కన్నడ సూపర్స్టార్ రిషభ్ శెట్టి తన కొత్త సినిమా ‘కాంతార ఛాప్టర్ 1’ షూటింగ్ గురించి ఆసక్తికర విషయాలను వెల్లడించారు. మూడు నెలలు నిద్రలేకుండా పనిచేశానని, కుటుంబాన్ని కూడా సరిగా చూసుకోలేకపోయాను అని తెలిపారు.
Key Points
రిషభ్ శెట్టి 'కాంతార ఛాప్టర్ 1' కోసం 3 నెలలు నిద్ర లేకుండా పనిచేశారు.
సినిమా షూటింగ్లో అనేక ప్రమాదాలను ఎదుర్కొన్నారు.
'కాంతార ఛాప్టర్ 1' ట్రైలర్ అన్ని భాషల్లో విడుదలైంది.
సినిమా కుటుంబాన్ని సరిగా చూసుకోలేకపోవడం గురించి రిషభ్ శెట్టి వెల్లడించారు.
‘కాంతార ఛాప్టర్ 1’ ట్రైలర్ విడుదల
కన్నడ నుంచి వస్తున్న భారీ బడ్జెట్ మూవీ ‘కాంతార ఛాప్టర్ 1’. 2022లో వచ్చిన తొలి భాగానికి ప్రీక్వెల్ ఇది. అక్టోబరు 02న థియేటర్లలోకి రానుంది. ఈ క్రమంలోనే సోమవారం అన్ని భాషల ట్రైలర్స్ లాంచ్ చేశారు. ఈ క్రమంలోనే బెంగళూరులో ఓ ఈవెంట్ కూడా నిర్వహించారు. ఇందులో టీమ్ అంతా పాల్గొని మూవీ గురించి పలు విషయాలు చెప్పుకొచ్చారు. హీరో కమ్ డైరెక్టర్ రిషభ్ శెట్టి.. సినిమా, తన కుటుంబాన్ని సరిగా చూసుకోలేకపోవడం గురించి మాట్లాడాడు.
‘కాంతార అనేది ఐదేళ్ల ఎమోషనల్ జర్నీ. తొలి భాగానికి రెండేళ్లు, ప్రీక్వెల్ కోసం మూడేళ్లు. ఈ ఐదేళ్లలో నా కుటుంబాన్ని కూడా సరిగా చూసుకోలేకపోయాను. అయితే సినిమాని పూర్తి చేసిన అనుభూతి కలిగింది. మా టీమ్కి గత మూడు నెలలుగా సరైన నిద్ర లేదు. ఎందుకంటే పని జరుగుతూనే ఉంది. ప్రతిఒక్కరూ ఇది తమ మూవీ అన్నట్లు కష్టపడ్డారు. చెప్పాలంటే షూటింగ్లో నేను కూడా 4-5 సార్లు చనిపోవాల్సిన వాడిని. కానీ ఆ దైవమే నన్ను రక్షించింది’ అని రిషభ్ శెట్టి చెప్పుకొచ్చాడు.
రిషభ్ శెట్టి కష్టాలు, కుటుంబం
‘కాంతార’ తొలి భాగం ఓ పల్లెటూరిలో జరిగే డ్రామా కాగా ఈసారి సినిమాని భారీగానే తెరకెక్కించారు. స్టోరీ సెటప్ అంతా అడవికి మారింది. అలానే శివ(రిషభ్) తండ్రి కాంతార(రిషభ్ శెట్టి) అడవిలో తప్పిపోవడానికి కంటే ముందు ఏం జరిగింది అనే బ్యాక్ డ్రాప్తో ప్రీక్వెల్ తీశారు. ఈసారి స్నేహం, నమ్మకద్రోహం, యుద్ధాలు తదితర అంశాల్ని ట్రైలర్లో చూపించారు. బ్యౌక్ గ్రౌండ్ మ్యూజిక్, విజువల్స్ అద్భుతంగా ఉన్నాయి. ఈసారి రిషభ్ శెట్టి జంటగా రుక్మిణి వసంత్ కనిపించనుంది. గుల్షన్ దేవయ్య విలన్గా చేశాడు.
సినిమా షూటింగ్ అనుభవాలు
ఇకపోతే ‘కాంతార 1’ సరికొత్త రికార్డ్ సృష్టించింది. 12 గంటల్లోపే అన్ని భాషాలు కలిపి 55 మిలియన్లకు పైగా వ్యూస్ సాధించింది. మంగళవారం మధ్యాహ్నం వస్తే 24 గంటలు పూర్తవుతుంది. అప్పటికీ మరిన్ని మిలియన్స్ వ్యూస్తో పాటు సరికొత్త రికార్డులు సృష్టించడం గ్యారంటీ అనిపిస్తుంది.
‘కాంతార ఛాప్టర్ 1’ ట్రైలర్కు అద్భుతమైన స్పందన లభించింది. సినిమా విడుదల కోసం అభిమానులు ఎదురుచూస్తున్నారు. రిషభ్ శెట్టి కష్టపడి పనిచేసినందుకు ప్రశంసలు అందుకుంటున్నారు.
