పవన్ కల్యాణ్ నటించిన ‘ఓజీ’ సినిమా ప్రీమియర్ షోకు సిద్ధమవుతోంది. అడ్వాన్స్ బుకింగ్స్ అద్భుతంగా సాగుతున్నాయి. రూ.75 కోట్లకు పైగా అడ్వాన్స్ బుకింగ్స్ ద్వారా వసూలు కావడం విశేషం.
Key Points
పవన్ కల్యాణ్ 'ఓజీ' సినిమాకు అడ్వాన్స్ బుకింగ్స్ రూ.75 కోట్లు దాటాయి.
తొలి రోజు రూ.100 కోట్ల వసూళ్లు సాధించే అవకాశాలు ఉన్నాయి.
ఓవర్సీస్ లో 3.3 మిలియన్ డాలర్లు, నార్త్ అమెరికాలో 2.3 మిలియన్ డాలర్లు వసూలయ్యాయి.
ఏపీ, తెలంగాణలో రూ.1000 వరకు టికెట్ ధరలు ఉండటం వల్ల వసూళ్లు భారీగా పెరిగాయి.
రికార్డు స్థాయి అడ్వాన్స్ బుకింగ్స్
మరికొన్ని గంటల్లో దే కాల్ హిమ్ ఓజీ మూవీ ప్రీమియర్ షో రానుంది. ఈ నేపథ్యంలో ఎక్కడ చూసినా పవన్ కల్యాణ్ మేనియానే కనిపిస్తోంది. హరి హర వీరమల్లు దారుణంగా నిరాశ పరిచినా ఈ సినిమాపై భారీ అంచనాలు ఉన్నాయి. అది అడ్వాన్స్ బుకింగ్స్ విషయంలో స్పష్టంగా కనిపిస్తోంది. ఇప్పటికే ఈ మార్క్ రూ.75 కోట్లు దాటడం విశేషం.
ఓజీ తొలి రోజు బాక్సాఫీస్ కలెక్షన్లు
తొలి రోజు వసూళ్ల అంచనాలు
పవన్ కల్యాణ్ ఓజీ మూవీ తొలి రోజు రూ.100 కోట్ల మార్క్ దాటడం ఖాయమేనని ట్రేడ్ ఎక్స్పర్ట్స్ అంచనా వేస్తున్నారు. అడ్వాన్స్ బుకింగ్స్ రూపంలోనే రూ.75 కోట్లు రావడంతో పవన్ కెరీర్లో ఇప్పటికే అత్యధిక తొలి రోజు వసూళ్ల రికార్డు బ్రేకయినట్లే. బుధవారం (సెప్టెంబర్ 24) రాత్రి ప్రీమియర్ షోలు, తొలి రోజు అడ్వాన్స్ బుకింగ్స్ కలిపి రూ.75 కోట్లు దాటాయి. ఓవర్సీస్ లో 3.3 మిలియన్ల డాలర్లు కాగా.. ఒక్క నార్త్ అమెరికాలోనే ఇవి 2.3 మిలియన్ డాలర్లుగా ఉన్నాయి.
ఇక ఇండియాలో ప్రీమియర్స్ ద్వారా మరో రూ.40 కోట్లు వచ్చాయి. మూవీ ప్రీమియర్ షోలకు ఏపీ, తెలంగాణల్లో రూ.1000 వరకు టికెట్ల రేట్లు ఉండటంతో వసూళ్లు అత్యంత భారీగా పెరిగాయి. ఇంకా చాలా చోట్ల బుకింగ్స్ ప్రారంభం కాకపోవడంతో ఇవి క్రమంగా ఇంకా పెరిగే అవకాశాలు ఉన్నాయి. ఈ సినిమా కోసం ఎన్నాళ్లుగానో ఫ్యాన్స్ వేచి చూస్తున్నారు. ట్రైలర్ చూస్తుంటే వింటేజ్ పవన్ ఈజ్ బ్యాక్ అనేలా ఉండటంతో బుకింగ్స్ ఒక్కసారిగా పెరిగాయి.
‘ఓజీ’ సినిమా విశేషాలు
ఓజీ మూవీని సుజీత్ డైరెక్ట్ చేశాడు. ఇందులో పవన్ కల్యాణ్ తోపాటు ప్రియాంకా మోహన్, ఇమ్రాన్ హష్మి, ప్రకాష్ రాజ్, అర్జున్ దాస్, శ్రియ రెడ్డిలాంటి వాళ్లు నటించారు. ఇదో గ్యాంగ్ స్టర్ డ్రామా. ఒకప్పటి బాంబేలోని గ్యాంగ్ వార్స్ నేపథ్యంలో సాగనున్నట్లు ట్రైలర్ చూస్తే స్పష్టమవుతోంది.
ఓజాస్ గంభీరా అనే పాత్రలో పవన్ నటించాడు. అతని స్టైలిష్ లుక్స్, విలన్ గా బాలీవుడ్ నటుడు ఇమ్రాన్ హష్మి నటన, తమన్ బీజీఎం ఓజీ మూవీపై ఆసక్తి రేపుతున్నాయి. మరి ఈ మూవీ ఫ్యాన్స్ తోపాటు సాధారణ ప్రేక్షకుల అంచనాలను ఎంత మేర అందుకుంటుందో చూడాలి.
పవన్ కల్యాణ్ అభిమానుల అంచనాలను ‘ఓజీ’ సినిమా ఎంతవరకు అందుకుంటుందో చూడాలి. అడ్వాన్స్ బుకింగ్స్ ఆధారంగా భారీ విజయం సాధించే అవకాశాలు కనిపిస్తున్నాయి.
