చాలా కాలంగా ఎదురుచూస్తున్న శ్రీలీల రొమాంటిక్ మూవీ జూనియర్ ఎట్టకేలకు ఓటీటీలోకి వచ్చింది. ఎలాంటి ముందస్తు ప్రకటన లేకుండా సడెన్గా మూడు ఓటీటీ ప్లాట్ఫామ్లలో ఒకేసారి స్ట్రీమింగ్కు అందుబాటులోకి వచ్చింది. ఆహా, నమ్మఫ్లిక్స్ తో పాటు ఊహించని విధంగా అమెజాన్ ప్రైమ్లోనూ ఈ సినిమా విడుదల కావటం విశేషం.
Key Points
శ్రీలీల, కిరీటి జంటగా నటించిన జూనియర్ సినిమా సడెన్గా మూడు ఓటీటీల్లో స్ట్రీమింగ్.
ఆహా, నమ్మఫ్లిక్స్ తో పాటు ఊహించని విధంగా అమెజాన్ ప్రైమ్ వీడియోలోనూ ఈ సినిమా అందుబాటులో ఉంది.
ఈ ఏడాది జులై 18న థియేటర్లలో విడుదలైన ఈ చిత్రం బాక్సాఫీస్ వద్ద నిరాశపరిచింది.
జ్ఞాపకాలను ఏర్పాటు చేసుకోవాలనుకునే యువకుడి కథతో పాటు కార్పొరేట్ స్కామ్ను ఛేదించడం చుట్టూ కథ తిరుగుతుంది.
జూనియర్ ఓటీటీ రిలీజ్: సడెన్ సర్ ప్రైజ్
చాలా ఆలస్యం తర్వాత జూనియర్ మూవీ ఎట్టకేలకు ఓటీటీలోకి వచ్చేసింది. శ్రీలీల, కిరీటి జంటగా నటించిన ఈ సినిమా ఇవాళ (సెప్టెంబర్ 30) ఒకే రోజు మూడు ఓటీటీల్లోకి వచ్చేసింది. ఎలాంటి ముందస్తు అనౌన్స్ మెంట్ లేకుండా సడెన్ గా మూవీ ఓటీటీలోకి వచ్చి సర్ ప్రైజ్ చేసింది. మళ్లీ ఇందులో ఎవరూ ఊహించని ప్లాట్ ఫామ్ లోనూ మూవీ స్ట్రీమింగ్ రావడం కొసమెరుపు.
టాలీవుడ్ సెన్సేషన్ హాట్ బ్యూటీ శ్రీలీల రొమాంటిక్ మూవీ జూనియర్ ఓటీటీలోకి వచ్చేసింది. సడెన్ గా మంగళవారం మూడు ఓటీటీ ల్లో స్ట్రీమింగ్ కు అందుబాటులో ఉంది. ఆహా లో మూవీ రిలీజ్ అవుతుందని ముందుగానే ప్రకటించారు. మరోవైపు కన్నడ భాషలో నమ్మఫ్లిక్స్ ఓటీటీలోకి వస్తుందని అనౌన్స్ చేశారు. కానీ వీటితో పాటు అనూహ్యంగా అమెజాన్ ప్రైమ్ వీడియో లోనూ ఈ మూవీ స్ట్రీమింగ్ కు వచ్చింది.
మూడు ప్లాట్ఫామ్లలో స్ట్రీమింగ్: ఎక్కడ చూడాలంటే..
ప్రముఖ పారిశ్రామిక వేత్త గాలి జనార్ధన్ రెడ్డి కొడుకు కిరీటీ హీరోగా డెబ్యూ చేసిన జూనియర్ ఒకే రోజు మూడు ఓటీటీల్లో రిలీజైంది. ఆహా, ప్రైమ్ వీడియోలో తెలుగులో, నమ్మఫ్లిక్ ఓటీటీలో కన్నడలో స్ట్రీమింగ్ కు వచ్చేసింది. ఈ సినిమా ఈ ఏడాది జులై 18న థియేటర్లలో రిలీజైంది. ఇప్పుడు రెండు నెలల తర్వాత ఓటీటీలోకి వచ్చింది. ఈ మూవీ ఓటీటీ రిలీజ్ అదిగో ఇదిగో అంటూ ప్లాట్ ఫామ్ లు ఊరించాయి. చివరకు ఈ రోజు స్ట్రీమింగ్ చేస్తున్నాయి.
గాలి జనార్ధన్ రెడ్డి కొడుకు హీరోగా పరిచయం అవుతుండటం, శ్రీలీల హీరోయిన్ కావడం, జెనీలియా రీ ఎంట్రీ ఉండటంతో జూనియర్ మూవీపై భారీ అంచనాలే నెలకొన్నాయి. కానీ ఈ సినిమా బాక్సాఫీస్ దగ్గర బొక్కబోర్లా పడింది. రూ.25 కోట్ల బడ్జెట్ తో తెరకెక్కించిన ఈ సినిమా కేవలం 16 కోట్లు మాత్రమే కలెక్ట్ చేసింది. జూనియర్ మూవీ తెలుగుతో పాటు కన్నడలో రిలీజైంది.
శ్రీలీల జూనియర్: బాక్సాఫీస్ వద్ద పరిస్థితి
జూనియర్ కథ జ్ణాపకాలు ఏర్పరుచుకోవాలనే ఓ కుర్రాడి చుట్టూ తిరుగుతోంది. అతి ప్రేమ చూపించే తండ్రికి దూరంగా ఉండేందుకు ఇంజినీరింగ్ చదువుతాడు హీరో. అక్కడ శ్రీలీలను లవ్ చేస్తాడు. ఆ తర్వాత ఓ కంపెనీలో జాబ్ లో జాయిన్ అవుతాడు. అక్కడ బాస్ ప్రవర్తన, కంపెనీ తీరు అనుమానస్పదంగా ఉంటుంది. ఆ స్కామ్ ను హీరో కనిపెట్టేందుకు ప్రయత్నిస్తాడు. ఆ తర్వాత ఏం జరిగిందన్నది మూవీ చూసి తెలుసుకోవాల్సిందే.
బాక్సాఫీస్ వద్ద నిరాశపరిచిన జూనియర్ సినిమా ఓటీటీలో మాత్రం అనూహ్యంగా మూడు ప్లాట్ఫామ్లలో సందడి చేస్తోంది. శ్రీలీల, కిరీటిల ఈ చిత్రం ఓటీటీ ప్రేక్షకుల ఆదరణ పొందుతుందో లేదో చూడాలి.
