ప్రపంచ ప్రఖ్యాత దర్శకుడు క్రిస్టోఫర్ నోలన్ తన తాజా చిత్రం ‘ది ఒడిస్సీ’ టికెట్లను విడుదల చేశాడు. 2026 జులై 17న విడుదల కానున్న ఈ ఎపిక్ యాక్షన్ ఫాంటసీ చిత్రంపై అభిమానుల ఆసక్తి రోజురోజుకు పెరుగుతోంది.
Key Points
క్రిస్టోఫర్ నోలన్ దర్శకత్వం వహించిన 'ది ఒడిస్సీ' సినిమా టికెట్లు ఏడాది ముందే విడుదల
IMAX 70mm థియేటర్లలో మాత్రమే టికెట్లు అందుబాటులో ఉన్నాయి
రూ. 2100 కోట్ల భారీ బడ్జెట్తో ఈ చిత్రం తెరకెక్కుతోంది
‘ది ఒడిస్సీ’ సినిమా విడుదల తేదీ
హాలీవుడ్ టాప్ దర్శకుడు క్రిస్టోఫర్ నోలన్(Christopher Nolan) సినిమాలకు ప్రపంచవ్యాప్తంగా అభిమానులు ఉన్నారు . 2023 లో ఓపెన్హైమర్ సినిమాతో ఆయన భారీ విజయాన్ని అందుకున్నారు . 96 వ అకాడమీ అవార్డ్స్ లో ఏకంగా ఏడు కేటగిరీల్లో ఆస్కార్ అవార్డులను అందుకుంది. అయితే , ఈ చిత్రం తర్వాత ఆయన దర్శకత్వం వహిస్తున్న చిత్రం ‘ ది ఒడిస్సీ ‘(The Odyssey).. ఈ మూవీకి రచన, సహ-నిర్మాత కూడా క్రిస్టోఫర్ నోలన్ కావడం విశేషం . ఒక ఎపిక్ యాక్షన్ ఫాంటసీ చిత్రంగా రెడీ అవుతున్న ఈ ప్రాజెక్ట్ 2026 జులై 17న ప్రపంచవ్యాప్తంగా విడుదల కానుంది. అయితే, నేటి నుంచే టికెట్ల అమ్మకాలు ప్రారంభమయ్యాయి.
గ్రీకు కవి హోమర్ రాసినట్లు చెప్పబడే పురాతన ఇతిహాసం నుంచి ‘ ది ఒడిస్సీ’ చిత్రాన్ని తెరకెక్కిస్తున్నారు. ఈ చిత్రంలో ప్రముఖ నటుడు మాట్ డామన్ హీరోగా నటిస్తున్నారు. ఇథాకా ద్వీపానికి గ్రీకు రాజుగా ఆయన నటించాడు . ప్రపంచంలోనే మొదటిసారి పూర్తిగా IMAX కెమెరాలతో ఈ చిత్రాన్ని తెరకెక్కించారు . ట్రోజన్ యుద్ధం అనంతరం ఒడిస్సియస్ తన స్వదేశం ఇథాకాకు తిరిగి రావడానికి చేసే సాహసయాత్రను ఆధారంగా తీసుకుని, నోలన్ తనదైన శైలిలో మోడరన్ మానవతా విలువలతో ఈ మూవీలో మిళితం చేశారు. ఈ సినిమా కోసం రూ . 2100 కోట్లు ఖర్చు చేస్తున్నారు .
IMAX 70mm టికెట్ల ప్రీ-బుకింగ్
ప్రపంచవ్యాప్తంగా అలాంటి థియేటర్స్ 30 మాత్రమే ప్రపంచవ్యాప్తంగా ఉన్న IMAX 70mm టిక్కెట్ల ప్రీ-సేల్ ఇప్పటికే ప్రారంభమయ్యాయి . ఇది నోలన్ సినిమాలపై ఉన్న క్రేజ్ను సూచిస్తుంది . సినిమా విడుదల కావడానికి సరిగ్గా ఒక సంవత్సరం ముందే టిక్కెట్లు అమ్మకానికి వచ్చేశాయి . అయతే , IMAX 70mm కోసం మాత్రమే ఈ టికెట్లు అందుబాటులో ఉండటంతె అభిమానులు నిరాశ చెందుతున్నారు . IMAX 70mm థియేటర్స్ ప్రపంచంలో కేవలం 30 మాత్రమే ఉన్నాయి. IMAX స్క్రీన్స్ లో ఈ చిత్రాన్ని చూస్తే ప్రత్యేకమైన అనుభూతి ఉంటుందని నోలన్ చెప్పడంతో మరింత క్రేజ్ పెరిగింది .
సినిమా బడ్జెట్ మరియు విశేషాలు
నోలన్ సినిమాలకు జులై సెంటిమెంట్ వార్నర్ బ్రదర్స్ కంపెనీతో నోలన్ ఎక్కువ సినిమాలు చేశారు . ఇప్పటి వరకు నోలన్ రూపొందించిన ఎక్కువ శాతం సినిమాలను ఈ నిర్మాణ సంస్థే నిర్మించింది. నోలన్ తన సినిమాలను జూన్ – జూలై సీజన్లో రిలీజ్ చేయడానికి ఇష్టపడతారు. ఆ సెంటిమెంట్నే మళ్లీ రిపీట్ చేశారు. నోలన్ గత ఆరు చిత్రాల్లో 5 సినిమాలు జూలైలో రిలీజ్ కావడం విశేషం. ఇప్పుడు ది ఒడస్సీ కూడా 2026 జులై 17 న విడుదల కానుంది .
మొత్తానికి, క్రిస్టోఫర్ నోలన్ సినిమాపై ఉన్న అభిమానం ఈ టికెట్ల ప్రీ-బుకింగ్ ద్వారా స్పష్టమవుతోంది. IMAX అనుభవాన్ని ఆస్వాదించాలనుకునే వారు తప్పక టికెట్లు బుక్ చేసుకోవాలి.
