బాలీవుడ్ స్టార్ సల్మాన్ ఖాన్ ‘ది గ్రేట్ ఇండియన్ కపిల్ షో’లో పాల్గొని వివాహ జీవితం, విడాకులు, భరణం గురించి తన సంచలన అభిప్రాయాలను వ్యక్తం చేశారు. ఆయన వ్యాఖ్యలు నెటిజన్లలో చర్చకు దారితీశాయి.
Key Points
సల్మాన్ ఖాన్ 'ది గ్రేట్ ఇండియన్ కపిల్ షో'లో విడాకులపై సంచలన వ్యాఖ్యలు చేశారు.
వివాహ జీవితం, విడాకులు, భరణం గురించి ఆయన తన అభిప్రాయాలను పంచుకున్నారు.
సల్మాన్ ఖాన్ వ్యాఖ్యలను కపిల్ శర్మ, నవజ్యోత్ సింగ్ సిద్ధూ, అర్చనా పూరన్ సింగ్ మద్దతు ఇచ్చారు.
నెటిజన్లు సల్మాన్ ఖాన్ వ్యాఖ్యలకు సానుకూలంగా స్పందించారు.
కపిల్ షోలో సల్మాన్ ఖాన్ సంచలన ప్రకటన
బాలీవుడ్ స్టార్ సల్మాన్ ఖాన్ ‘ది గ్రేట్ ఇండియన్ కపిల్ షో’ తాజా ఎపిసోడ్లో సడెన్ గా ప్రత్యక్ష్యం అయ్యి ప్రేక్షకులను ఆకట్టుకున్నారు. కపిల్ శర్మ హోస్టింగ్ లో ప్రసారం అవుతున్న ఈ కామెడీ టాక్ షోలో సల్మాన్ సందడి చేయడం విశేషం. ఈ సీజన్కు మరో హైలైట్ ఏమిటంటే, మాజీ క్రికెటర్, ప్రముఖ రాజకీయ నాయకుడు నవజ్యోత్ సింగ్ సిద్ధూ ఈ షోకు శాశ్వత అతిథిగా మళ్లీ చేరారు.
ఇప్పటికే సిద్ధూ ప్రకటించినట్లే, షో మొదటి అతిథిగా సల్మాన్ ఖాన్ పాల్గొన్నారు. రీసెంట్ గా ఆ ఎపిసోడ్కు సంబంధించిన ఒక వీడియో క్లిప్ ఆన్లైన్లో ప్రత్యక్షమై విపరీతంగా వైరల్ అవుతోంది. ఇందులో సల్మాన్ ఖాన్ తన బ్రాండ్ ‘బీయింగ్ హ్యూమన్’ టీషర్ట్లో కనిపించగా, వివాహ జీవితం, విడాకులు, భరణం వంటి అంశాలపై తన అభిప్రాయాలను ఆయన షేర్ చేసుకున్నారు.
వివాహం, విడాకులు, భరణంపై సల్మాన్ అభిప్రాయాలు
సల్మాన్ మాట్లాడుతూ, “గతంలో ప్రజలు ఒకరి కోసం ఒకరు త్యాగాలు చేసేవారు. సహనం ఉండేది. ఇప్పుడు రాత్రిళ్లు ఒకరి కాలు మరొకరి మీద పడిందంటేనో, గురక వేస్తున్నారంటేనో విడాకులు తీసుకుంటున్నారు. చిన్న అపార్థాలకే విడిపోతున్నారు. అంతేకాదు, విడాకుల తర్వాత ఆమె సగం డబ్బులు కూడా తీసుకెళ్లిపోతోంది,” అని స్పష్టంగా వ్యాఖ్యానించారు.
ఈ వ్యాఖ్యలు కపిల్ శర్మతో పాటు నవజ్యోత్ సింగ్ సిద్ధూ, అర్చనా పూరన్ సింగ్ కూడా సపోర్ట్ చేశారు. ఈకామెంట్స్ విని వెంటనే వారు నవ్విన దృశ్యాలు సోషల్ మీడియాలో పలు ఫ్యాన్ పేజీల ద్వారా షేర్ అయ్యాయి.
నెటిజన్ల స్పందన
ఫ్యాన్స్ కూడా సల్మాన్ వ్యాఖ్యలపై రకరకాలుగా స్పందిస్తున్నారు. దాదాపు అందరు సల్మాన్ ను సపోర్ట్ చేస్తూ మాట్లాడుతున్నారు. “ఆయన ఎప్పుడూ స్పష్టంగా మాట్లాడతారు, మేధావిగా ప్రవర్తించరు, చాలా సింపుల్ గా చెపుతారు అని ఓ నెటిజన్ వ్యాఖ్యానించారు. సల్మాన్ ఖాన్ నిజాలు చెబుతున్నారు, మేము మిమ్మల్ని ప్రేమిస్తున్నాం, అని మరొకరు కామెంట్ చేశారు. ఇది 100 శాతం నిజం, అని ఇంకొకరు కామెంట్ చేశారు.
చివరగా, సల్మాన్ ఖాన్ విడాకులపై చేసిన వ్యాఖ్యలు సోషల్ మీడియాలో చర్చనీయాంశంగా మారాయి. నెటిజన్లు ఆయన అభిప్రాయాలకు విభిన్నంగా స్పందించారు.
