యంగ్ హీరో ఆది సాయి కుమార్ నటించిన ‘శంబాల’ సినిమా టీజర్ ఇటీవల విడుదలైంది. సూపర్ నేచురల్ థ్రిల్లర్ గా తెరకెక్కుతున్న ఈ సినిమా టీజర్ అద్భుతమైన విజువల్స్ మరియు బీజీఎం తో ప్రేక్షకులను అలరించింది.
Key Points
ఆది సాయి కుమార్ నటించిన ‘శంబాల’ టీజర్ విడుదల
అద్భుతమైన విజువల్స్ మరియు బీజీఎం తో ఆకట్టుకుంటోంది
అతీంద్రియ శక్తులు, గ్రామంలోని రహస్యాల చుట్టూ కథ తిరుగుతుంది
త్వరలోనే సినిమా విడుదల తేదీ ప్రకటించనున్నారు
‘శంబాల’ టీజర్ విడుదల
యంగ్ అండ్ వెర్సటైల్ హీరో ఆది సాయి కుమార్ (Aadi Sai Kumar) నటిస్తున్న సూపర్ నేచురల్ థ్రిల్లర్ (Supernatural thriller) ‘శంబాల’. ‘ఎ మిస్టికల్ వరల్డ్’ అనే ట్యాగ్ లైన్తో తెరకెక్కుతోన్న ఈ మూవీని షైనింగ్ పిక్చర్స్ బ్యానర్పై రాజశేఖర్ అన్నభీమోజు, మహీధర్ రెడ్డి నిర్మిస్తున్నారు. యుగంధర్ ముని దర్శకత్వం వహిస్తున్నారు. ఇందులో అర్చన అయ్యర్, స్వాసిక, రవివర్మ, మధునందన్, శివకార్తీక్ తదితరులు నటిస్తున్నారు. ఇప్పటికే ‘శంబాల’ నుంచి వచ్చిన పోస్టర్లు, పాత్రల్ని రివీల్ చేస్తున్న తీరు అందరిలోనూ ఆసక్తిని పెంచేసిన సంగతి తెలిసిందే. ఇక తాజాగా సినిమా టీజర్ను రిలీజ్ చేసి అంచనాలు మరింత పెంచేశారు మేకర్స్.
‘ఈ విశ్వంలో అంతు పట్టని రహస్యాలెన్నో ఉన్నాయి.. సైన్స్కి సమాధానం దొరకనప్పుడు మూఢ నమ్మకం అంటుంది.. సమాధానం దొరికితే అదే తన గొప్పదనం అంటుంది’.. ‘పంచ భూతాలని శాసిస్తోందంటే ఇది సాధారణమైనది కాదు.. దీని ప్రభావం వల్ల మనం ఎలాంటి పరిస్థితుల్ని ఎదుర్కోవాల్సి వస్తుందో ఊహించలేం.. ఇప్పుడు ఈ రక్కసి క్రీడను ఆపాలంటే’.. అనే వాయిస్ ఓవర్తో స్టార్ట్ అయిన టీజర్(teaser)లో డైలాగ్స్ విత్ యాక్షన్తో పాటు విజువల్స్(Visuals), బీజీఎం (BGM) కూడా ప్రేక్షకులను ఆకట్టుకుంటున్నాయి. ఇక ఇందులో అంతరిక్షం నుంచి ఏదో ఒక అతీంద్రయ శక్తి ఉన్న ఉల్క, రాయి లాంటిది ఓ గ్రామంలో పడటం.. దాని ప్రభావంతో ఊర్లోని జనాలు చనిపోవడం, వింతగా ప్రవర్తించడం జరుగుతుంటుంది. దాన్ని ఛేదించేందుకు హీరో రావడం.. ఓ ఊరితో పోరాటం చేయడం వంటి ఆసక్తికరమైన అంశాలతో ఈ సినిమా తెరకెక్కిస్తున్నట్లు హిట్ ఇచ్చిన టీజర్ ప్రస్తుతం ప్రేక్షకులకు ఆకట్టుకుంటోంది. కాగా.. ప్రస్తుతం ఈ మూవీకి సంబంధించిన షూటింగ్ శరవేగంగా జరుగుతుండగా.. త్వరలోనే ‘శంబాల’ రిలీజ్ డేట్ను ప్రకటించనున్నారు మేకర్స్.
అద్భుతమైన విజువల్స్ మరియు బీజీఎం
అతీంద్రియ శక్తుల నేపథ్యం
‘శంబాల’ టీజర్ ప్రేక్షకులను ఆకట్టుకుని సినిమాపై అంచనాలను పెంచింది. త్వరలో విడుదలయ్యే ఈ సినిమా విజయవంతం అవుతుందని ఆశిద్దాం.
