“బాహుబలి ది ఎపిక్” రీరిలీజ్కు ముందు డైరెక్టర్ ఎస్.ఎస్. రాజమౌళి థియేటర్లో అభిమానులతో కలిసి సందడి చేశారు. పదేళ్లయినా బాహుబలిపై మీ ప్రేమ తగ్గలేదని ఆయన అన్నారు. ఈ రీరిలీజ్ ఇప్పటికే రూ.10 కోట్లకు పైగా బుకింగ్స్తో రికార్డులు సృష్టిస్తోంది. ఈ ప్రత్యేక విడుదల వివరాలు ఇక్కడ ఉన్నాయి.
Key Points
బాహుబలి ది ఎపిక్ రిలీజ్కు ముందు రాజమౌళి థియేటర్లో సందడి చేశారు.
పదేళ్లైనా ప్రేమ తగ్గలేదని, అందుకే ఎపిక్ రూపంలో తీసుకొచ్చామని రాజమౌళి అన్నారు.
'బాహుబలి ది ఎపిక్' బుకింగ్స్ ఇప్పటికే రూ.10 కోట్లు దాటాయి.
అమెరికా, యూకే, యూఏఈ సహా ప్రపంచవ్యాప్తంగా ఈ సినిమా విడుదలవుతోంది.
రాజమౌళి సందడి, అభిమానులతో ముచ్చట్లు
బాహుబలి ది ఎపిక్ రిలీజ్ కు ముందు రోజు డైరెక్టర్ ఎస్ ఎస్ రాజమౌళి థియేటర్లో సందడి చేశాడు. మూవీ ప్రారంభమయ్యే ముందు సడెన్ గా వచ్చి అభిమానులతో ముచ్చటించాడు. పదేళ్లయినా ఈ సినిమాపై ఈ ప్రేమ ఏమాత్రం తగ్గలేదని అతడు అన్నాడు.
బాహుబలి ది బిగినింగ్, బాహుబలి ది కంక్లూజన్ కలిపి బాహుబలి ది ఎపిక్ రూపంలో రిలీజ్ అవుతున్న విషయం తెలుసు కదా. శుక్రవారం (అక్టోబర్ 31) ఈ మూవీ రిలీజ్ కానుండగా.. గురువారం రాత్రి నుంచే థియేటర్లలో సందడి నెలకొంది. ఈ సందర్భంగా డైరెక్టర్ రాజమౌళి ప్రసాద్ సినిమాస్ లోని పీసీఎక్స్ స్క్రీన్ కి వెళ్లి అభిమానులతో ముచ్చటించాడు.
ఆ తర్వాత ఈ సినిమాపై పదేళ్లయినా మీ ప్రేమ తగ్గలేదని, అందుకే రీరిలీజ్ చేద్దామా లేక ఏదైనా కొత్తగా చేద్దామా అని ఆలోచించి.. ఇలా ఎపిక్ రూపంలో తీసుకొస్తున్నామని రాజమౌళి అన్నాడు. మీరు మెచ్చిన సీన్లంటినీ అలాగే ఉంచానని అనుకుంటున్నానని, మూవీ చూసి ఎంజాయ్ చేయాలని అతడు కోరాడు. ఈ వీడియో ప్రస్తుతం సోషల్ మీడియాలో వైరల్ అవుతోంది.
రూ.10 కోట్లు దాటిన బుకింగ్స్ రికార్డు
రూ.10 కోట్లు దాటిన బుకింగ్స్
గతంలో విజయ్ దళపతి ‘గిల్లీ’.. అత్యధిక వసూళ్లు సాధించిన రీ-రిలీజ్గా చెబుతారు. అయితే ఓపెనింగ్ రోజున ప్రపంచవ్యాప్తంగా రూ.7.9 కోట్లు మాత్రమే వసూలు చేసింది. కొందరు రూ.10 కోట్లు అని కూడా అంటారు. దీనిపై స్పష్టత లేదు. ఇక పవన్ కళ్యాణ్ ‘గబ్బర్ సింగ్’ ప్రపంచవ్యాప్తంగా రూ.8 కోట్లు వసూలు చేయగా, మహేష్ బాబు ‘ఖలేజా’ రూ.6.85 కోట్లు వసూలు చేసింది. ప్రస్తుతం హర్షవర్ధన్ రాణే ‘సనమ్ తేరీ కసమ్’ రీ-రిలీజ్లన్నిటిలోనూ అత్యధిక వసూళ్లు సాధించిన మూవీగా రూ.41 కోట్లకు పైగా వసూలు చేసి రికార్డు సృష్టించింది.
బాహుబలి ది ఎపిక్ ప్రపంచవ్యాప్త విడుదల
బాహుబలి: ది ఎపిక్ గురించి
అమెరికాలో ‘బాహుబలి: ది ఎపిక్’ 400 థియేటర్లలో.. యూకే, ఐర్లాండ్లో 210, యూఏఈ, జీసీసీలలో 150కి పైగా, ఆస్ట్రేలియా, న్యూజిలాండ్లో 144, ఆగ్నేయాసియాలో 100కి పైగా థియేటర్లలో విడుదల అవుతుంది. ఈ సినిమా ఎలాంటి రికార్డులు సృష్టిస్తుందో చూడాలి.
బాహుబలి ది ఎపిక్ రీరిలీజ్కు ముందు రాజమౌళి సందడి, భారీ బుకింగ్స్ సినిమాకున్న క్రేజ్ను స్పష్టం చేస్తున్నాయి. ఇది థియేటర్లలో ఎలాంటి రికార్డులు సృష్టిస్తుందో చూడాలి. పదేళ్ల తర్వాత కూడా ఈ చిత్రం ప్రేక్షకుల హృదయాల్లో చెక్కుచెదరని స్థానాన్ని నిలుపుకుంది.
