📌 Key Points
- 2024లో భారతదేశంలో 1,70,746 మంది ఆత్మహత్యలతో ప్రాణాలు కోల్పోయారు.
- ఆత్మహత్య చేసుకున్నవారిలో దాదాపు ముప్పావు శాతం మంది పురుషులే (1,25,449 మంది).
- కుటుంబ సమస్యలు (57,000 మంది), దీర్ఘకాలిక అనారోగ్యాలు (30,000 మంది) ప్రధాన కారణాలు.
- మహారాష్ట్రలో అత్యధిక ఆత్మహత్యలు (22,174); అండమాన్ నికోబార్లో అత్యధిక రేటు (40.6%).
దేశంలో మానసిక ఒత్తిళ్లు, సామాజిక సమస్యల కారణంగా ఆత్మహత్యల సంఖ్య ఆందోళనకరంగా పెరుగుతోంది. నేషనల్ క్రైమ్ రికార్డ్స్ బ్యూరో (NCRB) విడుదల చేసిన తాజా నివేదిక ఈ విషాదకర వాస్తవాలను వెల్లడించింది. ఈ గణాంకాలు ప్రభుత్వ విధానాలు, సామాజిక మద్దతు వ్యవస్థల ఆవశ్యకతను నొక్కి చెబుతున్నాయి.
ఆత్మహత్యల గణాంకాలు: రాష్ట్రాల వారీగా పరిస్థితి
మారుతున్న పరిస్థితులు మానసిక ఒత్తిళ్లు, సామాజిక ఇబ్బందుల కారణంగా నేటి సమాజంలో ఆత్మహత్యల సంఖ్య ఆందోళనకరంగా పెరుగుతుంది. నేషనల్ క్రైమ్ రికార్డ్స్ బ్యూరో (NCRB) విడుదల చేసిన అధికారిక గణాంకాల ప్రకారం, భారతదేశంలో 2024 లో మొత్తం 1,70,746 మంది ఆత్మహత్యల కారణంగా ప్రాణాలు కోల్పోయారు. ఈ నివేదికలో అత్యంత విచారకరమైన విషయం ఏమిటంటే.. దేశంలో నమోదైన మొత్తం కేసులలో దాదాపు మూడు వంతులు (ముప్పావు శాతం) పురుషులే ఉండటం సామాజిక నిపుణులను కలవరపెడుతోంది. గడిచిన ఏడాదిలో 1,25,449 మంది పురుషులు, 45,245 మంది మహిళలు, 52 మంది ట్రాన్స్జెండర్లు బలవన్మరణంతో ప్రాణాలు కోల్పోయారు.
రాష్ట్రాల వారీగా పరిశీలిస్తే.. అత్యధికంగా 22,174 ఆత్మహత్యలతో మహారాష్ట్ర దేశంలోనే మొదటి స్థానంలో నిలిచింది. అయితే, జనాభా నిష్పత్తి ప్రకారం (ఆత్మహత్యల రేటు) చూస్తే అండమాన్ నికోబార్ దీవులు ప్రతి లక్ష మంది జనాభాకు 40.6 శాతంతో అత్యంత ప్రమాదకర స్థాయిలో ఉన్నాయి. మనుషులు ఈ తీవ్ర నిర్ణయం తీసుకోవడానికి ప్రధానంగా కుటుంబ సమస్యలు మొదటి కారణంగా నిలిచాయి. దీనివల్ల దేశవ్యాప్తంగా 57,000 మందికి పైగా ప్రాణాలు కోల్పోయారు. ఆ తర్వాత స్థానంలో దీర్ఘకాలిక అనారోగ్య సమస్యల కారణంగా 30,000 మంది బలవన్మరణం చెందారు. వివాహ సంబంధిత కారణాలలో కూడా స్పష్టమైన తేడాలు కనిపించాయి. పెళ్లిళ్లు కుదరకపోవడం, కుటుంబాలు సెటిల్ కాకపోవడం వల్ల పురుషులు ఎక్కువగా ఆత్మహత్య చేసుకోగా.. కట్న వేధింపుల (Dowry Disputes) కారణంగా మహిళలు ప్రాణాలు కోల్పోతున్నట్లు ఎన్సీఆర్బీ గణాంకాలు స్పష్టం చేస్తున్నాయి.
బలవన్మరణాలకు ప్రధాన కారణాలు ఏమిటి?
పురుషులు, మహిళల ఆత్మహత్యల మధ్య వ్యత్యాసం
NCRB నివేదిక దేశంలో మానసిక ఆరోగ్యం, సామాజిక భద్రతపై తీవ్రమైన ప్రశ్నలను లేవనెత్తుతోంది. ఈ విషాదకర ధోరణిని అరికట్టడానికి ప్రభుత్వాలు, సమాజం సమష్టిగా కృషి చేయాల్సిన అవసరం ఎంతైనా ఉంది. ప్రతి ప్రాణం విలువైనదే.
