📌 Key Points
- చిరంజీవితో రౌడీ అల్లుడు సినిమాలో టబుకి వచ్చిన అవకాశం చేజారింది!
- దివ్య భారతి డేట్స్ సమస్యల కారణంగా టబుని సంప్రదించిన కె. రాఘవేంద్రరావు.
- అందరివాడు సినిమాలో చిరంజీవితో కలిసి నటించిన టబు.
- నాగార్జునతో టబుకి ఉన్న అనుబంధం గురించి ప్రత్యేకంగా ప్రస్తావించిన నాగార్జున.
టాలీవుడ్ లో ఒకప్పటి స్టార్ హీరోయిన్ టబు గురించి ఒక సంచలన వార్త! చిరంజీవితో కలిసి నటించే ఒక భారీ బ్లాక్ బస్టర్ సినిమాలో అవకాశం ఆమె చేజారిపోయింది. అసలు ఏం జరిగింది? ఎందుకు ఆమె ఆ సినిమాలో నటించలేకపోయింది?
చిరంజీవితో ఛాన్స్ మిస్ చేసుకున్న టబు
ఒకప్పటి స్టార్ హీరోయిన్ టబు తెలుగులో చేసింది చాలా తక్కువ సినిమాలే. నాగార్జున, వెంకటేష్, బాలకృష్ణలతో నటించింది. చిరంజీవితోనూ `అందరివాడు`లో మెరిసింది. కానీ నాగ్ తో రెండు సినిమాలు, బాలయ్యతో రెండు సినిమాలు చేసింది. కానీ నాగార్జునతో అనేక రూమర్లని ఫేస్ చేసింది. అయితే నాగార్జున మాత్రం టబు బెస్ట్ ఫ్రెండ్ అని చెబుతుంటాడు. హైదరాబాద్ కి ఆమె ఎప్పుడు వచ్చినా తన ఇంటికి వస్తుందని ఓ ఇంటర్వ్యూలో తెలిపారు.
ఇదిలా ఉంటే టబు.. చిరంజీవితో ఒక ఇండస్ట్రీ హిట్ని మిస్ చేసుకుంది. ఆ సినిమా చేసి ఉంటే టాలీవుడ్లో తిరుగులేని స్టార్ హీరోయిన్గా ఎదిగేది. ఓ రకంగా లేడీ సూపర్ స్టార్ గా రాణించేదని చెప్పడంలో అతిశయోక్తి లేదు. మరి ఆ సినిమా ఏంటి? దానికి కారణమేంటి? అనేది చూస్తే. టబు తెలుగులో నటించిన తొలి చిత్రం `కూలీ నెం 1`. వెంకటేష్ సరసన ఈ చిత్రంలో నటించింది. అంతకు ముందు బాలీవుడ్లో సినిమాలు చేస్తూ రాణించింది టబు. నాగార్జునతో `నిన్నే పెళ్లాడతా`తో ఇక్కడ బ్లాక్ బస్టర్ అందుకుంది. తెలుగులో హాట్ కేక్ అయిపోయింది.
దివ్య భారతి కారణంగా టబుకి నిరాశ
కానీ బాలీవుడ్లో ఆమె అప్పటికే స్టార్ హీరోయిన్గా రాణిస్తోంది. ఫుల్ బిజీగా ఉంది. దీంతో తెలుగులో సినిమాలు చేసే అవకాశాలు వచ్చినా చేయలేకపోయింది. అయితే `కూలీ నెం 1` టైమ్లోనే టబుకి తెలుగులో మరో ఆఫర్ వచ్చింది. అది చిరంజీవితో. అప్పట్లో చిరంజీవి ఇక్కడ బిగ్గెస్ట్ స్టార్. ఆయనతో ఛాన్స్ అంటే మామూలు కాదు, కానీ టబుకి ఈ ఆఫర్ వచ్చినట్టే వచ్చి పోయింది. కె రాఘవేంద్రరావు.. చిరంజీవితో `రౌడీ అల్లుడు` చిత్రాన్ని రూపొందిస్తున్నారు. ఇందులో ఆయన ద్విపాత్రాభినయం చేశారు. ఒక పాత్రకి శోభన హీరోయిన్గా ఎంపికైంది. మరోపాత్రకి దివ్య భారతిని అనుకుంటున్నారు. దివ్య భారతి బాలీవుడ్లో బిజీ హీరోయిన్. హాట్ కేక్ అని చెప్పాలి. అయితే ఆమె డేట్స్ సెట్ కావడం లేదు. దీంతో టబుని తీసుకోవాలనుకున్నారట.
దివ్య భారతిపై టీమ్ అందరి ఫోకస్ ఉంది. ఆమె కోసం ఆగితే సినిమా డిలే అవుతుందని, దీంతో మెగాస్టార్ అభిమానులు గొడవ చేస్తారని భావించిన మేకర్స్ టబుని మరో హీరోయిన్గా తీసుకోవాలనుకున్నారట. కానీ ఇది సెట్ కాలేదు. దివ్యభారతి డేట్స్ ఓకే కావడంతో టబుని పక్కన పెట్టారట. అలా చిరంజీవితో మొదటిసారి కలిసి నటించే ఛాన్స్ ని టబు మిస్ చేసుకుంది. ఆ తర్వాత 2005లో `అందరివాడు`లో ఈ ఇద్దరు కలిసి నటించారు. ఇందులోనూ టబుది మెయిన్ రోల్ కాదు. సెకండ్ ఫీమేల్ లీడ్గా కనిపించింది. అలా `రౌడీ అల్లుడు`లో చిరంజీవితో కలిసి నటించే ఛాన్స్ ని టబు కోల్పోయింది. 1991లో వచ్చిన `రౌడీ అల్లుడు` మూవీ అప్పట్లో ఇండస్ట్రీ హిట్గా నిలవడం విశేషం.
నాగార్జునతో టబు అనుబంధం
ఒకవేళ టబు ఆ సమయంలో `రౌడీ అల్లుడు` మూవీ చేసి ఉంటే, ఆమె తెలుగులోనే సెటిల్ అయ్యేది, ఇక్కడ లేడీ సూపర్ స్టార్గా ఎదిగేదని చెప్పడంలో అతిశయోక్తి లేదు. ఇక్కడ ఆమె మరిన్ని సినిమాలు చేసేది. కానీ ఆ అవకాశం దివ్య భారతి వల్ల కోల్పోయిందని చెప్పొచ్చు. ఆమె కారణంగా టబు తెలుగులో కెరీర్ని మిస్ అయ్యింది. చిరంజీవి, టబు కాంబినేషన్లో మరో మూవీ కూడా ఆగిపోయింది. సింగీతం శ్రీనివాసరావు దర్శకత్వంలో `భూలోక వీరుడు` పేరుతో ఓ మూవీని ప్రారంభించారు. కానీ ఆ తర్వాత ఆపేశారు.
టబు చివరగా తెలుగులో అల్లు అర్జున్ హీరోగా వచ్చిన `అల వైకుంఠపురములో` చిత్రంలో నటించింది. మళ్లీ ఇప్పుడు కింగ్ 100లో నటిస్తున్నట్టు సమాచారం. ఇందులో ఆమె కీలక పాత్రలో కనిపించబోతుందట. ప్రస్తుతం బాలీవుడ్లో కూడా చాలా సెలక్టీవ్గా సినిమాలు చేస్తుంది టబు.
టబు గారు చిరంజీవితో కలిసి నటించే అవకాశం మిస్ చేసుకున్నప్పటికీ, టాలీవుడ్ లో తనకంటూ ప్రత్యేక గుర్తింపు తెచ్చుకున్నారు. మరిన్ని ఆసక్తికరమైన అప్డేట్స్ కోసం చూస్తూ ఉండండి.
