షాకింగ్! లెనిన్ హీరోయిన్ మార్పు వెనుక నాగవంశీ సంచలన వివరణ

Published: 08-07-2026, 10:29 AM

📌 Key Points

శ్రీలీల డేట్స్ సర్దుబాటు కాకపోవడంతో భాగ్యశ్రీ బోర్సే హీరోయిన్గా తుది ఫిక్స్.
నాగవంశీ క్లారిటీ: శ్రీలీల తప్పు కాదు, ఆమె బిజీ షెడ్యూల్ వల్ల ఈ మార్పు.
‘లెనిన్’ జులై 10న ప్రపంచవ్యాప్తంగా థియేటర్లలో విడుదల.
భాగ్యశ్రీ నటనపై నాగార్జున, నాగవంశీ ప్రశంసలు.

అఖిల్ అక్కినేని హీరోగా నటించిన ‘లెనిన్’ మూవీ హీరోయిన్ మార్పు వెనుక ఆసక్తికర విషయాలు వెలుగులోకి వచ్చాయి. నిర్మాత నాగవంశీ ఇచ్చిన సంచలన వివరణ ఇప్పుడు వైరల్ అవుతోంది.

శ్రీలీల తప్పుకు నిజమైన కారణం ఏమిటి?

అఖిల్ అక్కినేని హీరోగా నటించిన ‘లెనిన్’ మూవీ మరో రెండు రోజుల్లో ప్రేక్షకుల ముందుకు రానుంది. జులై 10న ప్రపంచ వ్యాప్తంగా థియేటర్లలో విడుదల చేయనున్నారు. ఈ సినిమాలో అఖిల్ సరసన భాగ్యశ్రీ బోర్సే హీరోయిన్ గా నటించిందనే సంగతి తెలిసిందే.ఇప్పటికే రిలీజైన ప్రమోషనల్ కంటెంట్ లో భాగ్యశ్రీ ఆడియన్స్ ను ఆకట్టుకుంది. నాగార్జున దగ్గర నుంచీ నాగవంశీ వరకూ.. అందరూ భాగ్యశ్రీని పొగుడుతూ వస్తున్నారు. అయితే ఈ పాత్ర కోసం ముందుగా శ్రీలీలను తీసుకున్నారు. ఆమె తప్పించడానికి గల కారణాలను నిర్మాత నాగవంశీ తాజాగా ఓ ఇంటర్వ్యూలో వెల్లడించారు. అఖిల్, శ్రీలీల జంటగా ‘లెనిన్’ సినిమా షూటింగ్ మొదలైంది. ఫస్ట్ గ్లింప్స్ లో ఆమె పాత్రను పరిచయం చేశారు. పల్లెటూరి అమ్మాయి లుక్ లో ఆమె అభిమానులను ఆకట్టుకుంది. అయితే కొన్ని రోజులు షూటింగ్ జరిగిన తర్వాత శ్రీలీల స్థానంలో భాగ్యశ్రీ వచ్చి చేరింది. దీంతో సినిమాపై అనేక పుట్టుకొచ్చాయి. శ్రీలీలను కావాలనే తప్పించారని కొందరు, ఆమెనే స్వయంగా తప్పుకున్నారని మరికొందరు కామెంట్స్ చేసారు. శ్రీలీల డేట్స్ అడ్జస్ట్ అవ్వకపోవడం వల్లనే హీరోయిన్ గా భాగ్యశ్రీ బోర్సేని తీసుకున్నట్లు నాగవంశీ క్లారిటీ ఇచ్చారు. ”క్రియేటివ్ డిస్కషన్స్ వల్ల మా సైడ్ నుంచి డిలే చేసుకుంటూ వచ్చాం. శ్రీలీల ఇచ్చిన డేట్స్ కి మేము షూటింగ్ చేయలేదు. తర్వాత అనుకోకుండా ఆమెకు కార్తీక్ ఆర్యన్ సినిమా, ‘పరాశక్తి’ ప్రాజెక్ట్స్ వచ్చాయి. తను రెండు పెద్ద సినిమాకి డేట్స్ అడ్జస్ట్ చేయాల్సి వచ్చింది. ‘లెనిన్’ కథలో కొన్ని బ్లాకులు సెట్ చేసుకొని షూటింగుకు వెళ్లాలని అనుకున్నప్పుడు, శ్రీలీల డేట్స్ సెట్ అవ్వలేదు. ఎందుకంటే తను అప్పుడు వేరే ప్రాజెక్ట్స్ తో బిజీగా ఉంది. తనను డిస్టర్బ్ చేయడం ఇష్టంలేక, ఆమె స్థానంలో భాగ్యశ్రీని రీప్లేస్ చేయాల్సి వచ్చింది” అని నాగవంశీ తెలిపారు. హీరోయిన్ మారడంతో ఒక చిన్న పోర్షన్ రీషూట్ చేయాల్సి వచ్చిందని ఆయన చెప్పారు. సోమవారం నిర్వహించిన ‘లెనిన్’ రిలీజ్ ప్రెస్ మీట్ లో ఇదే విషయంపై నాగవంశీ మాట్లాడుతూ.. డేట్స్ ఇష్యూ రావడం వల్ల హీరోయిన్ ని మార్చామని, పాపం శ్రీలీల చేసిన పొరపాటు ఏమీ లేదని అన్నారు. అయితే లెనిన్ ఫస్ట్ కాపీ చూసిన తర్వాత భాగ్యశ్రీ కోసమే డైరెక్టర్ ఈ క్యారక్టర్ రాశాడా అన్నట్టు ఉందని, ఆమె అంత బాగా నటించిందని నాగవంశీ తెలిపారు. ఆమె కోసం ఎన్ని యుద్ధాలైనా చేయొచ్చు అనేంత అద్భుతంగా భాగ్యశ్రీ నటించిందని నాగార్జున కొనియాడారు. * అప్పుడు నా తండ్రి కోసం ‘మనం’.. ఇప్పుడు నా బిడ్డ కోసం ‘లెనిన్’.. నాగార్జున అక్కినేని ‘మిస్టర్ బచ్చన్’ వంటి డిజాస్టర్ మూవీతో టాలీవుడ్ లో ఎంట్రీ ఇచ్చిన భాగ్యశ్రీ శ్రీబోర్సే.. తన గ్లామర్, డ్యాన్సులతో యూత్ లో మంచి క్రేజ్ సంపాదించుకుంది. అందుకే ‘కింగ్డమ్’, ‘ఆంధ్రా కింగ్’ సినిమాలు ప్లాప్ అయినా.. అమ్మడికి అవకాశాలకు కొదువ లేకుండా పోయింది. తను స్టార్ హీరోయిన్ గా మారాలంటే సక్సెస్ కూడా తోడవ్వాలి కాబట్టి, ‘లెనిన్’ ఆమె కెరీర్ కు కీలకంగా మారింది. అఖిల్ తో పాటుగా తనకు కూడా బ్లాక్ బస్టర్ హిట్టు దక్కుతుందని భాగ్యశ్రీ. ఇప్పటికైతే ఈ సినిమాపై ఇండస్ట్రీలో పాజిటివ్ కామెంట్స్ వినిపిస్తున్నాయి. చూద్దాం.. ఈ శుక్రవారం ఏం జరుగుతుందో!