తమిళ నటుడు సంతానం నటించిన ‘డీడీ నెక్స్ట్ లెవెల్’ సినిమా విడుదలకు ముందు వివాదంలో చిక్కుకుంది. సినిమాలోని ‘గోవింద గోవింద’ పాటపై విమర్శలు వచ్చాయి. చిత్రబృందం తీసుకున్న నిర్ణయం ఇప్పుడు తెలిసింది.
Key Points
DD Next Level సినిమాలోని 'గోవింద గోవింద' పాటపై వివాదం.
హిందూ భక్తులు, సంఘాల నుండి తీవ్ర నిరసన.
చిత్రబృందం పాటను సినిమా నుంచి తొలగించింది.
‘డీడీ నెక్స్ట్ లెవెల్’ సినిమా వివాదం
తమిళ నటుడు సంతానం(Santhanam) గురించి అందరికీ తెలిసిందే. రాజారాణి, యముడు వంటి చిత్రాల్లో కామెడీ పాత్రలు చేసి తెలుగులోనూ మంచి గుర్తింపు తెచ్చుకున్నాడు. ప్రస్తుతం ఒకవైపు కామెడీ పాత్రలు చేస్తూనే.. మరోవైపు హీరోగా ప్రయత్నిస్తున్నారు. తాజాగా ‘డీడీ నెక్స్ట్ లెవెల్’(DD Next level) అనే సినిమాతో మరోసారి ప్రేక్షకుల ముందుకు వచ్చారు. ప్రేమ్ ఆనంద్(Prem Anand) దర్శకత్వం వహించిన ఈ సినిమాకు ప్రేక్షకుల నుంచి మంచి స్పందన వస్తోంది. ఈ చిత్రానికి ఆఫ్రో సంగీతం అందించారు. సంతానంతో పాటు గౌతం వాసుదేవ్ మీనన్(Gautham Vasudev Menon), సెల్వరాఘవన్, నిజల్గల్ రవి, రెడ్డిన్ కింగ్స్లీ వంటి ప్రముఖ నటులు ఈ సినిమాలో కీలక పాత్రలు పోషించారు.
అయితే.. విడుదలకు ముందే ఈ చిత్రం వివాదంలో చిక్కుకున్న విషయం తెలిసిందే. సినిమాలోని ‘గోవింద గోవింద’ పాట(Govinda Govinda Song)పై విమర్శలు వచ్చాయి. హిందువుల అత్యంత పవిత్ర స్థలమైన తిరుపతిని కించపరిచేలా పాటను రూపొందించారని భక్తులు, హిందూ సంఘాల నేతలు సీరియస్ అయ్యారు. అంతేకాదు.. ఆ పాటను సినిమా నుండి తొలగించాలని డిమాండ్ చేశారు. తాజాగా సినిమా విడుదల వేళ గోవిందా పాటపై చిత్రబృందం కీలక నిర్ణయం తీసుకున్నది. సినిమా నుంచి పాటను తొలగించినట్లు శుక్రవారం అధికారికంగా ప్రకటించింది. పాటను తొలగించిన తర్వాతే సెన్సార్కు సర్టిఫికెట్ తీసుకున్నట్లు నిర్మాతలు తెలిపారు. దీంతో వివాదం సర్దుమణిగినట్లు తెలుస్తోంది.
‘గోవింద గోవింద’ పాటపై విమర్శలు
చిత్రబృందం తీసుకున్న నిర్ణయం
‘గోవింద గోవింద’ పాట తొలగింపుతో ‘డీడీ నెక్స్ట్ లెవెల్’ సినిమా వివాదం ముగిసింది. చిత్రబృందం తీసుకున్న నిర్ణయం హిందూ సంఘాలకు ఉపశమనం కలిగించింది.
