తెలుగు సినీ చరిత్రలో ఎన్టీఆర్, శోభన్ బాబుల మధ్య ఉన్న అద్భుతమైన బంధం ప్రసిద్ధం. వీరాభిమన్యు చిత్రం ద్వారా ఈ బంధం ఎంతటిదో తెలుసుకుందాం. ఎన్టీఆర్ శోభన్ బాబుకు ఇచ్చిన అవకాశం, ఆయన కెరీర్ను ఎలా మార్చిందో చూద్దాం.
Key Points
వీరాభిమన్యు చిత్రంలో శోభన్ బాబుకు కీలక పాత్రను ఎన్టీఆర్ అందించారు.
ఎన్టీఆర్ శోభన్ బాబును ప్రోత్సహించి, ఆయన నటనను మెరుగుపరచడంలో సహాయపడ్డారు.
వీరాభిమన్యు చిత్రం శోభన్ బాబుకు గుర్తింపు తెచ్చింది.
ఎన్టీఆర్, శోభన్ బాబుల మధ్య ఉన్న అద్భుతమైన బంధాన్ని ఈ సినిమా చాటుతుంది.
వీరాభిమన్యు: శోభన్ బాబు కెరీర్ టర్నింగ్ పాయింట్
శోభన్ బాబు ఇండస్ట్రీకి వచ్చి సృగుల్ అవుతున్న టైంలో ఎన్టీఆర్, ఏఎన్నార్ లాంటి వారు సపోర్ట్ ఇచ్చారు. ఈ విషయాన్ని శోభన్ బాబు పలు సందర్భాల్లో తెలిపారు. శోభన్ బాబుకి కెరీర్ బిగినింగ్ లో గుర్తింపు తీసుకువచ్చిన చిత్రం వీరాభిమన్యు. మహాభారతం నేపథ్యంలో అభిమన్యుడి పాత్రని హైలైట్ చేస్తూ ఈ చిత్రాన్ని రూపొందించారు. 1965లో ఈ చిత్రం విడుదలయింది. అద్భుతమైన విజయం సాధించింది.
టైటిల్ రోల్ లో శోభన్ బాబు నటించగా.. శ్రీ కృష్ణుడి పాత్రలో ఎన్టీఆర్ నటించారు. ఈ మూవీలో శోభన్ బాబు అభిన్యుడిగా నటించారు కాబట్టి ఆ పాత్రకి ప్రాధానత్య ఎక్కువగా ఉంటుంది. దీని గురించి శోభన్ బాబు మాట్లాడుతూ.. ఎన్టీఆర్ భోళా శంకరుడు అని ఊరికే అనరు. ఆయన మహానుభావుడు. ఒక అగ్ర హీరో నటిస్తున్న సినిమాలో చిన్న హీరోకి ఎక్కువ ప్రాధాన్యత ఇవ్వడానికి ఎవ్వరూ అంగీకరించరు.
ఎన్టీఆర్ సపోర్ట్: శోభన్ బాబు విజయానికి కారణం
కానీ ఎన్టీఆర్ గారు నా కోసం ఆ పని చేశారు. అభిమన్యుడు లాంటి కీలకమైన పాత్రని నాకు ఇచ్చారు. ఆ చిత్రంతో నాకు చాలా గుర్తింపు దక్కింది. ఎన్టీఆర్ గారు రికమండ్ చేయడం వల్లే ఆ పాత్ర నాకు వచ్చింది. ఆ పాత్రని ఇప్పించడం మాత్రమే కాదు.. కమాన్ బ్రదర్.. దంచేయండి అని ప్రోత్సహించినట్లు శోభన్ బాబు గుర్తు చేసుకున్నారు.
అంతటి గొప్ప హృదయం ఎన్టీఆర్ గారికి మాత్రమే చెల్లింది. ఆ తర్వాత ఎన్టీఆర్, శోభన్ బాబు కలసి పలు చిత్రాల్లో నటించారు. 60 వ దశకం ముగిసే వరకు శోభన్ బాబుకి ఇండస్ట్రీలో ఇబ్బందులు కొనసాగుతూనే ఉన్నాయి.
వీరాభిమన్యు చిత్రం యొక్క ప్రభావం
70వ దశకం ప్రారంభం నుంచి శోభన్ బాబు కెరీర్ మారిపోయింది. ఆయన నటించిన పలు చిత్రాలు విజయం సాధించడంతో శోభన్ బాబు అగ్ర నటుల జాబితాలో చేరిపోయారు.
ఎన్టీఆర్ మహానుభావత్వం, శోభన్ బాబు కెరీర్పై చూపిన ప్రోత్సాహం వీరాభిమన్యు చిత్రం ద్వారా స్పష్టమవుతుంది. ఈ సినిమా ఇద్దరు మహానటుల మధ్య ఉన్న బంధాన్ని ప్రతిబింబిస్తుంది.
