‘ఫ్యాషన్’ సినిమా షూటింగ్ సమయంలో ప్రియాంక చోప్రా తండ్రికి క్యాన్సర్ సోకిన విషయం తాజాగా వెలుగులోకి వచ్చింది. కో-స్టార్ అర్జున్ బజ్వా, ఆమె డెడికేషన్ గురించి చెప్పుకొచ్చాడు. ఈ ఘటనలో ప్రియాంక చోప్రా ప్రవర్తన ప్రశంసనీయం.
Key Points
ప్రియాంక చోప్రా తండ్రికి క్యాన్సర్ సోకిన సమయంలోనూ ఆమె 'ఫ్యాషన్' సినిమా షూటింగ్లో పాల్గొంది.
కో-స్టార్ అర్జున్ బజ్వా ఈ విషయాన్ని వెల్లడించాడు, ప్రియాంక డెడికేషన్కు ప్రశంసలు తెలిపాడు.
ప్రియాంక తన వ్యక్తిగత బాధలను దిగమింగుకొని సినిమాపై దృష్టి పెట్టింది.
అర్జున్ బజ్వా కూడా తన వ్యక్తిగత బాధలను ఎదుర్కొంటూనే 'ఫ్యాషన్' చిత్రంలో నటించాడు.
తండ్రి అనారోగ్యం, సినిమా షూటింగ్
అద్భుతమైన యాక్టింగ్ తో హాలీవుడ్ రేంజ్ కు ఎదిగింది ప్రియాంక చోప్రా. గ్లోబల్ నటిగా గుర్తింపు తెచ్చుకుంది. కానీ ఆమె ఓ సమయంలో అత్యంత కఠిన పరిస్థితులు ఎదుర్కొంది. వ్యక్తిగతంగా కష్టాలు పడింది. తండ్రికి క్యాన్సర్ సోకడంతో తీవ్రంగా బాధపడింది. కానీ తన ప్రొఫెషనల్ ఎథిక్స్ ను వదల్లేదు. పనిచేయడాన్ని మానలేదు. డెడికేషన్ తో సినిమా షూటింగ్ లో పాల్గొంది. ఈ విషయాన్ని తాజాగా అర్జన్ బజ్వా వెల్లడించాడు.
2013లో దీర్ఘకాలిక క్యాన్సర్తో ప్రియాంక చోప్రా తండ్రి అశోక్ చోప్రా మరణించారు. ‘ ఫ్యాషన్ ’ చిత్రంలో ప్రియాంకతో కలిసి నటించిన నటుడు అర్జన్ బజ్వా.. ఈ సినిమా షూటింగ్ సంగతులను గుర్తు చేసుకున్నాడు. ఈ క్రమంలోనే ఆ సినిమా షూటింగ్ సమయంలోనే ప్రియాంక తండ్రికి క్యాన్సర్ అని తెలిసిందని చెప్పాడు. సిద్ధార్థ్ కన్నన్ కు ఇచ్చిన తాజా ఇంటర్వ్యూలో.. ప్రియాంక ఎంతో కష్టపడి పనిచేసిందని, బాధను దిగమింగుకుని యాక్టింగ్ చేసిందని అర్జన్ చెప్పాడు.
ప్రియాంక చోప్రా డెడికేషన్
తన తండ్రి స్విందర్జీత్ సింగ్ బజ్వా (ఢిల్లీ మాజీ డిప్యూటీ మేయర్) బాల్కనీ నుండి పడి మరణించిన కష్టకాలం గురించి అర్జున్ మాట్లాడాడు. ఆ సమయంలోనే ‘ఫ్యాషన్’ చిత్రానికి షూటింగ్ చేశానని అన్నాడు. “జుహులో ఒక సన్నివేశానికి షూటింగ్ చేస్తున్నాం. నేను, ప్రియాంక కూర్చుని మాట్లాడుకుంటున్నాం. ఆమె నా తండ్రి గురించి అడిగింది. ఆ తర్వాత ఆమె నాన్నకు క్యాన్సర్ ఉందని తెలిసింది. కాబట్టి ఆమె ఒత్తిడిలో ఉంది. ఒకరోజు మేము కలిసి కూర్చుని మా తండ్రుల గురించి మాట్లాడుకున్నాం. ఎమోషనల్ అయ్యాం’’ అని అర్జన్ చెప్పాడు.
తండ్రికి క్యాన్సర్ అని తెలిశాక ప్రియాంక చోప్రా ఎమోషనల్ గా చాలా వీక్ అయిపోయిందని అర్జన్ బజ్వా అన్నాడు. అయినా సినిమాపై ఉన్న ప్రేమ ఆమెను నడిపించిందని చెప్పాడు. ఆ బాధలోనూ సినిమా షూటింగ్ లో పాల్గొందని వెల్లడించాడు.
అర్జున్ బజ్వా స్పందన
“మేం ఒకరినొకరు గౌరవించుకున్నాం. అంతేకాకుండా ఆమె చాలా కష్టపడే వ్యక్తి. ఆమె కష్టపడి పనిచేయడం, జీవితం, కెరీర్పై దృష్టి సారించడం వల్లనే ఇప్పుడీ స్థాయిలో ఉంది. ఆమె చాలా స్ట్రాంగ్” అని అర్జన్ అన్నాడు. సెట్లో ఆమె ఎప్పుడూ కుంగిపోయినట్లు కనిపించలేదని కూడా అన్నాడు.
‘ఫ్యాషన్’ చిత్రంలో ప్రియాంక నటనకు జాతీయ అవార్డు లభించింది. ప్రియాంక త్వరలో విడుదల కానున్న ‘హెడ్స్ ఆఫ్ స్టేట్’ చిత్రంలో కనిపించనుంది. ఇది ప్రైమ్ వీడియోలో ప్రసారం కానుంది. మరోవైపు అరుంధతి సినిమాలో రాహుల్ గా అర్జన్ అందరికీ సుపరిచితమే.
ప్రియాంక చోప్రా తన వృత్తిపరమైన బాధ్యతలను, వ్యక్తిగత బాధలను సమన్వయం చేసుకొని, తన డెడికేషన్ను చాటుకున్న విధానం అభినందనీయం. ఆమె ధైర్యం, కష్టపడి పనిచేసే తత్వం అందరికీ స్ఫూర్తి.
