జూనియర్ ఎన్టీఆర్ ముంబైకి వెళ్ళిన సమయంలో అతని చేతిలో ‘మురుగ ది గాడ్ ఆఫ్ వార్’ అనే పుస్తకం కనిపించింది. ఇది త్రివిక్రమ్ శ్రీనివాస్ తో చేయబోయే మైథలాజికల్ సినిమాకు సంబంధించినదని అనుమానాలు వ్యక్తమవుతున్నాయి.
Key Points
ఎన్టీఆర్ ముంబైలో ల్యాండయ్యాడు.
అతని చేతిలో 'మురుగ ది గాడ్ ఆఫ్ వార్' పుస్తకం కనిపించింది.
త్రివిక్రమ్తో సినిమా కోసం సిద్ధమవుతున్నట్లు అనుమానాలు.
వార్ 2 సినిమా ఆగస్టు 14న విడుదల కానుంది.
ముంబైలో ఎన్టీఆర్
జూనియర్ ఎన్టీఆర్ ప్రస్తుతం తన బాలీవుడ్ డెబ్యూ మూవీ వార్ 2 కోసం బిజీగా ఉన్నాడు. ఓవైపు ప్రశాంత్ నీల్ తో మూవీ చేస్తూనే.. ఆగస్ట్ 15న రిలీజ్ కానున్న వార్ 2 పనుల్లోనూ నిమగ్నమయ్యాడు. ఈ క్రమంలో అతడు గురువారం (జూన్ 26) ముంబైలో ల్యాండవడం, ఆ సమయంలో అతని చేతుల్లో ఒక బుక్ కనిపించడం విశేషం.
జూనియర్ ఎన్టీఆర్ దేవర మూవీ తర్వాత వరుస సినిమాలతో బిజీగా మారిపోయాడు. ఓవైపు వార్ 2, మరోవైపు ప్రశాంత్ నీల్ తో భారీ బడ్జెట్ మూవీ కొనసాగుతుండగానే.. త్రివిక్రమ్ శ్రీనివాస్ తో ఓ మైథలాజికల్ మూవీ చేయబోతున్నట్లు కూడా కన్ఫమ్ అయింది. ఈ విషయాన్ని ఇప్పటికే ప్రొడ్యూసర్ నాగవంశీ వెల్లడించాడు. ఇప్పుడా సినిమా కోసమే ఎన్టీఆర్ సిద్ధమవుతున్నట్లు అతని చేతుల్లో ఉన్న పుస్తకం చూస్తే తెలుస్తోంది.
చేతిలో ఉన్న పుస్తకం
అతడు పట్టుకున్న ఆ బుక్ పేరు మురుగ ది గాడ్ ఆఫ్ వార్ ది గాడ్ ఆఫ్ విజ్డమ్. ఆనంద్ బాలసుబ్రమణియన్ రాసిన బుక్ ఇది. ఇప్పుడు త్రివిక్రమ్ సుబ్రమణ్యస్వామిపై ఓ భారీ బడ్జెట్ మైథలాజికల్ మూవీ తీయబోతున్న నేపథ్యంలో దానికి ముందే మురుగన్ స్టోరీ తెలుసుకోవడానికి ఎన్టీఆర్ ఈ బుక్ చదువుతున్నట్లు వార్తలు వస్తున్నాయి.
ఎన్టీఆర్, త్రివిక్రమ్ కాంబినేషన్ లో వస్తున్న సినిమా కోసం ఓ పుస్తకాన్ని ఆధారంగా తీసుకోబోతున్నట్లు తెలిసింది. ఆ పుస్తకం ఇదేనా అన్న సందేహాలు ఇప్పుడు వ్యక్తమవుతున్నాయి. ఈ సినిమాను భారీ బడ్జెట్ తో రూపొందించబోతున్నారు. ఈ ప్రాజెక్టుకు సంబంధించిన మరిన్ని వివరాలు బయటకు రావాల్సి ఉంది. ప్రస్తుతం ఈ మూవీ ప్రీప్రొడక్షన్ పనులు నడుస్తున్నాయి. మొదట అల్లు అర్జున్ తో అనుకున్నా.. తర్వాత జూనియర్ ఎన్టీఆర్ తో ఈ మూవీని కన్ఫమ్ చేశారు.
త్రివిక్రమ్ సినిమా సన్నాహాలు
ఇక ప్రస్తుతం మ్యాన్ ఆఫ్ మాసెస్ ఎన్టీఆర్ ప్రస్తుతం తన నెక్ట్స్ మూవీ వార్ 2 కోసం సిద్ధమవుతున్నాడు. ఈ సినిమా ఆగస్ట్ 14న థియేటర్లలో రిలీజ్ కానుంది. హిందీతోపాటు తెలుగు, తమిళంలలోనూ ఈ మూవీ రానుంది. ఈ సినిమాతోనే తారక్ బాలీవుడ్ లోకి అడుగుపెడుతున్నాడు. ఇందులో అతనిది నెగటివ్ రోల్ కావడం విశేషం. లీడ్ రోల్లో హృతిక్ రోషన్ నటిస్తున్నాడు.
ఎన్టీఆర్ తన తదుపరి చిత్రాల కోసం సన్నద్ధమవుతున్నాడు. వార్ 2 సినిమా త్వరలో విడుదల కానుండగా, త్రివిక్రమ్ సినిమా ప్రీ-ప్రొడక్షన్ దశలో ఉంది. ఈ రెండు ప్రాజెక్టుల విజయం కోసం అభిమానులు ఎదురుచూస్తున్నారు.
