యాంకర్ రష్మీ గౌతమ్ సోషల్ మీడియాలో షాకింగ్ పోస్ట్ పెట్టారు. వ్యక్తిగత, వృత్తిపరమైన ఇబ్బందుల వల్ల నెల రోజులు సోషల్ మీడియాకు దూరంగా ఉంటానని ప్రకటించారు. అడ్డమైన విమర్శలను తట్టుకోలేక ఈ నిర్ణయం తీసుకున్నట్లు తెలిపారు.
Key Points
రష్మీ గౌతమ్ సోషల్ మీడియాకు తాత్కాలికంగా దూరం అవుతున్నట్లు ప్రకటించారు.
వ్యక్తిగత, వృత్తిపరమైన కారణాల వల్ల ఈ నిర్ణయం తీసుకున్నట్లు తెలిపారు.
అడ్డమైన నీతులు వినే ఓపిక లేదని, నెల రోజులు విరామం తీసుకుంటున్నట్లు చెప్పారు.
ఆమె త్వరగా కోలుకుని తిరిగి రావాలని అభిమానులు కోరుకుంటున్నారు.
రష్మీ గౌతమ్ సోషల్ మీడియా విరామం
యాంకర్ రష్మీ పేరు చెప్పగానే జబర్దస్త్, సుడిగాలి సుధీర్తో పాటు ‘గుంటూరు టాకీస్’ తదితర సినిమాలు గుర్తొస్తాయి. చాలా ఏళ్లుగా ఇండస్ట్రీలో ఉన్నప్పటికీ గత పదేళ్లలో ఈమె లైఫ్ చాలా మారిపోయింది. యాంకర్గా మంచి గుర్తింపు తెచ్చుకుంది. ఆర్థికంగానూ కాస్త స్థిరపడిందని చెప్పొచ్చు. రీసెంట్గానే అంటే ఏప్రిల్లోనే కాలికి సర్జరీ జరిగింది. ప్రస్తుతం దాని నుంచి కోలుకుంటూనే మరోవైపు షోలు చేస్తోంది. అలాంటిది ఇప్పుడు సోషల్ మీడియాలో షాకింగ్ పోస్ట్ పెట్టింది.
‘వ్యక్తిగతంగా, వృత్తిపరంగా కాస్త ఇబ్బందులో ఉన్నాను. అలానే సోషల్ మీడియాలో చెప్పే అడ్డమైన నీతులు వినే ఓపిక, తీరిక నాకు లేదు. అందుకే నెల రోజుల పాటు సోషల్ మీడియాకు దూరంగా ఉండాలని నిర్ణయించుకున్నాను. నేను మళ్లీ బలంగా, ధైర్యంగా తిరిగొస్తానని హామీ ఇస్తున్నాను. ఇంకా చాలా ఇవ్వాల్సి ఉంది. నా శక్తిని నేను పునరుద్ధరించుకోవాల్సిన అవసరముంది. దానికి మీ డిజిటల్ ప్రోత్సాహం అవసరం లేదు’
వ్యక్తిగత, వృత్తిపరమైన ఇబ్బందులు
‘నా ఆత్మవిశ్వాసంతో దాన్ని సాధించుకోలగను. నా దృఢమైన ఆత్మవిశ్వాసాన్ని నేనెప్పుడు కోల్పోలేదు. అదెప్పుడు నా దగ్గరే ఉంది. అయితే ఎక్కడో ఓ చోట కృంగిపోతున్నాను. వీటన్నింటికీ పరిష్కారం కనుక్కోవాల్సిన సమయం దగ్గరపడింది. సోషల్ మీడియాలో నేను యాక్టివ్గా లేకపోయినా మీ ప్రోత్సాహం, ప్రేమ, సపోర్ట్ ఇస్తారని ఆశిస్తున్నాను’ అని రష్మి రాసుకొచ్చింది.
అభిమానుల ప్రోత్సాహం
బహుశా సర్జరీ తర్వాత మానసికంగా రష్మీకి ఏమైనా ఇబ్బందులు వచ్చాయా? అని ఇవి చూసిన తర్వాత సందేహం కలుగుతోంది. అలానే వృత్తిపరంగానూ ఇబ్బందులు అంటే షోలు వల్ల రెవెన్యూ ఏమైనా తగ్గిందా అని కూడా అనిపిస్తుంది. ఏదేమైనా రష్మి త్వరగా కోలుకుని తిరిగి రావాలని నెటిజన్లు కామెంట్స్ పెడుతున్నారు.
రష్మీ గౌతమ్ త్వరలోనే తన సమస్యలకు పరిష్కారం కనుగొని బలంగా తిరిగి వస్తారని ఆశిద్దాం. ఆమెకు అభిమానుల ప్రేమ, మద్దతు ఎంతో అవసరం.
