📌 Key Points
- శ్రీవిష్ణు ‘విష్ణు విన్యాసం’ ఫిబ్రవరి 28న విడుదల కానుంది.
- ‘మృత్యుంజయ’ చిత్రం ఫిబ్రవరి 27, 2026న విడుదల కానుంది.
- దర్శకుడు యదునాథ్ మారుతీ రావు ‘విష్ణు విన్యాసం’ చిత్రానికి దర్శకత్వం వహిస్తున్నారు.
- రధన్ సంగీతం, సాయి శ్రీరామ్ సినిమాటోగ్రఫీ ఈ చిత్రానికి ప్రత్యేక ఆకర్షణగా నిలవనున్నాయి.
టాలీవుడ్ నటుడు శ్రీ విష్ణు నటించిన ‘విష్ణు విన్యాసం’ సినిమా ఫిబ్రవరి 28న విడుదల కానుంది. అయితే, ‘మృత్యుంజయ’ చిత్రం విడుదల తేదీలో మార్పు జరిగింది. ఈ మేరకు చిత్ర బృందం అధికారికంగా ప్రకటించింది.
ఫిబ్రవరి 28న ‘విష్ణు విన్యాసం’ విడుదల
Sree Vishnu: టాలీవుడ్లో విభిన్నమైన కథలను ఎంచుకుంటూ, తనదైన కామెడీ టైమింగ్తో ప్రేక్షకులను అలరించే ‘కింగ్ ఆఫ్ ఎంటర్టైన్మెంట్’ శ్రీవిష్ణు మళ్లీ వస్తున్నారు. ఆయన నటిస్తున్న తాజా ఎగ్జైటింగ్ ఎంటర్టైనర్ ‘విష్ణు విన్యాసం’ విడుదలకు ముహూర్తం ఖరారైంది. ఈ క్రేజీ ప్రాజెక్ట్ను ఫిబ్రవరి 28న ప్రపంచవ్యాప్తంగా విడుదల చేస్తున్నట్లు నిర్మాతలు అధికారికంగా ప్రకటించారు. అయితే ‘మృత్యుంజయ’ ఫ్రిబ్రవరి 27, 2026 న రిలీజ్ చేయనున్నారు నిర్మాతలు. ఇప్పటి వరకూ ఒకే రోజు వస్తాయి అనుకున్న రెండు సినిమాలు స్వల్ప మార్పు రావడంతో శ్రీ విష్ణు ఫ్యాన్ సంబరాలు చేసుకుంటున్నారు.
Read also- Netflix Top Web Series : క్రైమ్ నుంచి సైన్స్ ఫిక్షన్ సినిమాల వరకు… నెట్ఫ్లిక్స్ లో ఉన్న టాప్ వెబ్ సిరీస్ల లిస్ట్
‘మృత్యుంజయ’ విడుదల తేదీలో మార్పు
రిలీజ్ డేట్ అనౌన్స్మెంట్ సందర్భంగా విడుదల చేసిన పోస్టర్ సోషల్ మీడియాలో వైరల్ అవుతోంది. శ్రీవిష్ణు ఫంకీ ప్రింటెడ్ షార్ట్స్, కలర్ఫుల్ షర్ట్, స్టైలిష్ షేడ్స్ ధరించి.. ఒక క్లాసిక్ బైక్పై కూర్చుని ఉన్న తీరు సినిమాలోని ‘చిల్’ వైబ్ను పరిచయం చేస్తోంది. ఈ చిత్రంలో శ్రీవిష్ణు విచిత్రమైన నమ్మకాలు, జాతకాలను అమితంగా నమ్మే ఒక యువకుడి పాత్రలో కనిపించబోతున్నారు. ఆయన చేసే విన్యాసాలు థియేటర్లలో నవ్వుల పువ్వులు పూయించడం ఖాయంగా కనిపిస్తోంది. నూతన దర్శకుడు యదునాథ్ మారుతీ రావు ఈ చిత్రాన్ని తెరకెక్కిస్తుండగా, నయన సారిక కథానాయికగా నటిస్తోంది. శ్రీ సుబ్రహ్మణ్యేశ్వర సినిమాస్ బ్యానర్పై సుమంత్ నాయుడు జి ఎంతో ప్రతిష్టాత్మకంగా ఈ సినిమాను నిర్మించారు.
Read also- Intinti Ramayanam Today Episode: నిజం తెలుసుకున్న అభి.. టెన్షన్ లో పల్లవి.. అయ్యో.. అభి పరిస్థితి సీరియస్..
సోషల్ మీడియాలో వైరల్ అవుతున్న పోస్టర్
సాంకేతిక విభాగంలో.. రధన్ తనదైన శైలిలో సంగీతాన్ని అందిస్తుండగా, సాయి శ్రీరామ్ సినిమాటోగ్రఫీ సినిమాకు కలర్ఫుల్ లుక్ తీసుకురానుంది. కార్తికేయన్ రోహిణి ఎడిటర్గా, ఎ. రామాంజనేయులు ఆర్ట్ డైరెక్టర్గా వ్యవహరిస్తున్నారు. ఇప్పటికే విడుదలైన టైటిల్ గ్లింప్స్ మరియు పెప్పీ ఇంట్రడక్షన్ సాంగ్కు యూత్ నుంచి సూపర్ రెస్పాన్స్ వచ్చింది. ముఖ్యంగా వాలెంటైన్స్ డే సందర్భంగా విడుదల చేసిన రొమాంటిక్ సింగిల్ శ్రోతలను ఆకట్టుకుంటోంది. ఫిబ్రవరి 28న ఈ చిత్రం ‘ఫన్ అండ్ కలర్ఫుల్ సినిమాటిక్ రైడ్’గా ప్రేక్షకులను పలకరించనుంది.
శ్రీ విష్ణు రెండు సినిమాల విడుదల తేదీలలో మార్పులు చోటుచేసుకోవడంతో అభిమానులు ఆశ్చర్యానికి గురవుతున్నారు. ‘విష్ణు విన్యాసం’ విడుదల కోసం ఎదురుచూస్తూ, ‘మృత్యుంజయ’ కోసం మరికొంత సమయం వేచి చూడాల్సి వస్తుంది.
