తెలుగు, తమిళ, హిందీ చిత్రాల నటి శ్రుతి హాసన్ తన అందమైన, పొడవైన జుట్టుకు కారణం ఏంటో వెల్లడించింది. ఇటీవలి ఇంటర్వ్యూలో ఆమె తన రహస్యాన్ని పంచుకుంది.
Key Points
శ్రుతి హాసన్ తన మెరిసే జుట్టుకు నువ్వుల నూనెను వాడటం రహస్యం.
ప్రతిరోజూ జుట్టు కడుక్కోవడం అవసరం లేదని, నువ్వుల నూనె రాసుకుని నిద్రపోవడం మంచిదని సూచించింది.
ఖరీదైన ఉత్పత్తులకు బదులుగా సహజ పద్ధతులను అనుసరించాలని సలహా ఇచ్చింది.
శ్రుతి హాసన్ ఇటీవల రణ్వీర్ అల్లాబాడియా ఇంటర్వ్యూలో ఈ విషయం వెల్లడించింది.
శ్రుతి హాసన్ హెయిర్ కేర్ రహస్యం
తెలుగు, తమిళ, హిందీ చిత్రసీమలో తనకంటూ ప్రత్యేక గుర్తింపు తెచ్చుకున్న హీరోయిన్ శ్రుతి హాసన్. సింగర్గా, హీరోయిన్గా అలరించిన శ్రుతి హాసన్ ఇటీవల జూలై 11న యూట్యూబర్ రణ్వీర్ అల్లాబాడియా షోలో పాల్గొన్నారు. ఈ ఇంటర్వ్యూలో తన పొడవాటి, అందమైన నల్లటి జుట్టు వెనుక ఉన్న రహస్యం గురించి శ్రుతి హాసన్ వెల్లడించింది.
‘శ్రుతి హాసన్ అందమైన జుట్టు వెనుక రహస్యం ఏంటీ?’, ‘ఇంత ఆరోగ్యకరమైన జుట్టును ఎలా మెయింటైన్ చేస్తారు?’ అని హోస్ట్ రణ్వీర్ అల్లాబాడియా అడిగాడు. దానికి ఇదంతా ఒక సాధారణ పురాతన ఆయిల్. అది నువ్వుల నూనే అని తన హెయిర్ సీక్రెట్ చెప్పింది శ్రుతి హాసన్.
నువ్వుల నూనెతో జుట్టు సంరక్షణ
“ఇది నా నేచురల్ హెయిర్ కలర్. నేను ఆయిల్ వాడుతాను. కానీ, కేవలం నువ్వుల నూనె మాత్రమే వాడతాను. నా మూడ్ని బట్టి కొబ్బరికాయ నూనేతో లేదా బాదం నూనేతో కలిపి నువ్వుల ఆయిల్ను రాసుకుంటాను. సాధారణంగా నువ్వులు నా జుట్టుకు అద్భుతాలు చేశాయి” అని శ్రుతి హాసన్ తెలిపింది.
జుట్టుకు నువ్వుల నూనేను ఎలా వాడుతుందో కూడా శ్రుతి హాసన్ చెప్పింది. “నేను ప్రతిరోజూ జుట్టు కడుక్కోను. మీరు కూడా ప్రతిరోజూ మీ జుట్టును వాష్ చేయకండి. నేను షూటింగ్లో ఉంటే ముందు రోజు రాత్రి నువ్వుల నూనే రాసుకుని నిద్రపోతాను. మరునాడు నిద్రలేచి వాష్ చేసుకుని షూటింగ్కు వెళ్తాను” అని శ్రుతి హాసన్ చెప్పుకొచ్చింది.
సహజ పద్ధతుల ప్రాముఖ్యత
శ్రుతి హాసన్కు ఆయిల్ పెట్టుకోవడం కేవలం బ్యూటీ హ్యాక్ మాత్రమే కాదట. ఇది స్వీయ సంరక్షణ ఆచారం అని కూడా తెలిపింది. “ఈ నూనె నా రక్షణ” అని నవ్వుతూ చెప్పింది శ్రుతి హాసన్. “నేను మీకు చెబుతున్నాను. ఖరీదైన సీరమ్స్, హీట్ ట్రీట్మెంట్స్, సెలూన్ వంటి బ్రాండ్స్ మాయలో పడిపోకండి. మన అమ్మమ్మలు ఎప్పుడు సహజమైన పద్ధతినే వాడారు. వాళ్లే కరెక్ట్” అని శ్రుతి హాసన్ తెలిపింది.
ఇదిలా ఉంటే, శ్రుతి హాసన్ చివరి సారిగా వీర సింహా రెడ్డి, వాల్తేర్ వీరయ్య, ది ఐ, హాయ్ నాన్నా, సలార్ సినిమాల్లో వరుసగా నటించింది. ప్రస్తుతం శ్రుతి హాసన్ సూపర్ స్టార్ రజనీకాంత్ కూలీ , దళపతి విజయ్ జన నాయకన్, మిస్కిన్ డైరెక్షన్లో ట్రైన్ సినిమాలు చేస్తోంది.
చివరగా, శ్రుతి హాసన్ సహజమైన పద్ధతులతో జుట్టును సంరక్షించుకోవడం ఎంత ముఖ్యమో చూపించింది. నువ్వుల నూనె వంటి సులభంగా దొరికే పదార్థాలతో అందమైన జుట్టును పొందవచ్చు.
