📌 Key Points
- రామ్ గోపాల్ వర్మ ‘ధురంధర్ 2’ సినిమాపై సంచలన వ్యాఖ్యలు చేశారు.
- ‘ధురంధర్ 2’ భారతీయ సినిమా చరిత్రను తిరగరాస్తుందని ఆర్జీవీ అభిప్రాయపడ్డారు.
- ఈ చిత్రం ‘షోలే’ కంటే 100 రెట్లు ఎక్కువ ప్రభావం చూపుతుందని వర్మ అన్నారు.
- దర్శకుడు ఆదిత్య ధర్ పనితీరును ఆర్జీవీ ప్రశంసించారు.
రామ్ గోపాల్ వర్మ ‘ధురంధర్ 2’ సినిమా చూసి తన అభిప్రాయాన్ని వెల్లడించారు. ఈ సినిమా భారతీయ సినిమా చరిత్రను మార్చేస్తుందని, ఇది ఒక కొత్త శకానికి నాంది పలుకుతుందని ఆయన అన్నారు.
‘ధురంధర్ 2’పై ఆర్జీవీ సంచలన వ్యాఖ్యలు
Dhurandhar 2: భారతీయ సినీ పరిశ్రమలో సంచలనాలకు కేరాఫ్ అడ్రస్ రామ్ గోపాల్ వర్మ. నిశితమైన విశ్లేషణ, ఎవరూ ఊహించని పోలికలతో సోషల్ మీడియాను షేక్ చేయడం ఆయన నైజం. తాజాగా ఆయన ‘ధురంధర్ 2’ సినిమాను వీక్షించిన అనంతరం చేసిన వ్యాఖ్యలు ఇప్పుడు ఫిలిం నగర్ వర్గాల్లో దావానలంలా వ్యాపిస్తున్నాయి. ఈ సినిమా కలిగించిన ఇంపాక్ట్ గురించి ఆయన చెబుతూ, ఇది కేవలం ఒక సినిమా కాదు, భారతీయ సినిమా చరిత్రను ‘ఖతం’ చేసి సరికొత్త సామ్రాజ్యాన్ని స్థాపించే ఒక ‘సినిమాటిక్ ఆర్డర్’ అని అభివర్ణించారు.
Read also- Gundeninda GudiGantalu Today episode: రోహిణికి టెన్షన్.. గ్రాండ్ గా ఫంక్షన్.. మనోజ్ కు గుడ్ న్యూస్.. ఇదేం ట్విస్ట్..
ఆర్జీవీ విశ్లేషణ ప్రకారం.. మనం ఇప్పటివరకు ‘షోలే’ (Sholay) చిత్రాన్ని ఒక బెంచ్ మార్క్ లా చూశాం. కానీ ‘ధురంధర్ 2’ కలిగించే ఆడియో విజువల్ ఇంపాక్ట్, సైకలాజికల్ ఎఫెక్ట్ షోలే కంటే 100 రెట్లు ఎక్కువగా ఉంటుందని ఆయన కుండబద్దలు కొట్టారు. వసూళ్ల పరంగానే కాకుండా, ప్రేక్షకులు పొందే పారవశ్యం, సామాజికంగా ఈ సినిమా చూపే ప్రభావం అసాధారణమని వర్మ పేర్కొన్నారు. సినిమా వ్యాకరణాన్ని ముక్కలు ముక్కలు చేసి, సరికొత్త పద్ధతిలో కథను చెప్పడంలో ఈ చిత్రం సఫలమైందని ఆయన కొనియాడారు.
షోలే కంటే గొప్ప చిత్రంగా ‘ధురంధర్ 2’
వర్మ తనదైన శైలిలో విమర్శిస్తూ.. “ముఘల్-ఎ-అజం (Mughal-e-Azam) వంటి గొప్ప చిత్రాల నుండి నిన్నటి వరకు వచ్చిన క్లాసిక్ సినిమాలన్నీ ‘ధురంధర్ 2’ ముందు కేవలం టీవీ సీరియల్స్ లా కనిపిస్తాయి” అని సంచలన వ్యాఖ్యలు చేశారు. పాత ప్రపంచపు సినిమా పద్ధతులను ఈ చిత్రం పూర్తిగా ఖననం చేసిందని, ఇది ఒక కొత్త సినిమా శకానికి ‘బర్త్’ (Birth) అని ఆయన స్పష్టం చేశారు. సినిమా మేకింగ్ లో గతంలో ఉన్న ప్రమాణాలన్నీ ఈ చిత్రం ముందు చిన్నబోతాయని వర్మ అభిప్రాయపడ్డారు.
Read also- Brahmamudi Serial Today march 18th: ‘బ్రహ్మముడి’ సీరియల్: ఇందు, స్వాతిలను కొట్టిన ఐశ్వర్య
దర్శకుడు ఆదిత్య ధర్ పనితీరుపై వర్మ ప్రశంసల వర్షం కురిపించారు. ఇకపై ‘DIRECTOR’ అనే పదానికి స్పెల్లింగ్ ఆదిత్య ధర్ పేరుతోనే మొదలవుతుందని, ఆయన విజన్ అంతర్జాతీయ స్థాయిని దాటిపోయిందని అన్నారు. ఎంతలా అంటే, హాలీవుడ్ దిగ్గజాలు స్టీవెన్ స్పీల్బర్గ్, క్రిస్టోఫర్ నోలన్ లు కూడా తాము చేస్తున్న పనులన్నీ పక్కన పెట్టి, ‘ధురంధర్ 2’ సినిమాను ఫస్ట్ డే ఫస్ట్ షో చూడాలని, అది వారికి అత్యంత అవసరమని ఆర్జీవీ సూచించారు. మొత్తానికి, వర్మ చేసిన ఈ కామెంట్స్ ‘ధురంధర్ 2’ పై అంచనాలను ఆకాశానికి చేర్చాయి. పాత తరం సినిమాల పని అయిపోయిందని, ఇకపై అంతా నూతన ప్రపంచపు సినిమా రాజ్యమేనని వర్మ తన విశ్లేషణతో తేల్చేశారు.
ఆదిత్య ధర్ను ఆకాశానికెత్తిన ఆర్జీవీ
After last nights watch of #Dhurandhar2 in terms of it’s sheer cumulative impact in every which way , whether on it’s expected collections , audience euphoria , social influences , cinematic grammar breaking , and above all the psychological audio visual impact , it will be a…
— Ram Gopal Varma (@RGVzoomin) March 18, 2026
మొత్తానికి రామ్ గోపాల్ వర్మ ‘ధురంధర్ 2’ గురించి చేసిన ఈ వ్యాఖ్యలు సినిమాపై అంచనాలను పెంచేశాయి. ఈ చిత్రం బాక్సాఫీస్ వద్ద ఎలాంటి విజయాన్ని అందుకుంటుందో చూడాలి.
