📌 Key Points
- నటి శిల్పా శెట్టి, రాజ్ కుంద్రాలపై రూ. 60 కోట్ల మనీ లాండరింగ్ కేసు నమోదు.
- ముంబై ఆర్థిక నేరాల విభాగం (EOW) తాజాగా ‘చీటింగ్’ (మోసం) సెక్షన్ను చేర్చింది.
- ఐపీసీ 420 కింద అభియోగాలు రుజువైతే గరిష్టంగా 7 ఏళ్ల జైలు శిక్ష పడే అవకాశం ఉంది.
- తమపై వస్తున్న ఆరోపణల్లో నిజం లేదని, దురుద్దేశంతో ప్రచారం చేస్తున్నారని రాజ్ కుంద్రా తెలిపారు.
బాలీవుడ్ జంట శిల్పా శెట్టి, రాజ్ కుంద్రా దంపతులకు న్యాయపరమైన కష్టాలు పెరుగుతున్నాయి. 60 కోట్ల రూపాయల మనీ లాండరింగ్ కేసులో ముంబై పోలీసులు కీలక నిర్ణయం తీసుకున్నారు. వీరిపై తాజాగా ‘చీటింగ్’ సెక్షన్ను చేర్చడంతో పాటు దర్యాప్తును ముమ్మరం చేశారు. ఇది వారికి మరింత ఉచ్చు బిగించినట్లైంది.
60 కోట్ల మోసం కేసులో కొత్త ట్విస్ట్
రూ. 60.4 కోట్ల మనీ లాండరింగ్ కేసులో బాలీవుడ్ హీరోయిన్ శిల్పా శెట్టి, ఆమె భర్త రాజ్ కుంద్రాపై ముంబై పోలీసులు ఉచ్చు బిగిస్తున్నారు. ఇప్పటికే ఉన్న ఈ కేసులో దర్యాప్తును ముమ్మరం చేసిన ఆర్థిక నేరాల విభాగం (EOW), తాజాగా వీరిపై ‘చీటింగ్’ సెక్షన్ను అదనంగా చేర్చింది.
బాలీవుడ్ స్టార్ హీరోయిన్ శిల్పా శెట్టి, ఆమె భర్త రాజ్ కుంద్రా దంపతులకు న్యాయపరమైన కష్టాలు మరింత పెరిగాయి. ముంబైలో నమోదైన రూ. 60 కోట్ల మనీ లాండరింగ్ (ఆర్థిక నేరం) కేసులో ముంబై పోలీసుల ఆర్థిక నేరాల విభాగం (EOW) బుధవారం కీలక నిర్ణయం తీసుకుంది.
ఇప్పటివరకు ఉన్న సెక్షన్లకు తోడుగా, తాజాగా ఈ దంపతులపై ‘చీటింగ్’ (మోసం) అభియోగాలను కూడా మోపినట్లు అధికారిక వర్గాలు వెల్లడించాయి. దీంతో శిల్పా శెట్టి , రాజ్ కుంద్రా దంపతులకు మరింత కష్టాలు తోడైనట్లు అయింది.
శిల్పా శెట్టి, రాజ్ కుంద్రాకు పెరిగిన కష్టాలు
దేశంలో కొత్త చట్టాలు (భారతీయ న్యాయ సంహిత – BNS) 2024, జూలై 1 నుంచి అమల్లోకి వచ్చినప్పటికీ, ఈ కేసు అంతకంటే ముందే ఫైల్ కావడంతో పాత ఐపీసీ సెక్షన్ల ప్రకారమే విచారణ కొనసాగుతోంది. ఐపీసీ సెక్షన్ 420 కింద అభియోగాలు రుజువైతే, గరిష్టంగా ఏడేళ్ల జైలు శిక్షతో పాటు భారీ జరిమానా కూడా పడే అవకాశం ఉంది.
“మాపై వస్తున్న ఆరోపణల్లో ఏమాత్రం నిజం లేదు. కేవలం దురుద్దేశంతోనే ఇవి ప్రచారం చేయబడుతున్నాయి. ఎలాంటి చట్టబద్ధమైన ఆధారం లేకపోయినా, ఒక పౌర వివాదాన్ని క్రిమినల్ కేసుగా రంగు పులుముతున్నారు. దీనిపై ఇప్పటికే మేము గౌరవనీయ హైకోర్టులో క్వాష్ పిటిషన్ దాఖలు చేశాము” అని రాజ్ కుంద్రా తెలిపారు.
రాజ్ కుంద్రా క్వాష్ పిటిషన్, 7 ఏళ్ల శిక్ష?
ప్రస్తుతానికి ఈ వ్యవహారం ముంబై వర్గాల్లో హాట్ టాపిక్గా మారింది. కోర్టు తీర్పు వెలువడే వరకు ఈ సెలబ్రిటీ దంపతులు ఊపిరి పీల్చుకునే అవకాశం కనిపించడం లేదని తెలుస్తోంది.
కాగా, శిల్పా శెట్టి తెలుగులో మోహన్ బాబు , వెంకటేష్లతో నటించి మంచి క్రేజ్ సంపాదించుకుంది.
శిల్పా శెట్టి, రాజ్ కుంద్రా కేసు ముంబై వర్గాల్లో ప్రస్తుతం హాట్ టాపిక్గా మారింది. ఈ సెలబ్రిటీ దంపతులు కోర్టు తీర్పు వెలువడే వరకు ఊపిరి పీల్చుకునే అవకాశం కనిపించడం లేదని తెలుస్తోంది. న్యాయపోరాటం ఎటు మలుపు తిరుగుతుందో చూడాలి.
