📌 Key Points
- వారసత్వం అంటే తండ్రి పేరు వాడుకోవడం మాత్రమే కాదని రామ్ చరణ్ అన్నారు.
- చిరంజీవి తన కుటుంబానికి ఇచ్చే ప్రాధాన్యతను చరణ్ కొనియాడారు.
- కష్టాల్లో ఉన్నవారికి చిరంజీవి ఎల్లప్పుడూ సహాయం చేస్తారని చరణ్ తెలిపారు.
- విమర్శలను ఎదుర్కొనే ధైర్యాన్ని చిరంజీవి తనయుడికి నేర్పించారు.
మెగాస్టార్ చిరంజీవి వారసత్వం కేవలం స్టార్డమ్ మాత్రమే కాదని, దాని వెనుక ఎంతో అర్ధం ఉందని రామ్ చరణ్ అన్నారు. తండ్రి నుంచి తాను నేర్చుకున్న జీవిత పాఠాల గురించి ఆయన ఎమోషనల్ గా మాట్లాడారు.
వారసత్వం గురించి రామ్ చరణ్ ఏమన్నారంటే?
Ram Charan: సినిమా రంగంలో వారసత్వం అంటే కేవలం తండ్రి పేరును వాడుకోవడం లేదా ఆయన సంపాదించిన క్రేజ్ను కొనసాగించడం మాత్రమే అని చాలామంది భావిస్తారు. కానీ, గ్లోబల్ స్టార్ రామ్ చరణ్ దృష్టిలో వారసత్వం అంటే అంతకంటే ఎంతో లోతైనది. ఇటీవల ఎస్క్వైర్ ఇండియాకు ఇచ్చిన ప్రత్యేక ఇంటర్వ్యూలో తన తండ్రి మెగాస్టార్ చిరంజీవి గురించి, ఆయన నుంచి తాను నేర్చుకున్న జీవిత పాఠాల గురించి చరణ్ మనసు విప్పి మాట్లాడారు.
Read also- మార్వెల్ ఫ్యాన్స్కు గుడ్ న్యూస్.. ‘అవెంజర్స్: డూమ్స్డే’లో విలన్గా రాబర్ట్ డౌనీ జూనియర్!
చిరంజీవి గారు దశాబ్దాల కాలంగా టాలీవుడ్ అగ్ర హీరోగా కొనసాగుతున్నారు. ఆయనకున్న స్టార్డమ్, బిజీ షెడ్యూల్ గురించి ప్రత్యేకంగా చెప్పక్కర్లేదు. అయితే, ఇంత బిజీగా ఉండి కూడా ఆయన కుటుంబానికి ఇచ్చే ప్రాధాన్యత తనను ఎప్పుడూ ఆశ్చర్యపరుస్తుందని చరణ్ పేర్కొన్నారు. “నాన్నగారు రోజుకు కేవలం 4 గంటలే నిద్రపోయిన రోజులు నాకు గుర్తున్నాయి. అదే సమయంలో, షూటింగ్లకు పూర్తిగా విరామం ఇచ్చి, ఇంట్లో అందరు కజిన్స్తో కలిసి మూడు రోజుల పాటు సరదాగా గడిపిన సందర్భాలూ ఉన్నాయి. స్టార్డమ్ను అనుభవిస్తూనే, ఇంట్లో ఒక సాధారణ తండ్రిలా మాకు అందుబాటులో ఉండటం ఆయనకే సాధ్యం. ఈ వర్క్-లైఫ్ బ్యాలెన్స్నే నేను అసలైన లెగసీగా భావిస్తున్నాను” అని చరణ్ తెలిపారు.
కుటుంబానికి చిరంజీవి ఇచ్చే ప్రాధాన్యత
కేవలం కుటుంబ సభ్యులకే కాకుండా, చిత్ర పరిశ్రమలో ఎవరికి ఏ కష్టం వచ్చినా స్పందించే మొదటి వ్యక్తి చిరంజీవి గారు అని చరణ్ గర్వంగా చెప్పారు. ఎవరికైనా సలహా కావాలన్నా, మద్దతు అవసరమైనా ఆయన ఎప్పుడూ ముందుంటారని, అందరి కోసం సమయాన్ని వెచ్చిస్తారని చరణ్ వివరించారు. ఈ సేవా గుణం, నిబద్ధత తనను ఎంతగానో ప్రభావితం చేశాయని ఆయన అన్నారు.
Read also- సబ్స్క్రిప్షన్ మొదలుపెట్టిన అనన్య నాగళ్ల.. నెల సంపాదన తెలిస్తే కళ్ళు తిరగాల్సిందే!
సినీ రంగంలో ప్రశంసలతో పాటు విమర్శలు, అవమానాలు ఎదురవ్వడం సహజం. ఇలాంటి పరిస్థితుల్లో ఎలా నిలబడాలి అనే అంశంపై చిరంజీవి గారు ఇచ్చే సలహాను చరణ్ గుర్తు చేసుకున్నారు. “లోకం విమర్శిస్తుంది, అవమానిస్తుంది.. కానీ మనల్ని మనం నమ్ముకున్నప్పుడు, మన ఆత్మగౌరవం మనల్ని బలంగా ఉంచుతుంది. మనం చేసే పని సరైనదని మనకు నమ్మకం ఉన్నప్పుడు, ఏ శక్తీ మనల్ని కదిలించలేదు” అని తన తండ్రి చెప్పే మాటలను చరణ్ ఉటంకించారు. ఎన్ని ఒడిదుడుకులు ఎదురైనా, ఎన్నిసార్లు కింద పడినా.. మళ్ళీ అంతే ఆత్మవిశ్వాసంతో చిన్-అప్ చేసి నిలబడటం తన తండ్రికి ఉన్న గొప్ప లక్షణమని చరణ్ కొనియాడారు. గత 71 ఏళ్లుగా ఆయన చూపిస్తున్న ఈ క్రమశిక్షణ, పని పట్ల ఉన్న గౌరవమే తనను ఈ స్థాయికి చేర్చాయని రామ్ చరణ్ ఎంతో వినయంగా చెప్పుకొచ్చారు. తాజాగా దీనికి సంబంధించిన వీడియో తెగ వైరల్ అవుతోంది.
విమర్శలను ఎలా ఎదుర్కోవాలో నేర్పిన చిరు
For Esquire’s #MyHero , we asked Ram Charan ( @AlwaysRamCharan ) who his idol was. The reply? His father, Mega Star Konidela Chiranjeevi ( @KChiruTweets ). The reasons are aplenty: His commitment towards family, his discipline towards work, and staying true to his values. Watch. pic.twitter.com/gSIQ7D1fQF
— Esquire India (@esquire_india) April 17, 2026
చిరంజీవి తనయుడిగా రామ్ చరణ్ ఆయన అడుగుజాడల్లో నడుస్తూ, తండ్రి పేరును నిలబెడుతున్నారు. చిరంజీవి ఆదర్శాలను స్ఫూర్తిగా తీసుకుని ముందుకు సాగుతున్నారు.
