📌 Key Points
- నిఖిల్ ‘స్వయంభు’ విడుదల తేదీ ఖరారు: ఏప్రిల్ 10న గ్రాండ్ రిలీజ్!
- ఫిబ్రవరి 13న విడుదల కావాల్సింది, గ్రాఫిక్స్ కారణంగా వాయిదా!
- నిఖిల్ కెరీర్ లోనే భారీ బడ్జెట్ చిత్రం ‘స్వయంభు’!
- దర్శకుడు భరత్ కృష్ణమాచారి తెరకెక్కిస్తున్న పీరియాడికల్ మూవీ!
టాలీవుడ్ యంగ్ హీరో నిఖిల్ సిద్దార్థ్ నటిస్తున్న తాజా చిత్రం ‘స్వయంభు’. ఈ సినిమా కోసం ప్రేక్షకులు ఎంతో ఆసక్తిగా ఎదురుచూస్తున్నారు. ఎట్టకేలకు మూవీ రిలీజ్ డేట్ ఫిక్స్ అయింది. ఆ వివరాలు చూద్దాం!
ఏప్రిల్ 10న స్వయంభు విడుదల
Swayambhu: టాలీవుడ్ టాలెంటెడ్ హీరో నిఖిల్ సిద్దార్థ్ హీరోగా వస్తున్న లేటెస్ట్ మూవీ ‘స్వయంభు(Swayambhu)’. పీరియాడికల్ కంటెంట్ తో వస్తున్న ఈ సినిమాను కొత్త దర్శకుడు భరత్ కృష్ణమాచారి తెరకెక్కిస్తున్నాడు. నిఖిల్ కెరీర్ లోనే హైయ్యెస్ట్ బడ్జెట్ తో తెరకెక్కిస్తున్న ఈ సినిమాపై ప్రేక్షకుల్లో మంచి అంచనాలే ఉన్నాయి. ఇప్పటికే ఈ సినిమా నుంచి విడుదలైన కంటెంట్ కూడా ఆ హైప్ ను పెంచేసింది.
గ్రాఫిక్స్ పనులతో వాయిదా
కనీసం టీజర్ కూడా ఈ సినిమా నుంచి విడుదల కాలేదు. జస్ట్ మేకింగ్ వీడియోస్ విడుదల చేసి ఈ రేంజ్ హైప్ ను తీసుకువచ్చారు అంటే మాములు విషయం కాదు. అందుకే, ఈ సినిమా కోసం చూస్తున్నారు ఆడియన్స్. అయితే, ఈ సినిమాలో గ్రాఫిక్స్, వీఎఫెక్స్ కి భారీ స్కోప్ ఉంది. అందుకే, ఆ అంశాలపై మేకర్స్ చాలా జాగ్రత్తలు తీసుకుంటున్నారు. వాటి కారణంగానే సినిమా విడుదల వాయిదాల మీద వాయిదా పడుతోంది.
నిఖిల్ కెరీర్ లోనే బిగ్గెస్ట్ మూవీ
తాజాగా ఈ సినిమా కొత్త రిలీజ్ డేట్ ను అధికారికంగా ప్రకటించారు మేకర్స్. స్వయంభు సినిమాను ఏప్రిల్ 10న విడుదల చేయనున్నట్టు ప్రకటించాడు. నిజానికి ఈ సినిమా ఫిబ్రవరి 13న ప్రేక్షకుల ముందుకు రావాల్సి ఉంది. కానీ, గ్రాఫిక్స్ వర్క్ కారణంగా వాయిదా పడింది. కేవలం ప్రేక్షకులకు అద్భుతమైన ఫీల్ ఇవ్వాలన్న ఆలోచనతోనే వాయిదా వేసినట్టు టీం తెలిపారు. మరి ఈ సినిమాకు విడుదల తరువాత ఆడియన్స్ నుంచి ఎలాంటి స్పందన వస్తుంది అనేది చూడాలి.
నిఖిల్ ‘స్వయంభు’ ఏప్రిల్ 10న విడుదల కానుంది. సినిమా విడుదల తేదీ దగ్గర పడుతుండటంతో అంచనాలు పెరుగుతున్నాయి. మరిన్ని అప్డేట్స్ కోసం చూస్తూ ఉండండి.
