📌 Key Points
- ‘పెద్ది’ పాన్ ఇండియా రిలీజ్ జూన్ 4న. చరణ్ కుస్తీ, క్రికెట్ యాక్షన్ చూడండి!
- 8 రోజులు, 7 నగరాల్లో ‘పవర్ ప్లే టూర్’ ప్రమోషన్స్ భారీగా ప్లాన్ చేశారు.
- మే 18న ముంబైలో ట్రైలర్ లాంచ్, మే 22న హైదరాబాద్లో ఏఆర్ రెహమాన్ కచేరీ.
- విజయనగరం బ్యాక్డ్రాప్లో కథ, జూన్ 2న హైదరాబాద్లో గ్రాండ్ ప్రీ-రిలీజ్ ఈవెంట్.
రామ్ చరణ్ హీరోగా బుచ్చిబాబు సాన దర్శకత్వంలో తెరకెక్కుతున్న ‘పెద్ది’ చిత్రం పాన్ ఇండియా వైడ్ సంచలనం సృష్టించబోతోంది. జూన్ 4న విడుదల కానున్న ఈ సినిమా కోసం చిత్ర యూనిట్ సరికొత్త ప్రమోషనల్ స్ట్రాటజీతో ప్రేక్షకుల ముందుకు వస్తోంది. ‘పవర్ ప్లే టూర్’ అంటూ దేశవ్యాప్తంగా సందడి చేయనుంది.
రామ్ చరణ్ ‘పెద్ది’ పవర్ ప్లే టూర్ షెడ్యూల్!
Peddi : బుచ్చిబాబు సాన దర్శకత్వంలో రామ్ చరణ్ హీరోగా భారీగా పెద్ది సినిమా తెరకెక్కుతుంది. ఈ సినిమా జూన్ 4న రిలీజ్ కాబోతుంది. ఇప్పటి వరకు ఈ సినిమా నుంచి వచ్చిన రెండు గ్లింప్స్, రెండు సాంగ్స్ మాత్రం సినిమాకు భారీ హైప్ ని తీసుకొచ్చాయి. పెద్దిలో చరణ్ కుస్తీ, క్రికెట్ రెండూ ఆడబోతున్నారు. ఈ సినిమా కోసం ఫ్యాన్స్ తో పాటు సినిమా లవర్స్, ప్రేక్షకులు ఆతృతగా ఎదురుచూస్తున్నారు.
పెద్ది పాన్ ఇండియా వైడ్ రిలీజ్ అవుతున్న సంగతి తెలిసిందే. దీంతో ప్రమోషన్స్ కూడా భారీగా పాన్ ఇండియా వైడ్ ప్లాన్ చేసారు. ఓ అభిమాని పెద్ది ప్రమోషన్స్ ఎక్కడ అని అడుగుతూ లెటర్ రాయడంతో పెద్ది టీమ్ పవర్ ప్లే టూర్ అంటూ ప్రమోషన్స్ కి సంబంధించిన ఓ లెటర్ ని విడుదల చేసింది. ఇందులో ఏ రోజు ఎక్కడ పెద్ది ఈవెంట్స్ జరుగుతాయో ప్రకటించింది.
ముంబైలో ట్రైలర్.. హైదరాబాద్లో ఏఆర్ రెహమాన్ మ్యూజిక్ ఫెస్ట్!
18వ తేదీన ముంబైలో భారీ ఈవెంట్ నిర్వహించి పెద్ది ట్రైలర్ రిలీజ్ చేయబోతున్నారు. మే 22వ తేదీన ఉప్పల్ స్టేడియంలో ఓ ఈవెంట్ ఉంది. ఇక్కడ భారీగా ఏ ఆర్ రహమాన్ తో పెద్ది కాన్సర్ట్ నిర్వహించబోతున్నారు అని సమాచారం. 23 భోపాల్ లో పెద్ది సినిమా సాంగ్ లాంచ్ ఈవెంట్ చేయనున్నారు. 24న బెంగళూరులో ఒక ఈవెంట్, 28 ఢిల్లీలో ఓ ఈవెంట్, 30న చెన్నైలో ఓ ఈవెంట్, జూన్ 1న విజయనగరంలో ఫ్యాన్స్ తో భారీ ఈవెంట్ చేయబోతున్నారు. ఈ సినిమా కథ విజయనగరం బ్యాక్ డ్రాప్ లోనే సాగనుంది. ఇక జూన్ 2న హైదరాబాద్ లో ప్రీ రిలీజ్ ఈవెంట్ భారీగా అభిమానుల మధ్య నిర్వహించనున్నారు.
ఫ్యాన్స్కు పండగే.. ‘పెద్ది’ ఫీవర్ మొదలైంది!
ఇలా 8 రోజుల్లో 7 నగరాల్లో పెద్ది ఈవెంట్స్ ప్లాన్ చేసింది. దీంతో చరణ్ ఫ్యాన్స్ సంతోషం వ్యక్తం చేస్తున్నారు. ఇది కదా పాన్ ఇండియా ప్రమోషన్స్ అని అంటున్నారు. ట్రైలర్ లాంచ్ తో పెద్ది ఫీవర్ మొదలవ్వనుంది.
‘పెద్ది’ పవర్ ప్లే టూర్ తో చరణ్ అభిమానుల్లో ఉత్సాహం ఉరకలేస్తోంది. ఈ భారీ ప్రమోషన్స్ సినిమాపై అంచనాలను తారాస్థాయికి చేర్చాయి. రాబోయే రోజుల్లో ‘పెద్ది’ ఎలాంటి రికార్డులు సృష్టిస్తుందో చూడాలి. మరిన్ని అప్డేట్స్ కోసం వేచి ఉండండి!
