ఎన్నికల తర్వాత పవన్ కళ్యాణ్ నటించిన తొలి చిత్రం హరి హర వీరమల్లు ఓటీటీలోకి అడుగుపెట్టింది. కోహినూర్ను కొల్లగొట్టే వీరుడి కథాంశంతో రూపొందిన ఈ చిత్రం అమెజాన్ ప్రైమ్ వీడియోలో స్ట్రీమింగ్ అవుతోంది.
Key Points
పవన్ కళ్యాణ్ హరి హర వీరమల్లు ఓటీటీలో స్ట్రీమింగ్!
కోహినూర్ను దోచుకునే వీరుడి కథ!
అమెజాన్ ప్రైమ్ వీడియోలో అందుబాటులో ఉంది!
హరి హర వీరమల్లు ఓటీటీ రిలీజ్
ఎన్నికల్లో గెలిచి, ఏపీ డిప్యూటీ సీఎంగా పదవి చేపట్టిన తర్వాత పవన్ కల్యాణ్ నుంచి వచ్చిన ఫస్ట్ సినిమా ‘హరి హర వీరమల్లు’ (Hari Hara Veera Mallu). చాలా కాలంగా షూటింగ్ లో ఉండటం, ఇద్దరు డైరెక్టర్లు దీన్ని తెరకెక్కించడం తెలిసిందే. థియేటర్లో మిక్స్ డ్ టాక్ తో మోస్తారుగా ఆడిన ఈ పీరియాడిక్ డ్రామా సడెన్ గా ఓటీటీలోకి వచ్చేసింది. ఇందులో పవన్ సరసన అందాల భామ నిధి అగర్వాల్ నటించింది.
పవన్ కల్యాణ్ లేటెస్ట్ మూవీ హరి హర వీరమల్లు ఓటీటీలోకి వచ్చేసింది. ఈ సినిమా ఇవాళ (ఆగస్టు 20) నుంచే డిజిటల్ స్ట్రీమింగ్ అవుతోంది. ఈ పీరియాడిక్ డ్రామా అమెజాన్ ప్రైమ్ వీడియో లో బుధవారం రిలీజైంది. థియేటర్లో ఓ మోస్తారుగా ఆడిన పవన్ కల్యాణ్ సినిమా ఇప్పుడు ఓటీటీ ఆడియన్స్ ను ఎంటర్ టైన్ చేసేందుకు వచ్చేసింది.
కోహినూర్కు సంబంధించిన కథాంశం
హరి హర వీరమల్లు సినిమా జులై 24న థియేటర్లో రిలీజైంది. పవన్ కల్యాణ్ నటించిన ఫస్ట్ పాన్ ఇండియా మూవీ ఇది. ఏఎం రత్నం ఈ సినిమాను నిర్మించారు. క్రిష్, జ్యోతి కృష్ణ డైరెక్టర్లు. ఈ సినిమాను క్రిష్ స్టార్ట్ చేశాడు. అయితే మధ్యలో కొన్ని కారణాల వల్ల తప్పుకోగా.. ఏఎం రత్నం తనయుడు జ్యోతి కృష్ణ కంప్లీట్ చేశాడు. ఇందులో పవన్ కల్యాణ్, నిధి అగర్వాల్, బాబీ డియోల్ తదితరులు నటించారు. ఈ సినిమా ఇప్పుడు నెల రోజుల్లోపే ఓటీటీలో అడుగుపెట్టింది. తెలుగుతో పాటు తమిళం, మలయాళం భాషల్లో ఈ మూవీ స్ట్రీమింగ్ అవుతోంది.
నిజానికి హరి హర వీరమల్లు సినిమాను స్వాతంత్య్ర దినోత్సవం సందర్భంగా ఆగస్టు 14న రిలీజ్ చేయబోతున్నారని ముందు వార్తలొచ్చాయి. కానీ అదే రోజు రజనీకాంత్ కూలీ , జూనియర్ ఎన్టీఆర్ వార్ 2 థియేటర్లో రిలీజయ్యాయి. ముఖ్యంగా రజనీకాంత్ మేనియా కారణంగా హరి హర వీరమల్లు డిజిటల్ స్ట్రీమింగ్ ను వాయిదా వేసినట్లు తెలిసింది. ఇప్పుడు సడెన్ గా ఓటీటీలోకి వచ్చేసింది పవన్ సినిమా. ఔరంగజేబు నుంచి కోహినూర్ ను తిరిగి పొందేందుకు వెళ్లే వీరుడి కథగా హరి హర వీరమల్లు పార్ట్ 1 స్వార్డ్ వర్సెస్ స్పిరిట్ రూపొందింది.
థియేటర్ల తర్వాత ఓటీటీ ప్రయాణం
కరోనా, పవన్ కల్యాణ్ పొలిటికల్ బిజీ కారణంగా హరి హర వీరమల్లు అయిదేళ్లుగా షూటింగ్ లోనే ఉంది. ఈ సినిమాకు దాదాపు రూ.200 కోట్ల బడ్జెట్ ఖర్చు పెట్టారు. కానీ థియేటర్లో ఆశించిన కలెక్షన్లు రాబట్టలేకపోయింది. సక్నిల్క్ ప్రకారం ఇది ఇండియాలో రూ. 84.3 కోట్ల నెట్ కలెక్షన్లు రాబట్టింది. ప్రపంచ వ్యాప్తంగా రూ. 113.85 కోట్లు ఖాతాలో వేసుకుంది.
చివరగా, హరి హర వీరమల్లు సినిమా ఓటీటీ విడుదలతో పవన్ కళ్యాణ్ అభిమానులకు మరో ఆనందం. ఈ సినిమా ఓటీటీలో ఎంత మంచి స్పందనను పొందుతుందో చూడాలి.
