📌 Key Points
- దేవిశ్రీని పిలిచి ఆశ్చర్యకర ప్రశ్న వేసిన పవన్ కళ్యాణ్ – సమాధానంతో షాక్!
- తనలోని పాజిటివిటీ గురించి పవన్ అడిగిన ప్రశ్నకు దేవిశ్రీ ఇచ్చిన సమాధానం వైరల్
- దేవిశ్రీ ఫిలాసఫీకి ఫిదా అయిన పవర్ స్టార్ – ప్రశంసలతో ముంచెత్తిన పవన్ కళ్యాణ్!
- దేవిశ్రీ మాటల్లో స్ఫూర్తి – మన సంతోషాన్ని మనమే వెతుక్కోవాలని సందేశం
టాలీవుడ్ సంగీత దర్శకుడు దేవిశ్రీ ప్రసాద్ గురించి ఒక ఆసక్తికరమైన వార్త వైరల్ అవుతోంది. పవర్ స్టార్ పవన్ కళ్యాణ్, దేవిశ్రీని ఇంటికి పిలిచి ఒక ప్రశ్న అడిగారట. ఆ ప్రశ్నకు దేవిశ్రీ చెప్పిన సమాధానం విని పవన్ షాక్ అయ్యారట.
దేవిశ్రీని ప్రశ్నించిన పవన్ కళ్యాణ్
ఇటీవల ఇచ్చిన ఓ పాడ్కాస్ట్ ఇంటర్వ్యూలో సంగీత దర్శకుడు దేవీశ్రీ ప్రసాద్ పలు ఆసక్తికర విషయాలను పంచుకున్నారు. గబ్బర్సింగ్ సినిమా సమయంలో తనను ఇంటికి పిలిపించుకున్న పవన్ పలు విషయాలపై మాట్లాడరని దేవీ తెలిపారు. ఈ సందర్భంగా పవన్ మాట్లాడుతూ.. దేవీ నువ్వు ఎప్పుడూ ఇలా బబ్లీగా ఎనర్జీగా ఎలా ఉంటావు. చిన్నప్పటి నుంచి చూస్తున్నా అస్సలు డల్గా ఉండవని ప్రశ్నించారు.
ఏదో సరాదాగా మాట్లాడుతారనుకుంటే ఇంత పెద్ద ప్రశ్న అడుగుతారని ఊహించలేదని తెలిపిన దేవీశ్రీ.. పవన్ ప్రశ్నకు ఒక చిన్న లైన్లోనే సమాధానంగా చెప్పారంటా. ‘ఈ ప్రపంచంలో నేను ప్రేమించలేనిది అంటూ ఏది లేదని’ సమాధానం ఇచ్చాడు. ఈ సమాధానానికి పవన్ కాసేపు మానంగా ఉండిపోయి వావ్ అని అన్నారంటా. ఇంకొంచెం వివరంగా చెప్పగలవా అని అడిగారంటా.
దేవిశ్రీ సమాధానానికి పవన్ షాక్
పవన్ ప్రశ్నకు దేవీశ్రీ బదులిస్తూ.. ‘ఈ ప్రపంచంలో నాకు నచ్చనిది అంటూ ఏది ఉండదు. ప్రతీ దాంట్లో సంతోషాన్ని వెతుకుంటాను. బీచ్కి వెళ్లి ఒక్కడినే కూర్చొని మ్యూజిక్ వింటాను. అలాగే ఫ్రెండ్స్ అంతా వస్తే అందరితో కలిసి ఎంజాయ్ చేస్తాను. లౌడ్ మ్యూజిక్లో ఉండే పబ్లో గడపడం ఇష్టం, సైలెంట్గా ఉన్న టెర్రస్పై కూర్చోవడం ఇష్టం’ అని చెప్పుకొచ్చారంటా.
దేవీశ్రీ మాట్లాడిన ఈ సంభాషణలో నిజానికి ఎంతో మోటివేషన్ దాగి ఉంది. ఎవరు ఉన్నా లేకున్నా ఆ మూమెంట్ను మనం ఎంజాయ్ చేసే సత్తా మనలో ఉన్నప్పుడు ఎప్పుడూ ఆనందంగా ఉంటాం అని చెప్పేసరికి పవన్ ఫిదా అయ్యారంటా. నీకు తెలియకుండానే నువ్వు ఎంత పెద్ద ఫిలాసఫీ చెప్పావు తెలుసా అంటూ అభినందించారని చెప్పుకొచ్చారు. ప్రస్తుతం ఈ వీడియో సోషల్ మీడియాలో వైరల్ అవుతోంది.
వైరల్ అవుతున్న దేవిశ్రీ కామెంట్స్
నిజానికి మనలో చాలా మంది మన ఆనందాన్ని పక్కవారి చేతుల్లో పెడుతాం. మన భావోద్వేగాలను పక్కవారి నియంత్రించే స్థితికి దిగజారుతాం. ఎదుటి వారు ఎలా ఉన్నా.? వారు పనులు మీకు నచ్చకపోయినా మీ సంతోషాన్ని త్యాగం చేయకూడదు. మీ చుట్టూ ఉన్న వారితో సంబంధం లేకుండా మీ జీవితాన్ని సంతోషంగా గడపాలి అనే గొప్ప సందేశాన్ని దేవీశ్రీ చిన్న మాటలో తెలిపారు.
దేవిశ్రీ ప్రసాద్ చెప్పిన ఈ మాటలు నిజంగా స్ఫూర్తిదాయకం. ఆయన మాటలు పవన్ కళ్యాణ్ ను ఎంతగానో ఆకట్టుకున్నాయి. మరిన్ని ఆసక్తికరమైన విషయాల కోసం చూస్తూ ఉండండి.
