ప్రముఖ నటుడు సాయి కిరణ్ మరియు గాన కోకిల పి.సుశీలల మధ్య ఆసక్తికరమైన బంధుత్వం వెలుగులోకి వచ్చింది. ‘నువ్వే కావాలి’ సినిమాతో ప్రేక్షకులను అలరించిన సాయి కిరణ్, ప్రస్తుతం సీరియల్స్లోనూ రాణిస్తున్నారు.
Key Points
నటుడు సాయి కిరణ్ గాన కోకిల పి.సుశీలకు బంధువు.
సుశీలమ్మ సాయి కిరణ్ నాయనమ్మ అని ఆయన వెల్లడించారు.
'నువ్వే కావాలి' సినిమాతో పరిచయం, తర్వాత సినిమాలు, సీరియల్స్.
సుశీలమ్మ సాయి కిరణ్ సీరియల్ నటనను అభినందించారు.
సాయి కిరణ్ – సుశీలమ్మ బంధుత్వం
Sai Kiran – P. Susheela : సినీ పరిశ్రమలో ఒకరికి ఒకరు బంధువులుగా చాలా మందే ఉన్నారు. అయితే కొంతమంది మాత్రం చెప్పుకోరు. గతంలో సినిమాల్లో హీరోగా, క్యారెక్టర్ ఆర్టిస్ట్ గా మెప్పించిన సాయి కిరణ్ కి సీనియర్ స్టార్ సింగర్ సుశీల బంధువని తాజాగా ఓ ఇంటర్వ్యూలో తెలిపాడు. ఈ సంగతి ఇండస్ట్రీలో కొంతమందికి తెలిసినా ఆడియన్స్ కి ఎక్కువగా తెలీదు.
నువ్వే కావాలి సినిమాలో అనగనగా ఆకాశం ఉంది.. సాంగ్ తో ఫేమస్ అయిన సాయి కిరణ్ ఆ తర్వాత హీరోగా, క్యారెక్టర్ ఆర్టిస్ట్ గా అనేక సినిమాల్లో నటించాడు. సెకండ్ ఇన్నింగ్స్ లో సీరియల్స్ లో నటిస్తూ బిజీగా ఉన్నాడు. గత సంవత్సరమే రెండో పెళ్లి కూడా చేసుకున్నాడు.
సినిమా నుండి సీరియల్స్ వరకు
సాయి కిరణ్ తండ్రి రామకృష్ణ కూడా సింగర్ గా సినీ పరిశ్రమలో అనేక పాటలు పాడారు. సాయి కిరణ్ కి పి.సుశీల నాయనమ్మ అవుతుందట. సాయి కిరణ్ తండ్రి రామకృష్ణకు సుశీల స్వయానా పిన్ని అవుతుందట. అలా సాయి కిరణ్ కి నానమ్మ అవుతుందని తాజాగా ఓ ఇంటర్వ్యూలో తెలిపాడు సాయి కిరణ్.
సుశీలమ్మ అభినందనలు
అయితే తాను సుశీల మనవడిని అని చెప్పుకోవడం ఇష్టం ఉండదని, మా ఇద్దరి మధ్య మంచి బంధమే ఉందని తెలిపాడు. కొంతమంది తన అభిమానులు సుశీల దగ్గర మీ మనవడు సీరియల్స్ లో బాగా నటిస్తున్నాడు అని చెప్పడంతో ఆవిడ నా దగ్గరికి వచ్చి అభినందించింది అని తెలిపాడు. దీంతో నటుడు సాయి కిరణ్ సుశీలకు మనవడు అవుతాడా అని అతని సీరియల్ ఫ్యాన్స్, ప్రేక్షకులు ఆశ్చర్యపోతున్నారు.
సాయి కిరణ్ సినీ జీవితం గురించి ఈ ఆసక్తికరమైన విషయం తెలుసుకున్న తర్వాత, ఆయన భవిష్యత్తులో మరింత విజయాలు సాధించాలని కోరుకుందాం. సుశీలమ్మ అభినందనలు ఆయనకు ఎంతో ప్రోత్సాహాన్నిచ్చాయి.
