📌 Key Points
- సూపర్ స్టార్ కృష్ణ మనవడు జయకృష్ణ ఘట్టమనేని ‘శ్రీనివాస మంగాపురం’తో గ్రాండ్ డెబ్యూ.
- యాక్షన్ టీజర్లో అదరగొట్టిన జయకృష్ణ మాస్ డైలాగ్స్, హై-వోల్టేజ్ ఫైట్ సీన్స్.
- బాలీవుడ్ స్టార్ కిడ్ రషా తడానీ హీరోయిన్గా టాలీవుడ్కు పరిచయం అవుతోంది.
- అజయ్ భూపతి దర్శకత్వంలో తెరకెక్కుతున్న ఈ చిత్రంపై భారీ అంచనాలు నెలకొన్నాయి.
టాలీవుడ్లో మరో స్టార్ వారసుడు అరంగేట్రం చేశాడు! సూపర్ స్టార్ కృష్ణ మనవడు, మహేశ్ బాబు సోదరుడు రమేశ్ బాబు కుమారుడు జయకృష్ణ ఘట్టమనేని ‘శ్రీనివాస మంగాపురం’తో హీరోగా పరిచయం అవుతున్నాడు. తాజాగా విడుదలైన యాక్షన్ టీజర్ సంచలనం సృష్టిస్తోంది. ఫ్యాన్స్కు పూనకాలే!
కృష్ణ వారసత్వం.. జయకృష్ణ గ్రాండ్ ఎంట్రీ!
సూపర్ స్టార్ కృష్ణ మనవడు, మహేశ్ బాబు సోదరుడు రమేశ్ బాబు కుమారుడు జయకృష్ణ ఘట్టమనేని ‘శ్రీనివాస మంగాపురం’ చిత్రంతో హీరోగా ఇండస్ట్రీకి ఎంట్రీ ఇస్తున్న విషయం తెలిసిందే. ఈ చిత్రంతో బాలీవుడ్ స్టార్ కిడ్ రషా తడానీ హీరోయిన్గా టాలీవుడ్కు పరిచయం కాబోతున్నది. అజయ్ భూపతి దర్శకత్వం వహిస్తున్న ఈ మూవీ నుంచి తాజాగా యాక్షన్ టీజర్ రిలీజ్ చేశారు మేకర్స్. ‘సూపర్ స్టార్ కృష్ణ గారి జన్మదినం సందర్భంగా.. ఆయన శాశ్వత వారసత్వానికి ఘన నివాళిగా.. శ్రీనివాస మంగాపురం నుంచి యాక్షన్ టీజర్ రిలీజ్ చేశాం. అదిరిపోయే రీతిలో ఈ టీజర్తో జయకృష్ణ ఘట్టమనేనిని పరిచయం చేస్తున్నాం’ అంటూ ఓ పోస్టర్ రిలీజ్ చేశారు. ఇక టీజర్ విషయానికి వస్తే.. ‘నేను సాధారణంగా ఎవరి జోలికి వెళ్లను.. కానీ నా జోలికి ఎవరైనా వస్తే మాత్రం’ అంటూ జయకృష్ణ డైలాగ్తో స్టార్ట్ అయిన ఈ టీజర్లో యాక్షన్ సీక్వెన్స్తో అదరగొట్టేశాడు హీరో. మొదటి చిత్రమే అయినప్పటికీ తన యాక్టింగ్, మాస్ యాక్షన్ సీన్స్లో దుమ్ముదులపడంతో సూపర్ స్టార్ ఫ్యాన్స్ ఫుల్ ఖుష్ అవుతున్నారు. కృష్ణగారి మనవడి గ్రాండ్ ఎంట్రీ అదిరిపోయింది.. ఫస్ట్ సినిమాతోనే బ్లాక్ బస్టర్ కొట్టేలా ఉన్నాడు అంటూ ప్రశంసల వర్షం కురిపిస్తున్నారు.
‘శ్రీనివాస మంగాపురం’ టీజర్ లో మాస్ యాక్షన్!
ఫ్యాన్స్ రెస్పాన్స్.. అంచనాలు తారాస్థాయికి!
జయకృష్ణ ఘట్టమనేని ఎంట్రీతో ఘట్టమనేని అభిమానుల ఆనందానికి అవధులు లేవు. ‘శ్రీనివాస మంగాపురం’తో బ్లాక్ బస్టర్ కొట్టడం ఖాయమని ధీమా వ్యక్తం చేస్తున్నారు. మరిన్ని ఆసక్తికర అప్డేట్ల కోసం చూస్తూ ఉండండి!
