📌 Key Points
- కృష్ణవంశీకి కౌంటర్ ఇచ్చిన రమ్యకృష్ణ: ‘ఆయనకు నేనే మొగుడు’
- ‘క్వీన్’ మూవీ రిలీజ్ టైంలో రమ్యకృష్ణ సంచలన వ్యాఖ్యలు
- రాంగోపాల్ వర్మ సినిమాలో మోడ్రన్ పాత్రలో రమ్యకృష్ణ మెరవనుంది
- రజనీకాంత్ సరసన ‘జైలర్ 2’లో రమ్యకృష్ణ నటిస్తుండటం విశేషం
టాలీవుడ్లో రమ్యకృష్ణ గురించి ఒక సంచలన వార్త వైరల్ అవుతోంది! కృష్ణవంశీ చేసిన కామెంట్లకు రమ్యకృష్ణ దిమ్మతిరిగే కౌంటర్ ఇచ్చింది. అసలు ఏం జరిగిందో తెలుసుకోవాలంటే ఈ న్యూస్ చూడాల్సిందే!
కృష్ణవంశీ కామెంట్స్పై రమ్యకృష్ణ రియాక్షన్
రమ్యకృష్ణ ఇప్పుడు విలక్షణ నటిగా రాణిస్తోంది. ఒకప్పుడు ఆమె గ్లామర్ పాత్రలతో మెప్పించింది. తిరుగులేని స్టార్ హీరోయిన్గా రాణించింది. దాదాపు రెండు దశాబ్దాలపాటు చిత్ర పరిశ్రమ ని ఊపేసింది. ఇప్పుడు క్యారెక్టర్ ఆర్టిస్ట్ గా మారి విలక్షణ పాతలతో మెప్పిస్తోంది. `బాహుబలి` సినిమాతో ఆమె సెకండ్ ఇన్నింగ్స్ స్టార్ట్ చేసిందని చెప్పొచ్చు. ఇటీవల ఆమె `రంగమార్తాండ`లో మరో అద్భుతమైన పాత్రలో మెప్పించింది. ఎమోషనల్ రోల్ చేసి కన్నీళ్లు పెట్టించింది. `జైలర్`తో సూపర్ హిట్ అందుకుంది.
ఇదిలా ఉంటే రమ్యకృష్ణ.. దర్శకుడు కృష్ణవంశీని ప్రేమించి పెళ్లి చేసుకున్న విషయం తెలిసిందే. కృష్ణవంశీ రూపొందించిన `చంద్రలేఖ` చిత్రంలో రమ్యకృష్ణ హీరోయిన్గా నటించింది. ఇందులో నాగార్జున హీరో. ఈ సినిమా సమయంలో ఒకరినొకరు ఇష్టపడ్డారు. ఆ తర్వాత పెళ్లి చేసుకున్నారు. మళ్లీ వీరిద్దరు కలిసి పనిచేయలేదు. చాలా రోజుల ఇటీవల కృష్ణవంశీ రూపొందించిన `రంగమార్తాండ`లో రమ్యకృష్ణ నటించింది.
భార్యాభర్తల బంధంపై శివగామి బోల్డ్ కామెంట్స్
అయితే రమ్యకృష్ణ, కృష్ణవంశీ మధ్య విభేదాలు వచ్చాయని చాలా సార్లు వార్తలు వచ్చాయి. రమ్యకృష్ణ చెన్నైలో ఉంటుందనే కామెంట్లు వచ్చిన నేపథ్యంలో ఆ మధ్య దర్శకుడు కృష్ణవంశీ స్పందించి వివరణ ఇచ్చాడు, షూటింగ్ల నిమిత్తం ఆమె వెళ్లి వస్తుంటుందని, రెగ్యూలర్గా తాము కలుసుకుంటూనే ఉంటామని, తమ మధ్య ఎలాంటి దూరంగా లేదని తెలిపారు. తాము కలిసే ఉంటున్నట్టు వెల్లడించారు. అవి కేవలం రూమర్లు మాత్రమే అని స్పష్టం చేశారు.
కానీ ఓ సందర్భంలో రమ్యకృష్ణపై దర్శకుడు కృష్ణవంశీ హాట్ కామెంట్ చేశారు. `రమ్యకృష్ణకి నేను మొగుడిని కాదు, నాకే ఆమె మొగుడు` అన్నారు. దీనిపై రమ్యకృష్ణ స్పందించింది. `క్వీన్` అనే మూవీ రిలీజ్ టైమ్లో ఇచ్చిన ఇంటర్వ్యూలో దీనిపై ఆమె బోల్డ్ కామెంట్ చేసింది. `ఎవరికి ఎవరు మొగుడైతే ఏంటి(నవ్వుతూ). ఆయన సరదాగా అలా అని ఉంటారు. కొన్నిసార్లు ఆయన భార్య, నేను భర్త కావచ్చు, పాత్రలు మార్చుకోవచ్చు. అయినా భార్యాభర్తల మధ్య అవగాహన ఉండాలి. ఒకరినొకరు అర్థం చేసుకోవాలి. ఇదే మేం నమ్ముతాం` అని తెలిపింది రమ్యకృష్ణ. ఈ ఇంటర్వ్యూ క్లిప్ ఇప్పుడు బయటకు వచ్చింది. ఇది అభిమానులను ఆకట్టుకుంటోంది.
రామ్ గోపాల్ వర్మ సినిమాలో రమ్యకృష్ణ
రమ్యకృష్ణ ప్రస్తుతం రామ్ గోపాల్ వర్మ దర్శకత్వంలో ఓ సినిమా చేస్తోంది. ఇందులో ఆమె మోడ్రన్ ఉమెన్గా, ట్రావెల్ని ఇష్టపడే మహిళగా కనిపించబోతుంది. అలాగే తమిళంలో రజనీకాంత్ సరసన `జైలర్ 2`లో నటిస్తోంది. నెల్సన్ దిలీప్ కుమార్ రూపొందిస్తోన్న ఈ చిత్రం చిత్రీకరణ దశలో ఉంది.
రమ్యకృష్ణ మరియు కృష్ణవంశీ గురించిన ఈ వార్త టాలీవుడ్లో హాట్ టాపిక్గా మారింది. మరిన్ని ఆసక్తికరమైన అప్డేట్స్ కోసం చూస్తూనే ఉండండి. మీ అభిమాన తారల గురించి ఎప్పటికప్పుడు తెలియజేస్తాం.
