళ్లీ చాడీలు చెప్తుంది కామాక్షి. శ్యామలను రెచ్చగొడుతుంది. నా ఇంటి విషయాల్లో ఎవరూ తలదూర్చకూడదు అని చెప్పకనే చెప్పింది వదిన. ఆ రచ్చ చేసేది ఎవరో కాదు నువ్వే. నువ్వు ఇక్కడ ఉండటం జగదీశ్వరి వదినకు అయిష్టంగానే ఉన్నట్లుందని కామాక్షి అంటుంది. వాళ్ల పుట్టింటికి చెందిన అమ్మాయి కదా చంద్ర, ఆ మమకారం ఎక్కడికి పోతుందని కామాక్షి రెచ్చగొడుతోంది.
నాకు ఇల్లు లేదు, ఊరు లేదా? అయినా ఇక్కడ ఎందుకు ఉన్నా? నన్ను తక్కువ చేస్తే ఎందుకు ఊరుకుంటాను అని శ్యామల అంటుంది. మరోవైపు అర్జున్ దగ్గరకు శ్రీధర్ వచ్చి ఓవర్ యాక్టింగ్ చేస్తాడు. మొన్న పచ్చళ్లలో నీళ్లు కలిపావు కదా అని శ్రీధర్ తో అర్జున్ అనడంతో నేటి నిన్ను కోరి సీరియల్ ఎపిసోడ్ ముగుస్తుంది.
చివరిగా, ఇంట్లో జరుగుతున్న గొడవలకు జగదీశ్వరి అసంతృప్తిని వ్యక్తం చేసింది. అర్జున్ సీసీటీవీ ద్వారా నిజాన్ని వెలికితీయడానికి ప్రయత్నిస్తున్నాడు. ఈ సంఘటనలతో కథ మరింత ఉత్కంఠభరితంగా మారింది.
