📌 Key Points
- నితిన్, సదా జంటగా నటించిన ‘జయం’ మూవీ రైల్వే శాఖ వివాదంలో చిక్కుకుంది!
- ఆర్పీ పట్నాయక్ సంగీతం, రైలుపై సెటైరికల్ పాటతో రైల్వే అధికారుల ఆగ్రహం!
- తర్వాత పాజిటివ్ వెర్షన్ సాంగ్ రిలీజ్ చేసి వివాదానికి ముగింపు పలికిన మూవీ టీమ్.
- వివాదాల మధ్య కూడా ‘జయం’ బ్లాక్ బస్టర్ హిట్ కొట్టి నితిన్ కి స్టార్ ఇమేజ్ తెచ్చింది!
టాలీవుడ్ లో ఎన్నో సూపర్ హిట్ సినిమాలు వివాదాల్లో చిక్కుకున్నాయి. అయితే నితిన్ నటించిన ‘జయం’ సినిమా రైల్వే శాఖతో వివాదంలో చిక్కుకోవడం సంచలనం సృష్టించింది. ఆ సినిమా విశేషాలు ఇప్పుడు తెలుసుకుందాం!
రైల్వే శాఖతో ‘జయం’ మూవీ వివాదం!
తెలుగులో సూపర్ హిట్ అయిన చాలా సినిమాలు కూడా వివాదంలో చిక్కుకున్నాయి. సాధారణంగా వివాదాలు రావడం వేరు, ప్రభుత్వ సంస్థల నుంచి వివాదాలు రావడం వేరు. డైరెక్టర్ తేజ తెరకెక్కించిన ఓ సూపర్ హిట్ కి ఇండియన్ రైల్వేస్ నుంచి సెగ తగిలింది. ఆ సినిమా మరేదో కాదు.. క్రేజీ హీరో నితిన్ నటించిన తొలి చిత్రం జయం. ఈ మూవీలో నితిన్, సదా జంటగా నటించారు.
ఈ చిత్ర సంగీత దర్శకుడు ఆర్పీ పట్నాయక్ ఓ ఇంటర్వ్యూలో జయం మూవీ విశేషాలు గుర్తు చేసుకున్నారు. ఈ మూవీలో ఇండియన్ ట్రైన్స్ ని ఉద్దేశించి బండి బండి రైలు బండి అనే సాంగ్ ఉంటుంది. ఈ సాంగ్ మొత్తం ఇండియన్ రైల్వేస్ పై సెటైర్లు వేసే విధంగా సాగుతుంది. ‘బండి బండి రైలు బండి వేళ కంటూ రాదూ లెండి.. క్రీస్తు పూర్వం ఇంజను..రంగులతో హంగులతో పైన పటారం, కానీ లోన లొటారం.. పాత సామానులోడికి అమ్ముకుంటే తలో పిడికెడు సెనగలు వచ్చేను లాంటి సెటైరికల్ లిరిక్స్ ఈ సాంగ్ లో ఉంటాయి.
సెటైరికల్ సాంగ్ తో మొదలైన గొడవ
ఈ చిత్రంలో చాలా సన్నివేశాలు నిజంగానే ట్రైన్ లో, రైల్వేస్టేషన్ లో షూట్ చేశారు. పాటలు రిలీజై సూపర్ హిట్ అయ్యాయి. సినిమా కూడా విడుదలై బ్లాక్ బస్టర్ హిట్ అయింది. ఆ తర్వాత రైల్వే డిపార్ట్మెంట్ వాళ్ళు అభ్యంతరం తెలిపారు. మా దగ్గర అనుమతి తీసుకుని, మా రైల్వే స్టేషన్ లో, మా ట్రైన్ లో సినిమా షూట్ చేసి మాపైనే సెటైర్లు వేస్తారా ? నెగిటివ్ గా పాట రాస్తారా అని అభ్యంతరం తెలిపారు.
దీనితో అదే సాంగ్ ని పాజిటివ్ గా సెకండ్ వెర్షన్ రాయించి రిలీజ్ చేసినట్లు ఆర్పీ పట్నాయక్ తెలిపారు. దీనితో ఆ వివాదం ముగిసింది. ఈ సాంగ్ రెండు వెర్షన్స్ ఆడియన్స్ ని బాగా ఆకట్టుకున్నాయి.
బ్లాక్ బస్టర్ హిట్ కొట్టిన నితిన్ సినిమా!
ఈ మూవీతో నితిన్ కి గ్రాండ్ ఎంట్రీ లభించింది. కెరీర్ ఆరంభంలోనే నితిన్ కి స్టార్ హీరో రేంజ్ లోనే క్రేజ్ వచ్చింది. కానీ ఆ తర్వాత నితిన్ కి పదేళ్ల పాటు హిట్లు లేవు. కెరీర్ క్లోజ్ అయ్యే టైంలో ఇష్క్, గుండెజారి గల్లంతయ్యిందే లాంటి సినిమాలతో బౌన్స్ బ్యాక్ అయ్యాడు. ఇప్పుడు కూడా నితిన్ కెరీర్ పరిస్థితి దాదాపు అలాగే ఉంది.
జయం మూవీ వివాదం సంచలనం రేపింది. నితిన్ కెరీర్ లో ఈ సినిమా ఒక మైలురాయిగా నిలిచింది. మరిన్ని సినిమా అప్డేట్స్ కోసం చూస్తూ ఉండండి.
