📌 Key Points
- రాజస్థాన్లోని శ్రీగంగానగర్లో 13 ఏళ్ల మైనర్ బాలికపై 5 రోజులు 30 మంది అత్యాచారం.
- రిక్షా కార్మికుడు బాలికను హోటల్ యజమానికి విక్రయించడంతో దారుణం ప్రారంభం.
- పోలీసులు పలువురు హోటల్ యజమానులు, మేనేజర్లను అరెస్ట్ చేశారు.
- కాంగ్రెస్ పార్టీ నిరసనలు చేపట్టి, నిందితులకు ఉరిశిక్ష డిమాండ్ చేసింది.
దేశాన్ని దిగ్భ్రాంతికి గురిచేసిన అమానుష ఘటన రాజస్థాన్లో వెలుగుచూసింది. 13 ఏళ్ల మైనర్ బాలికపై 5 రోజుల పాటు 30 మందికి పైగా మృగాళ్లు అత్యాచారానికి పాల్పడ్డారు. ఈ ఘటనపై తీవ్ర నిరసనలు వ్యక్తమవుతున్నాయి, పోలీసులు దర్యాప్తు వేగవంతం చేశారు.
రాజస్థాన్లో మైనర్ బాలికపై దారుణం
దేశంలో అత్యంత ఘోరమైన, అమానుష ఘటన వెలుగుచూసింది. 13 ఏళ్ల మైనర్ బాలికపై 5 రోజులపాటు సుమారు 30 మందికి పైగా మృగాళ్లు పలు హోటళ్లలో అత్యాచారానికి ఒడిగట్టిన ఆరోపణలు వచ్చాయి. రాజస్థాన్లోని శ్రీ గంగనగర్లో ఈ ఘోరమైన ఘటన జరిగింది. ఇంటి నుంచి కనిపించకుండా పోయిన బాలికను రిక్షా కార్మికుడు హోటల్ యజమానికి విక్రయించాడు. దాంతో ఈ దారుణం ప్రారంభమైనట్లుగా బాధితురాలి ఫిర్యాదు మేరకు పోలీసులు ఫైల్ చేసిన ఎఫ్ఐఆర్ ద్వారా తెలుస్తోంది. ఈ వికృత కాండలో పలువురు హోటల్ నిర్వాహకుల ప్రమేయం కూడా ఉన్నట్లు సమాచారం. ఈ ఘోరాన్ని బయటకు రాకుండా తొక్కేయడానికి తీవ్రంగా ప్రయత్నించారు.
లైంగిక దాడుల కారణంగా బాధితురాలు తీవ్రనొప్పితో బాధపడుతుండగా.. తనకు బలవంతంగా మద్యం తాగించినట్లు వాపోయింది. ఇప్పటికే బాధితురాలు చెప్పిన హోటళ్ల యజమానులు, మేనేజర్లను పోలీసులు అరెస్ట్ చేశారు. శ్రీగంగానగర్ పర్యాటకంగా పెద్దగా అభివృద్ధి చెందిన ప్రాంతం కాకపోయినప్పటికీ 150కి పైగా హోటళ్లు ఉన్నాయి. తాజాగా జరిగిన ఘటన నేపథ్యంలో వాటన్నింటినీ మూసివేయాలన్న డిమాండ్లు ఊపందుకున్నాయి. కాంగ్రెస్ పార్టీ నిరసన కార్యక్రమాలు చేపట్టి.. రిక్షాడ్రైవర్ తో పాటు కేసులో ఉన్న ప్రతి నిందితుడిపై కఠిన చర్యలు తీసుకోవాలని డిమాండ్ చేసింది. కరణ్ పూర్ కాంగ్రెస్ ఎమ్మెల్యే రూపిందర్ సింగ్ కున్నర్.. నిరసనలో పాల్గొని, నిందితులకు ఉరిశిక్ష విధించాలని డిమాండ్ చేశారు. కేసులో తక్షణ చర్యలు తీసుకోకపోతే రాష్ట్రవ్యాప్తంగా ఉద్యమాన్ని మరింత ఉధృతం చేస్తామని కాంగ్రెస్ హెచ్చరించింది. సంబంధిత పోలీస్ స్టేషన్ అధికారుల్ని సస్పెండ్ చేయాలని కూడా డిమాండ్ చేసింది.
హోటల్ యజమానుల పాత్ర, అరెస్టులు
కాంగ్రెస్ పార్టీ నిరసనలు, డిమాండ్లు
ఈ దారుణ ఘటన దేశవ్యాప్తంగా తీవ్ర ఆగ్రహాన్ని రేకెత్తించింది. నిందితులకు కఠిన శిక్ష పడాలని, భవిష్యత్తులో ఇలాంటివి పునరావృతం కాకుండా చూడాలని ప్రజలు, రాజకీయ పార్టీలు డిమాండ్ చేస్తున్నాయి. బాధితురాలికి న్యాయం జరగాలని ఆశిద్దాం.
