📌 Key Points
- ది రాజా సాబ్ రెండో రోజు వసూళ్లు షాకింగ్! మొదటి రోజుతో పోలిస్తే 48% భారీగా పతనం!
- ప్రపంచవ్యాప్తంగా మొదటిరోజు 100 కోట్లు కొల్లగొట్టిన రాజా సాబ్, రెండో రోజు మాత్రం 29.8 కోట్లే రాబట్టింది.
- ఓవర్సీస్ మార్కెట్లో రాజా సాబ్ కలెక్షన్లు దారుణం.. రెండో రోజు కేవలం 5 కోట్లు మాత్రమే వసూలు చేసింది.
- ప్రభాస్, సంజయ్ దత్, మాళవిక మోహనన్ ల కాంబో మ్యాజిక్ చేసినా కలెక్షన్స్ ఆశించిన స్థాయిలో లేవు.
పాన్ ఇండియా స్టార్ ప్రభాస్ నటించిన ‘రాజా సాబ్’ సినిమా కలెక్షన్స్ ఇప్పుడు హాట్ టాపిక్ గా మారాయి. విడుదలైన మొదటి రోజు భారీ వసూళ్లు రాబట్టిన ఈ సినిమాకు రెండో రోజు మాత్రం ఊహించని షాక్ తగిలింది. పూర్తి వివరాల్లోకి వెళ్దాం!
రెండో రోజు కలెక్షన్స్ లో భారీ పతనం!
పాన్ ఇండియా స్టార్ ప్రభాస్ హీరోగా, మారుతి దాసరి డైరెక్ట్ చేసిన హారర్ కామెడీ సినిమా ‘ది రాజా సాబ్. ఈసినిమా రెండో రోజు సుమారు 27.83 కోట్ల రూపాయలు మాత్రమే వసూలు చేసింది. మొదటి రోజుతో పోలిస్తే, దీని వసూళ్లలో దాదాపు 48.22 శాతం తగ్గుదల కనిపించింది. ఈ సినిమా మొదటి రోజు 53.75 కోట్ల రూపాయలు (ప్రీమియర్ షోలు మినహా) సంపాదించింది.
ప్రభాస్తో పాటు సంజయ్ దత్, మాళవిక మోహనన్, నిధి అగర్వాల్ లాంటి స్టార్స్ నటించిన ‘ది రాజా సాబ్’ సినిమా రెండో రోజు ఇండియాలో 100 కోట్లు సాధిస్తుందని అనుకున్నారు. కానీ.. ఈ సినిమా ఆ మార్క్ ను అందుకోలేకపోయింది. కానీ రెండు రోజుల మొత్తం కలెక్షన్స్ తో 100 కోట్ల క్లబ్కు చాలా దగ్గరగా వెళ్లింది మూవీ. రాజాసాబ్ సినిమా మొత్తం రెండు రోజుల వసూళ్లు కలిపి 90.73 కోట్ల రూపాయలకు చేరాయి. ఇందులో గురువారం ప్రీమియర్ల ద్వారా వచ్చిన 9.15 కోట్ల రూపాయల వసూళ్లు కూడా ఉన్నాయి.
ఓవర్సీస్ మార్కెట్ లో రాజా సాబ్ దెబ్బ
‘ది రాజా సాబ్’ హిందీ వెర్షన్ వసూళ్లు చాలా దారుణంగా ఉన్నాయి. ఫస్ట్ డే ప్రభాస్ సినిమా 6 కోట్లు వసూలు చేయగా.. రెండో రోజు 5.2 కోట్లకే పరిమితం అయ్యింది మూవీ. రెండురోజులకు కలిపి మొత్తం కలెక్షన్ 11.2 కోట్లకు చేరింది. సినిమా మిగతా నాలుగు వెర్షన్లు తెలుగు, తమిళం, మలయాళం, కన్నడలో రెండు రోజుల తర్వాత మొత్తం వసూళ్లు వరుసగా 78.68 కోట్లు, 55 లక్షలు, 14 లక్షలు, 16 లక్షల రూపాయలుగా ఉన్నాయి.
వరల్డ్వైడ్ బాక్సాఫీస్ వద్ద ‘ది రాజా సాబ్’ పరిస్థితి మరింత దారుణంగా ఉంది. మొదటి రోజు ప్రపంచవ్యాప్తంగా 100.60 కోట్లు వసూలు చేసిన ఈ సినిమా, రెండు రోజుల తర్వాత మొత్తం వరల్డ్వైడ్ గ్రాస్ కలెక్షన్ 138.4 కోట్లకు మాత్రమే చేరింది. అంటే, రెండో రోజు ఈ సినిమా ప్రపంచవ్యాప్తంగా కేవలం 29.8 కోట్లు మాత్రమే సంపాదించింది, ఇది మొదటి రోజుతో పోలిస్తే కేవలం 29.6 శాతం మాత్రమే.
ప్రభాస్ కెరీర్ లో ఇది పెద్ద రిస్కా?
ఓవర్సీస్ మార్కెట్ గురించి మాట్లాడితే, ఈ సినిమా రెండు రోజుల్లో అక్కడ కేవలం 30 కోట్ల రూపాయల గ్రాస్ కలెక్షన్ చేసింది. ఇందులో 25 కోట్లు మొదటి రోజే వచ్చాయి. ఈ లెక్కన చూస్తే, రెండో రోజు ఓవర్సీస్ నుంచి కేవలం 5 కోట్లు మాత్రమే వచ్చాయి, ఇది మొదటి రోజుతో పోలిస్తే 20 శాతం మాత్రమే.
రాజా సాబ్ కలెక్షన్స్ ట్రేడ్ వర్గాల్లో హాట్ టాపిక్ గా మారాయి. ఈ సినిమా భవిష్యత్తు వసూళ్లపై అందరి దృష్టి నెలకొంది. మరిన్ని అప్డేట్స్ కోసం చూస్తూ ఉండండి.
