📌 Key Points
- రామ్ చరణ్ ‘పెద్ది’ మూవీ విడుదలపై సందిగ్ధత వీడటం లేదు, అభిమానుల్లో గందరగోళం!
- ఏప్రిల్ 30న విడుదల అని రామ్ చరణ్ చెప్పినా, పోస్టర్లలో రిలీజ్ డేట్ లేకపోవడం అనుమానాలకు తావిస్తోంది.
- షూటింగ్ ఇంకా పెండింగ్లో ఉందా? పోస్ట్ ప్రొడక్షన్ పనుల్లో ఆలస్యం అవుతుందా అని నెటిజన్ల ఆరాలు.
- తక్షణమే స్పందించి విడుదల తేదీపై క్లారిటీ ఇవ్వాలని మెగా ఫ్యాన్స్ విజ్ఞప్తి, ప్రమోషన్లలో జాప్యం లేకుండా చూడాలని కోరిక.
మెగా పవర్ స్టార్ రామ్ చరణ్, బుచ్చిబాబు కాంబినేషన్లో వస్తున్న ‘పెద్ది’ చిత్రం విడుదల తేదీపై సందిగ్ధత నెలకొంది. ఈ సినిమా ఎప్పుడు విడుదల అవుతుందోనని అభిమానులు ఆసక్తిగా ఎదురుచూస్తున్నారు. దీనికి సంబంధించిన పూర్తి వివరాలు ఇప్పుడు చూద్దాం.
రామ్ చరణ్ మాట తప్పారా?
Peddi: మెగా పవర్ స్టార్ రామ్ చరణ్ హీరోగా వస్తున్న భారీ చిత్రం ‘పెద్ది’. బుచ్చిబాబు తెరకెక్కిస్తున్న ఈ సినిమా విడుదల విషయంలో ప్రస్తుతం ఫిల్మ్ నగర్ వర్గాల్లో, సోషల్ మీడియాలో పెద్ద ఎత్తున చర్చ జరుగుతోంది. ఈ సినిమాపై మెగా అభిమానుల్లో భారీ అంచనాలు నెలకొన్నాయి. వాస్తవానికి ఈ చిత్రం మార్చి 27న విడుదల కావాల్సి ఉండగా, కొన్ని అనివార్య కారణాల వల్ల ఏప్రిల్ 30కి వాయిదా పడిన సంగతి తెలిసిందే.
అయితే గత కొన్ని రోజులుగా ఈ చిత్రం మరోసారి వాయిదా పడనుందని, జూన్ 25న ప్రేక్షకుల ముందుకు రానుందని సోషల్ మీడియాలో వార్తలు చక్కర్లు కొడుతున్నాయి. ఈ వార్తలతో అభిమానులు కాస్త కన్ఫ్యూజన్ లో పడిపోయారు. అయితే, ఇటీవల రామ్ చరణ్ చేసిన కామెంట్స్ కాస్త కన్ఫ్యూజన్ ను క్లియర్ చేశాయి. ‘రాకాస’ సినిమా టీంను కలిసిన సందర్భంగా ఆయన మాట్లాడుతూ, ‘పెద్ది(Peddi)’ సినిమా విడుదల తేదీలో ఎలాంటి మార్పు లేదని, ప్రకటించినట్లుగా ఏప్రిల్ 30నే థియేటర్లలోకి వస్తుందని స్పష్టం చేశారు.
పోస్టర్లలో రిలీజ్ డేట్ మాయం!
కానీ, తాజాగా హనుమాన్ జయంతి పర్వదినాన్ని పురస్కరించుకుని చిత్ర యూనిట్ విడుదల చేసిన ప్రత్యేక పోస్టర్ మళ్లీ కొత్త అనుమానాలను క్రియేట్ చేసింది. సాధారణంగా ఇలాంటి క్రేజీ ప్రాజెక్టుల పోస్టర్లపై విడుదల తేదీని ప్రముఖంగా ప్రస్తావిస్తారు, కానీ ఈ పోస్టర్లో రిలీజ్ డేట్ ఎక్కడా కనిపించకపోవడంతో వాయిదా వార్తలకు మళ్లీ బలం చేకూరింది. ఒకవైపు హీరో విడుదల తేదీ మారదని చెబుతుంటే, మరోవైపు అధికారిక పోస్టర్లలో డేట్ లేకపోవడం అభిమానులను గందరగోళానికి గురిచేస్తోంది.
ఫ్యాన్స్ లో టెన్షన్.. కారణం ఇదేనా?
షూటింగ్ పెండింగ్ ఉందా లేక పోస్ట్ ప్రొడక్షన్ పనుల వల్ల ఆలస్యమవుతుందా అనే కోణంలో నెటిజన్లు రకరకాలుగా స్పందిస్తున్నారు. చిత్ర బృందం వెంటనే స్పందించి, విడుదల తేదీపై ఒక అధికారిక క్లారిటీ ఇవ్వాలని, ఈ కన్ఫ్యూజన్ లో క్లియర్ చేయాలనీ మెగా ఫ్యాన్స్ కోరుతున్నారు. సినిమా ప్రమోషన్లు వేగవంతం చేయాల్సిన సమయంలో ఇలాంటి కన్ఫ్యూజన్ ఉండటం ఆందోళన కలిగిస్తోందని సోషల్ మీడియా వేదికగా కామెంట్స్ వినిపిస్తున్నాయి. మరి మేకర్స్ ఇకనైనా అధికారిక ప్రకటన చేస్తారా అనేది చూడాలి.
ఇలాంటి గందరగోళ పరిస్థితుల్లో చిత్ర బృందం త్వరగా స్పందించి ఒక అధికారిక ప్రకటన చేస్తే అభిమానులకు క్లారిటీ వస్తుంది. మరింత సమాచారం కోసం చూస్తూ ఉండండి.
