📌 Key Points
- మెగాస్టార్ చిరంజీవి కామెంట్స్పై సింగర్ చిన్మయి తీవ్ర అసంతృప్తి వ్యక్తం చేస్తూ సంచలన ఆరోపణలు!
- తమ్మారెడ్డి భరద్వాజ నిర్మిస్తున్న 250 సినిమాలలో 30-40 సినిమాలు మహిళలను వాడుకునే ధోరణితో రూపొందుతున్నాయని సంచలన ప్రకటన!
- ఇండస్ట్రీలో కమిట్మెంట్ అంటే లైంగిక ఒత్తిడి అని చాలా సందర్భాల్లో చూశానని చిన్మయి సంచలన ఆరోపణలు!
- లైంగిక వాంఛలు తీర్చుకోవాలనే ధోరణి పరిశ్రమలో ఒకరిద్దరు పెద్దల్లో ఉందని తమ్మారెడ్డి భరద్వాజ షాకింగ్ కామెంట్స్!
టాలీవుడ్ లో కాస్టింగ్ కౌచ్ వ్యవహారం మరోసారి తెరపైకి వచ్చింది. చిరంజీవి చేసిన వ్యాఖ్యలపై భిన్నాభిప్రాయాలు వ్యక్తమవుతున్నాయి. ఈ నేపథ్యంలో నిర్మాత తమ్మారెడ్డి భరద్వాజ సంచలన విషయాలు వెల్లడించారు. ఆ వివరాలు చూద్దాం!
చిరంజీవి వ్యాఖ్యలపై చిన్మయి కౌంటర్ ఎటాక్!
కాస్టింగ్ కౌచ్(Casting Couch) వ్యవహారం మరోసారి ఇండస్ట్రీలో హాట్ టాపిక్గా మారింది. ఇటీవల ‘మన శంకర వరప్రసాద్’ సినిమా సక్సెస్ మీట్లో మెగాస్టార్ చిరంజీవి(Megastar Chiranjeevi) చేసిన వ్యాఖ్యలు సోషల్ మీడియాలో పెద్ద దుమారాన్ని రేపాయి. సినిమా ఇండస్ట్రీని ఒక ‘అద్దం’తో పోలుస్తూ, మన ప్రవర్తన ఎలా ఉంటే అదే తిరిగి మనకు వస్తుందని అన్నారు. అవకాశాల కోసం తప్పు దారులు తొక్కాల్సిన అవసరం లేదని, నిబద్ధతతో, ప్రొఫెషనల్గా ఉంటే సినీ రంగంలో ఎదగవచ్చని చిరంజీవి మాట్లాడారు. ఈ కామెంట్స్తో సోషల్ మీడియాలో చర్చలు మొదలయ్యాయి. చిరంజీవి వ్యాఖ్యలపై సింగర్ చిన్మయి(Chinmayi Sripada) స్పందిస్తూ.. చిరంజీవి చెప్పిన మాటలు వాస్తవ పరిస్థితులకు భిన్నంగా ఉన్నాయన్నారు. ఇండస్ట్రీలో “కమిట్మెంట్” అనే పదానికి వృత్తిపరమైన అర్థం మాత్రమే లేదని, చాలా సందర్భాల్లో అది లైంగిక ఒత్తిడిని సూచిస్తోందని ఆమె ఆరోపించారు. మహిళలు శరీరాన్ని అప్పగించకపోతే అవకాశాలు రావని అనేక సందర్భాల్లో తాను చూశానని, విన్నానని చిన్మయి సోషల్ మీడియాలో వెల్లడించారు. చిరంజీవి తొలి రోజుల్లో పరిస్థితి ఎలా ఉండేదో తమకు తెలియదు కానీ.. ఇప్పుడు పరిస్థితులు మొత్తం మారిపోయాయని ఆమె అన్నారు.
తాజాగా ఈ వ్యవహారంపై ప్రముఖ నిర్మాత తమ్మారెడ్డి భరద్వాజ(Tammareddy Bharadwaja) స్పందిస్తూ సంచలన వ్యాఖ్యలు చేశారు. ఈ మేరకు ఓ వీడియో రిలీజ్ చేశారు. ఇండస్ట్రీలో వేధింపులు లేవని ఎవరూ చెప్పలేరని, అవి వందశాతం ఉన్నాయని ఆయన కుండబద్దలు కొట్టారు. ఒకప్పుడు రాజులు, జమీందారులు మహిళల కోసమే సినిమాలు తీసేవారని, కాలక్రమేణా పరిస్థితులు దిగజారాయని ఆవేదన వ్యక్తం చేశారు. తెలుగు సినిమా పరిశ్రమ(Telugu Film Industry) ప్రారంభం నుంచే ఈ సమస్య ఉందని, ఏడాదికి దాదాపు 250 సినిమాలు నిర్మితమవుతుంటే, అందులో 30 నుంచి 40 సినిమాలు మాత్రమే మహిళలను ఇలా వాడుకునే ధోరణితో రూపొందుతున్నాయని ఆయన వ్యాఖ్యానించారు. క్యాస్టింగ్ కౌచ్ గురించి చిన్మయి చెప్పింది నిజమేనని, లైంగిక వాంఛలు తీర్చుకోవాలనే ధోరణి పరిశ్రమలో ఒకరిద్దరు పెద్దల్లో ఉందని తమ్మారెడ్డి భరద్వాజ పేర్కొన్నారు. ఇప్పుడీ కామెంట్స్ నెట్టింట పెద్ద దుమారాన్నే రేపుతున్నాయి.
కాస్టింగ్ కౌచ్ ఉందన్న తమ్మారెడ్డి భరద్వాజ
పరిశ్రమలో లైంగిక వేధింపులు నిజమేనా?
తమ్మారెడ్డి భరద్వాజ చేసిన ఈ వ్యాఖ్యలు ఇండస్ట్రీలో తీవ్ర చర్చనీయాంశంగా మారాయి. మరిన్ని వివరాలు ఎప్పటికప్పుడు అందిస్తూనే ఉంటాం. చూస్తూనే ఉండండి!
