ప్రముఖ ఓటీటీ ప్లాట్ఫామ్లో విడుదలైన స్పెషల్ ఆప్స్ వెబ్ సిరీస్ రెండో సీజన్ టీజర్ ఇటీవల విడుదలైంది. ఫుల్ యాక్షన్, నో డైలాగ్ టీజర్ ప్రేక్షకులను ఆకర్షించింది. కేకే మేనన్ ప్రధాన పాత్రలో నటిస్తున్నారు.
Key Points
స్పెషల్ ఆప్స్ 2 సీజన్ టీజర్ విడుదలైంది.
ఫుల్ యాక్షన్ తో నిండిన నో డైలాగ్ టీజర్.
కేకే మేనన్, ప్రకాశ్ రాజ్, సయామీ ఖేర్ లాంటి ప్రముఖ నటులు నటించారు.
జియో హాట్స్టార్ లో త్వరలోనే స్ట్రీమింగ్.
స్పెషల్ ఆప్స్ 2 టీజర్ రిలీజ్
ఇండియన్ ఓటీటీ స్పేస్లో ఇప్పటి వరకూ వచ్చిన అద్భుతమైన వెబ్ సిరీస్ లలో ఒకటి స్పెషల్ ఆప్స్ (Special Ops). ఈ వెబ్ సిరీస్ ఇప్పటికే తొలి సీజన్ తోపాటు 1.5 పేరుతో ఓ చిన్న సీజన్ ను కూడా పూర్తి చేసుకుంది. ఇక ఇప్పుడు పూర్తిస్థాయిలో రెండో సీజన్ రాబోతోంది. హిమ్మత్ సింగ్ పాత్రలో మరోసారి ప్రేక్షకులను అలరించడానికి కేకే మేనన్ వచ్చేస్తున్నాడు.
స్పై యాక్షన్ థ్రిల్లర్ వెబ్ సిరీస్ గా స్పెషల్ ఆప్స్ తెరకెక్కింది. ఈ సిరీస్ రెండో సీజన్ టీజర్ ను గురువారం (మే 15) రిలీజ్ చేశారు. హాట్స్టార్ స్పెషల్స్ గా ఈ సిరీస్ వస్తోంది. ఈ రెండో సీజన్ టీజర్ ఫుల్ యాక్షన్ తో నిండిపోయింది. అసలు ఒక్క డైలాగ్ కూడా లేదు. ఇండియాలో గూఢచర్యం జానర్లో వచ్చిన సినిమాలు, వెబ్ సిరీస్ కంటే పూర్తి భిన్నంగా, దానిని మరో లెవెల్ కు తీసుకెళ్లిన సిరీస్ ఇది.
యాక్షన్ థ్రిల్లర్ సీన్స్
నీరజ్ పాండే డైరెక్ట్ చేసిన స్పెషల్ ఆప్స్ 2020లో తొలి సీజన్ తో వచ్చింది. అప్పట్లో డిస్నీ ప్లస్ హాట్స్టార్ లో స్ట్రీమింగ్ అయింది. ఆ తర్వాత 1.5 పేరుతో మరో చిన్న సీజన్ ను కూడా ప్రేక్షకుల ముందుకు తీసుకొచ్చారు. ఇందులోని హిమ్మత్ సింగ్ (కే కే మేనన్) పాత్ర ప్రేక్షకులకు బాగా దగ్గరైంది.
ఈ కొత్త సీజన్ మరింత రసవత్తరంగా ఉండనుంది. ఎందుకంటే కే కే మేనన్ తోపాటు ప్రకాశ్ రాజ్ , వినయ్ పాఠక్, సయామీ ఖేర్, దలీప్ తాహిల్, గౌతమి కపూర్, రేవతిలాంటి వాళ్లు కూడా నటిస్తున్నారు. ఈ కొత్త సీజన్ ను త్వరలోనే ప్రేక్షకుల ముందుకు తీసుకురానున్నట్లు మేకర్స్ వెల్లడించారు.
నటీనటులు మరియు విడుదల తేదీ
స్పెషల్ ఆప్స్ వెబ్ సిరీస్ కు హిమ్మత్ సింగ్ పాత్ర పోషించిన కే కే మేననే ప్రధాన బలంగా చెప్పొచ్చు. రీసెర్చ్ అండ్ అనాలసిస్ వింగ్ (రా) ఏజెంట్ అతడు. భారత్ పై జరిగిన ఉగ్రదాడుల వెనుక ఒకే వ్యక్తి హస్తం ఉందని భావించి, అతని కోసం వేట సాగిస్తాడు. ప్రపంచవ్యాప్తంగా ఉన్న అతని ఏజెంట్లు ఆ ఉగ్రవాదిని పట్టుకోవడానికి హిమ్మత్ సింగ్ కు సాయం చేస్తారు. తొలి సీజన్ తర్వాత వచ్చిన 1.5 సీజన్ ఫుల్ యాక్షన్ థ్రిల్లర్ సీక్వెన్స్ తో ఆకట్టుకుంది.
ఈ హిమ్మత్ సింగ్ పాత్ర పోషించడం గొప్ప గౌరవమని, నటుడిగా ఓ సవాలు అని కే కే మేనన్ అన్నాడు. ఈ రెండో సీజన్లో హిమ్మత్ కు మరో కొత్త కోణాన్ని చూస్తారని, అతని బలహీనతలు, సంకల్పం, నిర్ణయాల వల్ల కలిగే పరిణామాలను చూస్తారని చెప్పాడు. రెండో సీజన్ స్క్రిప్ట్ చాలా శక్తివంతంగా ఉన్నట్లు అతడు తెలిపాడు. ఈ స్పెషల్ ఆప్స్ సీజన్ 2 త్వరలోనే జియోహాట్స్టార్ ఓటీటీలో స్ట్రీమింగ్ కానుంది.
స్పెషల్ ఆప్స్ రెండో సీజన్ అద్భుతమైన యాక్షన్ సన్నివేశాలతో ప్రేక్షకులను అలరించడానికి సిద్ధంగా ఉంది. జియో హాట్స్టార్లో త్వరలోనే ఈ సిరీస్ స్ట్రీమింగ్ ప్రారంభం కానుంది.
