ఈ ఏడాది సెప్టెంబరులో జరగనున్న 50వ టొరంటో ఇంటర్నేషనల్ ఫిల్మ్ ఫెస్టివల్ (టీఐఎఫ్ఎఫ్) లో ‘షోలే’ సినిమా ప్రదర్శించబడనుంది. ఈ క్లాసిక్ సినిమాతో పాటు మరికొన్ని భారతీయ చిత్రాలు కూడా ప్రదర్శించబడతాయి.
Key Points
50వ టొరంటో ఇంటర్నేషనల్ ఫిల్మ్ ఫెస్టివల్ లో షోలే 4K వెర్షన్ ప్రదర్శన
అనురాగ్ కశ్యప్ దర్శకత్వంలోని 'బందర్' సినిమా ప్రదర్శన
కాన్స్ ఫిల్మ్ ఫెస్టివల్ లో ప్రదర్శించబడిన 'హోమ్ బౌండ్' టీఐఎఫ్ఎఫ్ లో స్క్రీనింగ్
మరిన్ని భారతీయ సినిమాలు టీఐఎఫ్ఎఫ్ లో ప్రదర్శించే అవకాశం
షోలే యొక్క 50వ వార్షికోత్సవం
ఈ ఏడాది సెప్టెంబరు 4 నుంచి సెప్టెంబరు 14 వరకు 50వ టొరంటో ఇంటర్నేషనల్ ఫిల్మ్ ఫెస్టివల్ (టీఐఎఫ్ ఎఫ్) జరగనుంది. ఈ వేడుకలో ఇండియన్ కల్ట్ బ్లాక్బస్టర్ సినిమా ‘షోలే’, ‘బందర్’, ‘హోమ్ బౌండ్’ సినిమాలు ప్రదర్శితం కానున్నాయి. ధర్మేంద్ర, సంజీవ్కుమార్, అమితాబ్ బచ్చన్ , హేమ మాలిని, జయబాదురి, అమ్జాద్ ఖాన్ ప్రధాన పాత్రల్లో రమేష్ సిప్పి దర్శకత్వం వహించిన ‘షోలే’ 1975 ఆగస్టు 15న విడుదలైంది. కాగా 50వ టీఐఎఫ్ఎఫ్ ప్రారంభమయ్యే సమయానికి ‘షోలే’ విడుదలై 50 ఏళ్లు పూర్తవుతాయి. ఈ సందర్భంగా ఈ సినిమా లేటెస్ట్ 4కే వెర్షన్ ఇక్కడ ప్రదర్శితం కానుంది.
టీఐఎఫ్ఎఫ్ లోని ఇతర భారతీయ చిత్రాలు
అలాగే బాబీ డియోల్ హీరోగా అనురాగ్ కశ్యప్ దర్శకత్వంలో రూపొందిన చిత్రం ‘బందర్’. ‘మంకీ ఇన్ ఏ కేజ్’ అనేది క్యాప్షన్ . ఈ చిత్రంలో సాన్య మల్హోత్రా ఓ లీడ్ రోల్లో నటించారు. కొన్ని వాస్తవ ఘటనలతో రూపొందిన తమ సినిమా ఈ ఫెస్టివల్లో ప్రదర్శితం కానుందని అనురాగ్ కశ్యప్ పేర్కొన్నారు. ఇంకా ఈ ఏడాది ఫ్రాన్్సలో జరిగిన 78వ కాన్స్ ఫిల్మ్ ఫెస్టివల్లో ప్రదర్శించబడిన ‘హోమ్బౌండ్’ టీఐఎఫ్ఎఫ్లో స్క్రీనింగ్ కానుంది.
ఫెస్టివల్ ప్రాముఖ్యత
ఇషాన్ కట్టర్, విశాల్ జెత్వా, జాన్వీ కపూర్ ప్రధాన పాత్రల్లో నటించిన ఈ సినిమాని హైదరాబాదీ దర్శకుడు నీరజ్ ఘైవాన్ తెరకెక్కించగా, కరణ్ జోహార్ నిర్మించారు. ఈ ఫిల్మ్ ఫెస్టివల్ ప్రారంభానికి ఇంకా సమయం ఉంది కనుక.. ఈ ఫెస్టివల్లో స్క్రీనింగ్ లేదా ప్రీమియర్ కానున్న భారతీయ సినిమాల సంఖ్య పెరిగే అవకాశాలున్నాయి.
50వ టీఐఎఫ్ఎఫ్ భారతీయ సినిమాకు మంచి వేదికని అందిస్తుంది. ‘షోలే’ వంటి క్లాసిక్ సినిమాలతో పాటు, నూతన చిత్రాలు ప్రేక్షకులను అలరించనున్నాయి.
