టాలీవుడ్ ప్రేక్షకులకు సుపరిచితురాలైన సాహో నటి మందిరా బేడీ జీవితంలో జరిగిన ఒక విషాదకర సంఘటన, ఆ తర్వాత ఆమె కోలుకున్న వైనం ఇప్పుడు సంచలనం సృష్టిస్తోంది. ఆమె మనసును తీవ్రంగా కలచివేసిన ఆ గతం గురించి, ఆమెను కాపాడిన ఆ రహస్యం గురించి పూర్తి వివరాలు ఇక్కడ!
Key Points
సాహో నటి మందిరా బేడీ తన భర్త మరణం తర్వాత ఎదుర్కొన్న మానసిక వేదనను గుర్తుచేసుకున్నారు.
రాజ్ కౌశల్ హఠాన్మరణం తర్వాత థెరపీ తనకు ఎలా సహాయపడిందో భావోద్వేగంగా వివరించారు.
'మ్యావ్జాకీ' ట్రైలర్ లాంచ్లో కన్నీళ్లు పెట్టుకున్న మందిరా బేడీ మాటలు వైరల్.
మానసిక ఆరోగ్యం, కౌన్సిలింగ్ ప్రాముఖ్యతను నొక్కి చెప్పిన మందిరా బేడీ.
భర్త మరణం.. గుండెలను పిండేసిన మందిరా బేడీ బాధ
Mandira Bedi Emotional In Max Min Meowzaki Trailer Launch: ప్రముఖ నటి, టీవీ యాంకర్ మందిరా బేడీ తన భర్త రాజ్ కౌశల్ హఠాన్మరణం తర్వాత ఎదుర్కొన్న తీవ్ర మానసిక వేదనను గుర్తుచేసుకుని విలపించారు. ఆ కఠినమైన రోజుల్లో తనకు సహాయంగా నిలిచిందో ఏంటో చెబుతూ కన్నీరుమున్నీరు అయ్యారు.
Mandira Bedi Emotional In Max Min Meowzaki Trailer Launch: సంగీత ప్రపంచంలో, బుల్లితెర పై తనదైన ముద్ర వేసిన మందిరా బేడీ తెలుగు ప్రేక్షకులకు కూడా సుపరిచితమే. ప్రభాస్ నటించిన ‘సాహో’ చిత్రంలో నెగెటివ్ షేడ్స్ ఉన్న పాత్రలో మెరిసిన మందిరా బేడీ అంతకుముందు క్రికెట్ వరల్డ్ కప్ హోస్టింగ్తో దేశవ్యాప్తంగా విపరీతమైన క్రేజ్ తెచ్చుకున్నారు.
“నేను మొదటిసారి థెరపీ సెషన్కు వెళ్లి వచ్చినప్పుడు ఆ విషయాన్ని మా అమ్మకు చెప్పాను. ఆమె వెంటనే కంగారుపడుతూ.. ‘ఎందుకు వెళ్లావు? నీకేమైంది? ఏదైనా సమస్య ఉంటే నాతో చెప్పొచ్చు కదా!’ అని అడిగింది. కానీ నా మనసులో ఉన్న గందరగోళాన్ని, ఆలోచనలను ఒక పద్ధతి ప్రకారం బయటకు నెట్టడానికి ప్రొఫెషనల్ సహాయం అవసరమని నేను నా తల్లికి నచ్చజెప్పాను” అని మందిరా బేడీ ఆనాటి సంఘటనను గుర్తుచేసుకున్నారు.
ఆ కష్టకాలంలో మందిరాకు సంజీవనిలా థెరపీ!
“నా భర్తను కోల్పోయిన కఠిన సమయంలో ఆ తీరని లోటు నుంచి, బాధ నుంచి కోలుకోవడానికి థెరపీ నాకు ఒక సంజీవనిలా పనిచేసింది. అందుకే నేను మళ్లీ కౌన్సిలింగ్ ఆశ్రయించాల్సి వచ్చింది” అని మందిర భావోద్వేగంతో పేర్కొన్నారు.
మందిరా బేడీ 1999 ఫిబ్రవరి 14న సినీ నిర్మాత అయిన రాజ్ కౌశల్ను వివాహం చేసుకున్నారు. వీరికి వీర్ అనే కుమారుడు ఉన్నాడు. 2020లో తారా అనే చిన్నారిని వీరు దత్తత తీసుకున్నారు. అంతా సంతోషంగా సాగుతుందనుకున్న సమయంలో, 2021 జూన్ నెలలో రాజ్ కౌశల్ 50 ఏళ్ల వయసులో హార్ట్ ఎటాక్తో అకస్మాత్తుగా మరణించారు.
‘మ్యావ్జాకీ’ ట్రైలర్ లాంచ్లో భావోద్వేగం
ఈ సినిమా కథాంశం ఒక యువ జంట బ్రేకప్ చుట్టూ తిరుగుతుంది. ప్రేమ విఫలమై తీవ్ర మానసిక వేదన అనుభవిస్తున్న హీరో.. ‘మ్యావ్జాకీ’ అనే ఒక పెంపుడు పిల్లి వల్ల తిరిగి తన జీవితంలో సాధారణ స్థితికి ఎలా వచ్చాడనే పాయింట్తో ఈ చిత్రాన్ని ఆవిష్కరించారు.
ఆధునిక కాలపు ప్రేమకథలు, అందులోని గందరగోళాన్ని చర్చిస్తూ వైవిధ్యభరితంగా తెరకెక్కిన ఈ సినిమా జూలై 24, 2026న థియేటర్లలో విడుదల కానుంది.
మందిరా బేడీ పంచుకున్న ఈ భావోద్వేగ క్షణాలు ఆమె ధైర్యాన్ని, మానసిక స్థైర్యాన్ని చాటిచెప్పాయి. ఇలాంటి మరిన్ని ఆసక్తికరమైన, వైరల్ టాలీవుడ్ వార్తల కోసం మా పేజ్ని ఫాలో అవుతూ ఉండండి!
