ప్రముఖ నటి రాధికా ఆప్టే తన మూడు నెలల గర్భధారణ సమయంలో సినిమా నిర్మాత వైఖరిపై తీవ్ర అసంతృప్తి వ్యక్తం చేసింది. శారీరకంగా, మానసికంగా కష్టకాలంలో సహకారం లేకపోవడంపై ఆమె బాధను పంచుకుంది.
Key Points
గర్భధారణ సమయంలో సినిమా నిర్మాత వైఖరితో రాధికా ఆప్టే బాధపడింది.
మూడు నెలల గర్భంతో ఉన్నా, బిగుతు దుస్తులు ధరించమని నిర్మాత ఒత్తిడి చేశాడు.
ఆరోగ్య సమస్యలతో బాధపడుతున్నా, వైద్యుడిని కలవడానికి అనుమతి ఇవ్వలేదు.
వృత్తిపరమైన బాధ్యతలతో పాటు, గర్భిణులకు సానుభూతి అవసరమని రాధికా అభిప్రాయపడింది.
గర్భధారణ సమయంలో రాధికా ఆప్టే అనుభవాలు
టాలీవుడ్ లెజెండ్ , లయన్ చిత్రాల్లో మెప్పించిన నటి రాధికా ఆప్టే . తెలుగులో రక్త చరిత్ర మూవీతో ఎంట్రీ ఇచ్చింది . అంతకుముందే బాలీవుడ్ సినిమాతో అరంగేట్రం చేసిన ముద్దుగుమ్మ పలు సూపర్ హిట్ చిత్రాల్లో కనిపించింది . బాలీవుడ్ తో పాటు తమిళం , మరాఠీ , బెంగాలీ సినిమాల్లో మెప్పించింది . చివరిసారిగా సిస్టర్ మిడ్ నైట్ చిత్రంలో కనిపించింది .
అయితే రాధికా ఆప్టే లండన్ కు చెందిన మ్యూజిషియన్ బెనెడిక్ట్ టేలర్ ను 2012 లో రిజిస్టర్ మ్యారేజ్ చేసుకుంది . సినిమాలతో ఎప్పుడు బిజీగా ఉండే రాధికా .. పెళ్లయిన పదేళ్ల తర్వాత ప్రెగ్నెన్సీ ప్రకటించింది . గతేడాది డిసెంబర్ లో బిడ్డకు జన్మనిచ్చింది . తాజాగా నేహా ధూపియా నిర్వహిస్తోన్న ఫ్రీడమ్ టు ఫీడ్ లైవ్ సెషన్ కు హాజరైన ముద్దుగుమ్మ .. తాను గర్భం ధరించాక ఎదురైన అనుభవాలను పంచుకుంది .
సినిమా నిర్మాత ప్రవర్తనపై విమర్శలు
మొదటి ట్రైమిస్టర్ లో సినీ ఇండస్ట్రీలో ఎదుర్కొన్న సంఘటనలను పంచుకుంది . గర్భంతో ఉన్నప్పటికీ సెట్ లో ఎలాంటి సానుభూతి చూపలేదని బాధను వ్యక్తం చేసింది . మొదటి మూడు నెలల్లో తను అనుభవించిన భావోద్వేగం, గందరగోళం, నిరాశ లాంటి ఫీలింగ్స్ వచ్చాయని తెలిపింది. ఆ సమయంలో ఓ నిర్మాత తనతో వ్యవహరించిన తీరుతో చాలా ఇబ్బంది పడ్డానని వివరించింది .
వృత్తిపరమైన బాధ్యతలు మరియు గర్భధారణ
రాధికా ఆప్టే మాట్లాడుతూ ..’ ఆ నిర్మాతకు నేను గర్భం ధరించడం ఇష్టం లేదనుకుంటా . నాకు చాలా అసౌకర్యం , ఇబ్బందిగా ఉందని చెప్పినా బిగుతుగా ఉండే దుస్తులు ధరించాలని పట్టుబట్టాడు. నా మొదటి త్రైమాసికంలో నేను కాస్తా ఎక్కువగానే తింటున్నా . అప్పుడు నా శరీరంలో విపరీతమైన మార్పులొచ్చాయి . కానీ నా పరిస్థితిని అర్థం చేసుకోకపోవడంతో అసహనానికి గురయ్యా. అదే షూటింగ్ సెట్లో నొప్పితో పాటు అసౌకర్యంగా ఉన్నప్పుడు వైద్యుడిని కలిసేందుకు కూడా నన్ను అనుమతించలేదు. అది నన్ను చాలా నిరుత్సాహపరిచింది. వృత్తిపరంగా నిబద్ధతగానే ఉండాలని తెలుసు . ఆ విషయాన్ని ఎల్లప్పుడు గౌరవిస్తా . కానీ ఇలాంటి టైమ్ లో కొంచెం సానుభూతి కూడా అవసరం ‘ అని తన బాధను పంచుకుంది .
గర్భధారణ సమయంలో మహిళలు ఎదుర్కొనే ఇబ్బందులను రాధికా ఆప్టే అనుభవం హైలైట్ చేస్తుంది. వృత్తిపరమైన బాధ్యతలతో పాటు, మానవీయత కూడా అవసరమని ఈ ఘటన చాటుతుంది.
