📌 Key Points
- రామ్ చరణ్, బుచ్చిబాబు సన కాంబోలో ‘పెద్ది’ మూవీ షూటింగ్ శరవేగంగా జరుగుతోంది.
- ‘ఎవడు’ సినిమా తర్వాత మళ్ళీ రామ్ చరణ్, సాయి కుమార్ కలిసి నటిస్తున్నారు.
- ఈ సినిమాలో జాన్వీ కపూర్ హీరోయిన్, ఏఆర్ రెహమాన్ సంగీతం అందిస్తున్నారు.
- జగపతి బాబు, శివరాజ్ కుమార్, దివ్యేందు శర్మ కూడా ఈ సినిమాలో నటిస్తున్నారు.
మెగా పవర్ స్టార్ రామ్ చరణ్, డైరెక్టర్ బుచ్చిబాబు సన కాంబినేషన్ లో వస్తున్న ‘పెద్ది’ మూవీ ఒక సెన్సేషన్ క్రియేట్ చేయడానికి రెడీగా ఉంది. ఈ సినిమాలో ఒక ఊహించని ట్విస్ట్ ఏమిటంటే సాయి కుమార్ గారు మళ్ళీ ఎంట్రీ ఇస్తున్నారు.
‘పెద్ది’లో సాయి కుమార్ రీఎంట్రీ!
గ్లోబల్ స్టార్ రామ్ చరణ్, బుచ్చిబాబు సనా కాంబినేషన్లో రూపొందుతున్న భారీ స్పోర్ట్స్ డ్రామా ‘పెద్ది’. గ్రామీణ నేపథ్యంలో సాగే ఈ చిత్రంపై ఇప్పటికే సినీ వర్గాల్లో భారీ అంచనాలు నెలకొన్నాయి. తాజాగా, ఈ సినిమాకు సంబంధించి ఒక ఇంట్రెస్టింగ్ అప్డేట్ సోషల్ మీడియాలో వైరల్ అవుతోంది. ఈ క్రేజీ ప్రాజెక్ట్లో వెర్సటైల్ నటుడు సాయి కుమార్ ఒక కీలక పాత్ర పోషిస్తున్నట్లు సమాచారం. రామ్ చరణ్, సాయి కుమార్ కాంబినేషన్ అనగానే అందరికీ గుర్తొచ్చే సినిమా ‘ఎవడు’. సరిగ్గా పదేళ్ల క్రితం వచ్చిన ఆ చిత్రంలో వీరిద్దరి మధ్య వచ్చే సన్నివేశాలు ప్రేక్షకులను బాగా ఆకట్టుకున్నాయి. మళ్ళీ ఇన్నాళ్ల తర్వాత ‘పెద్ది’ సినిమా కోసం ఈ ఇద్దరు నటులు స్క్రీన్ షేర్ చేసుకోబోతుండటం విశేషం. సాయి కుమార్ పాత్ర ఇందులో చాలా పవర్ఫుల్గా ఉంటుందని, ఇప్పటికే ఆయనకు సంబంధించిన కొన్ని ముఖ్యమైన సీన్లను కూడా చిత్రబృందం చిత్రీకరించినట్లు తెలుస్తోంది.
ఈ సినిమాలో బాలీవుడ్ బ్యూటీ జాన్వీ కపూర్ హీరోయిన్గా నటిస్తుండగా, సంగీత దిగ్గజం ఏఆర్ రెహమాన్ స్వరాలు అందిస్తున్నారు. కేవలం సాయి కుమార్ మాత్రమే కాకుండా.. జగపతి బాబు, కన్నడ స్టార్ శివరాజ్ కుమార్, ‘మీర్జాపూర్’ ఫేమ్ దివ్యేందు శర్మ వంటి హేమాహేమీలు ఈ ప్రాజెక్ట్లో భాగమయ్యారు. ఇప్పుడు సాయి కుమార్ కూడా తోడవడంతో ‘పెద్ది’ స్టార్ కాస్ట్ మరింత స్ట్రాంగ్గా మారింది. ఒక వైపు చరణ్ మాస్ అప్పీల్, మరోవైపు బుచ్చిబాబు మార్క్ ఎమోషనల్ మేకింగ్.. కలిసి ఈ సినిమా బాక్సాఫీస్ వద్ద ప్రకంపనలు సృష్టించడం ఖాయమని అభిమానులు ఆశిస్తున్నారు. సాయి కుమార్ పాత్ర గురించి మరిన్ని వివరాలు తెలియాల్సి ఉన్నప్పటికీ, ఈ కాంబో మళ్ళీ సెట్ అవ్వడం మాత్రం మెగా ఫ్యాన్స్కు పెద్ద సర్ ప్రైజ్ అనే చెప్పాలి.
పదేళ్ల తర్వాత మళ్ళీ ఎవడు కాంబో!
చరణ్, సాయి కుమార్ ల సీన్స్ అదిరిపోతాయి!
సాయి కుమార్ ఎంట్రీతో సినిమాకు మరింత బలం చేకూరింది. రామ్ చరణ్ మాస్ లుక్స్తో, బుచ్చిబాబు ఎమోషనల్ టచ్ తో ఈ సినిమా బాక్సాఫీస్ ను షేక్ చేయడం ఖాయం. మరిన్ని అప్డేట్స్ కోసం చూస్తూ ఉండండి.
