‘టూరిస్ట్ ఫ్యామిలీ’ సినిమా తమిళంలో భారీ విజయం సాధించింది. రాజమౌళి గారి ప్రశంసలతో మరింత ఆకర్షణీయంగా మారిన ఈ చిత్రం ఇప్పుడు ఓటీటీలో విడుదల కానుంది. జూన్ 2వ తేదీన జియోహాట్స్టార్లో ఐదు భాషల్లో స్ట్రీమింగ్ ప్రారంభం.
Key Points
రాజమౌళి గారు ప్రశంసించిన 'టూరిస్ట్ ఫ్యామిలీ' సినిమా ఓటీటీలోకి!
జూన్ 2న జియోహాట్స్టార్లో ఐదు భాషల్లో స్ట్రీమింగ్!
తమిళనాడులో భారీ విజయం సాధించిన ఈ చిత్రం రూ.77 కోట్లకు పైగా కలెక్షన్స్ సాధించింది!
శశికాంత్, సిమ్రన్ ప్రధాన పాత్రల్లో నటించిన ఫ్యామిలీ డ్రామా!
టూరిస్ట్ ఫ్యామిలీ సినిమా విజయం
తమిళ నటుడు శశికాంత్, సీనియర్ నటి సిమ్రన్ ప్రధాన పాత్రలు పోషించిన ‘టూరిస్ట్ ఫ్యామిలీ’ సినిమా అంచనాలకు మించి సక్సెస్ సాధించింది. అభిషాన్ జీవినిత్ దర్శకత్వం వహించిన ఈ ఫ్యామిలీ డ్రామా మూవీ భారీ హిట్ కొట్టింది. చాలా ప్రశంసలను కూడా సొంతం చేసుకుంది. ఈ టూరిస్ట్ ఫ్యామిలీ సినిమాా ఇప్పుడు ఓటీటీలోకి వస్తోంది. స్ట్రీమింగ్ డేట్ ఖరారైంది.
టూరిస్ట్ ఫ్యామిలీ సినిమా జూన్ 2వ తేదీన జియోహాట్స్టార్ ఓటీటీలో స్ట్రీమింగ్కు రానుంది. ఈ విషయాన్ని ఆ ప్లాట్ఫామ్ అధికారికంగా వెల్లడించింది. “జూన్ 2న అత్యంత ప్రేమను పొందే ఫ్యామిలీ వస్తోంది. మార్క్ చేసుకోండి. జూన్ 2 నుంచి టూరిస్ట్ ఫ్యామిలీ జియోహాట్స్టార్ ఓటీటీలో స్ట్రీమింగ్ అవుతుంది” అని సోషల్ మీడియాలో పోస్ట్ చేసింది.
ఓటీటీ రిలీజ్ తేదీ
థియేటర్లలో టూరిస్ట్ ఫ్యామిలీ సినిమా తమిళంలో ఒక్కటే రిలీజైంది. అయితే జియోహాట్స్టార్ ఓటీటీలో ఐదు భాషల్లో రానుంది. తమిళంతో పాటు తెలుగు, కన్నడ, మలయాళం, హిందీ భాషల్లో స్ట్రీమింగ్ కానుంది. మంచి క్రేజ్ ఉన్న ఈ మూవీకి వ్యూస్ భారీగానే దక్కే ఛాన్స్ ఉంది.
టూరిస్ట్ ఫ్యామిలీ సినిమాపై దర్శక ధీరుడు రాజమౌళి ప్రశంసలు కురిపించారు. అందరూ తప్పక చూడాల్సిన అద్భుతమైన చిత్రం ఇది అని ట్వీట్ చేశారు. డైరెక్టర్ జీవినిత్ను ఆ ట్వీట్లో ప్రత్యేకంగా అభినందించారు. తమిళ స్టార్ హీరో సూర్య తన ఇంటికి టూరిస్ట్ ఫ్యామిలీ టీమ్ను పిలుపించుకొని మరీ ప్రశంసించారు. మే 1న బాక్సాఫీస్ వద్ద సూర్య నటించిన రెట్రోతో టూరిస్ట్ ఫ్యామిలీ పోటీ పడింది. అయినా ఆ మూవీ టీమ్ను సూర్య అభినందించారు.
రాజమౌళి ప్రశంసలు
టూరిస్ట్ ఫ్యామిలీ సినిమా ఇప్పటి వరకు సుమారు రూ.77కోట్ల కలెక్షన్లను దక్కించుకుందని తెలుస్తోంది. ఈ చిత్రానికి ఖర్చైన బడ్జెట్ దాదాపు రూ.16కోట్లు. దీంతో ఈ మూవీ భారీ బ్లాక్బస్టర్ కొట్టేసింది. అంచనాలు లేకుండా వచ్చిన బాక్సాఫీస్ వద్ద అదిరే బంపర్ సక్సెస్ సాధించింది.
శ్రీలంక నుంచి తమిళనాడుకు వలస వచ్చే ఓ కుటుంబం చుట్టూ టూరిస్ట్ ఫ్యామిలీ సినిమా సాగుతుంది. ఈ చిత్రాన్ని మనసులను తాకేలా తెరకెక్కించారు అభిషాన్ జీవినిత్. ప్రేక్షకులను మెప్పించారు. ఈ చిత్రంలో శశికాంత్, సిమ్రన్ సహ మిథున్ జై శంకర్, యోగిబాబు, ఎంఎస్ భాస్కర్, కమలేశ్ జగన్ కీరోల్స్ చేశారు. ఈ మూవీకి సీన్ రొనాల్డ్ సంగీతం అందించారు. మిలియన్ డాలర్ స్టూడియోస్, ఎంఆర్పీ ఎంటర్టైన్మెంట్స్ ప్రొడ్యూజ్ చేశాయి.
చివరగా, ‘టూరిస్ట్ ఫ్యామిలీ’ సినిమా ఓటీటీ విడుదలతో మరింత మంది ప్రేక్షకులను చేరుకునే అవకాశం ఉంది. రాజమౌళి గారి ప్రశంసలు ఈ సినిమాకు మరింత ప్రాచుర్యాన్ని తెచ్చిపెడతాయి.
