మహేష్ బాబు-రాజమౌళి కాంబోలో తెరకెక్కుతున్న SSMB 29 సినిమా టైటిల్పై ఆసక్తికర చర్చ జరుగుతోంది. ఇప్పటికే నాలుగు షెడ్యూల్స్ పూర్తి చేసుకున్న ఈ చిత్రం నుంచి నవంబర్లో అప్డేట్ రానుంది. కాగా, ప్రస్తుతం ‘వారణాసి’ అనే టైటిల్ వైరల్ అవుతుండగా, దీనిపై మరిన్ని వివరాలు ఈ కథనంలో చూద్దాం.
Key Points
SSMB 29 నాలుగు షెడ్యూల్స్ షూటింగ్ పూర్తి చేసుకుంది.
నవంబర్లో సినిమా అప్డేట్ వస్తుందని మహేష్ పుట్టిన రోజున ప్రకటించారు.
మహేష్ – రాజమౌళి సినిమా టైటిల్ 'వారణాసి' అని రూమర్లు వైరల్ అవుతున్నాయి.
రూ.50 కోట్లతో హైదరాబాద్లో కాశీ సెట్ వేస్తున్నారు.
SSMB 29 షూటింగ్ అప్డేట్స్
SSMB 29 : మహేష్ బాబు.. రాజమౌళి దర్శకత్వంలో సినిమా చేస్తున్న సంగతి తెలిసిందే. ఇప్పటికే ఈ సినిమా నాలుగు షెడ్యూల్స్ షూటింగ్ కూడా జరుపుకుంది. ప్రస్తుతం రాజమౌళి బాహుబలి రీ రిలీజ్ పనుల్లో ఉండటంతో ఈ సినిమాకు బ్రేక్ ఇచ్చారు. ఈ సినిమా నుంచి అప్డేట్ నవంబర్ లో ఇస్తామని మహేష్ పుట్టిన రోజున ప్రకటించారు.(SSMB 29)
గ్లోబల్ అడ్వెంచరస్ డ్రామాగా చిన్న మైథలాజికల్ టచ్ తో ఈ సినిమా ఉంటుందని సమాచారం. ఇప్పటికే ఈ సినిమా షూటింగ్ హైదరాబాద్, ఒరిస్సా కోరాపుట్ అడవులు, కెన్యా, టాంజానియా అడవుల్లో జరిగింది. ఈ సినిమా కోసం హైదరాబాద్ లో కాశీ సెట్ భారీగా 50 కోట్లతో వేస్తున్నారు. బాహుబలి రీ రిలీజ్ తర్వాత ఆ సెట్ లోనే మహేష్ – రాజమౌళి సినిమా షాట్ జరగనుందని సమాచారం.
వారణాసి: రూమర్డ్ టైటిల్ వెనుక కథ
Also See : Sobhita Dhulipala : బ్లాక్ డ్రెస్ లో శోభిత ధూళిపాళ బ్యూటీ..
తాజాగా మహేష్ – రాజమౌళి సినిమా టైటిల్ ఇదే అంటూ ఓ టైటిల్ వైరల్ అవుతుంది. టాలీవుడ్ రూమర్స్ ప్రకారం మహేష్ బాబు – రాజమౌళి సినిమా టైటిల్ ‘వారణాసి’ అని తెలుస్తుంది. వారణాసి అనేది కాశీకి మరో పేరు. ఆ ఊరు బ్యాక్ డ్రాప్ లోనే ఎక్కువగా ఈ కథ జరుగుతుందట. అందుకే దాన్నే టైటిల్ గా అనుకుంటున్నారట. అయితే దీనిపై ఎలాంటి అధికారిక ప్రకటన లేదు.
టైటిల్పై అభిమానుల అంచనాలు
ఈ సినిమా కోసం అంత పెద్ద సెట్ వేస్తున్నారని, సినిమా కథ ఆ సిటీ బ్యాక్ డ్రాప్ లో జరుగుతుందని అందుకే ఆ టైటిల్ పెడతారా అని పలువురు నెటిజన్లు ప్రశ్నిస్తున్నారు. అసలే ఇటీవల రిలీజ్ చేసిన ఓ పోస్టర్ లో మహేష్ మెడలో శివుడి త్రిశూలం, నంది, ఢమరుకం, శివ నామాలు.. ఉన్న చైన్ వేసుకున్నాడు. మరి అధికారికంగా ఈ సినిమా టైటిల్ ఎప్పుడు ప్రకటిస్తారో, నవంబర్ లో ఈ సినిమా అప్డేట్ ఏమిస్తారో చూడాలి.
మహేష్-రాజమౌళి సినిమా టైటిల్పై అభిమానుల్లో తీవ్ర ఉత్కంఠ నెలకొంది. ‘వారణాసి’ అనే టైటిల్ ఎంతవరకు నిజం, అధికారిక ప్రకటన ఎప్పుడు వస్తుంది అనేది చూడాలి. నవంబర్లో రానున్న అప్డేట్ కోసం అందరూ ఆసక్తిగా ఎదురుచూస్తున్నారు.
