📌 Key Points
- స్టార్ హీరో సూర్య తన అభిమాని పెళ్లికి వెళ్లి ఊహించని సర్ప్రైజ్ ఇచ్చారు.
- వధువు తన పెళ్లికి సూర్య రావాలని కోరిక వెల్లడించగా, ఆయన హాజరయ్యారు.
- సూర్యను చూడగానే వధువు ఆనందానికి అవధులు లేని రియాక్షన్ వైరల్ అవుతోంది.
- సూర్య మంచి మనసును, అభిమానుల పట్ల ఆయనకున్న ప్రేమను ఫ్యాన్స్ ప్రశంసిస్తున్నారు.
స్టార్ హీరో సూర్య మరోసారి తన అభిమానుల పట్ల ఉన్న ప్రేమను చాటుకున్నారు. తన పెళ్లికి రావాలని కోరిన ఓ అభిమానిని ఊహించని విధంగా సర్ప్రైజ్ చేశారు. సూర్య ఎంట్రీతో వధువు ఆనందానికి అవధులు లేవు. ప్రస్తుతం ఈ వీడియో నెట్టింట వైరల్ అవుతోంది.
సూర్య అభిమాని కోరిక నెరవేరింది
కోలీవుడ్ స్టార్ హీరో సూర్య తన అభిమానుల పట్ల ఎంతో ఉదారంగా ఉంటారో చూపే మరో వీడియో నెట్టింట వైరల్ అవుతోంది. ఓ పెళ్లికూతుర్ని.. అదే అభిమానిని ఊహించని విధంగా సర్ ప్రైజ్ చేశారు. తన పెళ్లికి సూర్య గెస్ట్ గా రావాలని ఆ పెళ్లికూతురు తన కోరికను వెల్లడించింది. సీన్ కట్ చేస్తే.. సూర్య ఆమె పెళ్లికి వెళ్లి ఊహించని సర్ ప్రైజ్ ఇచ్చారు. తన పెళ్లి వేడుకలో విష్ చేసేందుకు సూర్య రావడాన్ని చూసిన ఆ అభిమాని ఆనందానికి అవధుల్లేవు. సూర్యను చూడగానే ఆమెలో వచ్చిన రియాక్షన్ కు సంబంధించిన వీడియో సోషల్ మీడియాలో వైరల్ అవుతోంది. ఈ వీడియో చూసిన సూర్య అభిమానులు ఆయన మంచి మనసుకు ఫిదా అవుతున్నారు.
వధువు ఎమోషనల్ రియాక్షన్
వీడియోలో పెళ్లికొడుకు సూర్యను ఆహ్వానించారు. సన్ గ్లాసెస్ పెట్టుకుని, వైట్ అండ్ వైట్ అవుట్ ఫిట్ లో స్టన్నింగ్ లుక్ లో ఉన్న సూర్యను చూసి అతిథులంతా షాకయ్యారు. తమ ఆహ్వానాన్ని మన్నించి పెళ్లికి వచ్చినందుకు థాంక్యూ సర్ అని పెళ్లి కొడుకు వైరల్ అవుతున్న వీడియో కింద కామెంట్ చేశాడు.
నెట్టింట వైరల్ అవుతున్న వీడియో
A post shared by Aravind & Kajal (@kaadhals_)
సూర్య చూపిన ఈ గొప్ప మనసు ఆయనకు అభిమానులలో మరింత గౌరవాన్ని తెచ్చిపెట్టింది. సెలబ్రిటీలు, అభిమానుల మధ్య బంధాన్ని ఈ సంఘటన మరోసారి రుజువు చేసింది. ఇది నిజంగా మర్చిపోలేని మధురానుభూతి.
