దాదాపు ఇరవై ఏళ్లుగా సినిమా రంగంలో సక్సెస్ఫుల్గా ఉన్న తమన్నా, తన కెరీర్లో అల్లు అర్జున్ పాత్రను వివరించింది. ‘బద్రీనాథ్’ షూటింగ్ సమయంలో బన్నీ ఆమెకు ఇచ్చిన ప్రోత్సాహం గురించి ఆమె పంచుకుంది.
Key Points
తమన్నా 20 ఏళ్లుగా సినిమా రంగంలో సక్సెస్ఫుల్గా కెరీర్ చేస్తోంది.
అల్లు అర్జున్ 'బద్రీనాథ్' సినిమాలో తనను ఎంకరేజ్ చేసి, డ్యాన్స్ చేసే అవకాశం కల్పించాడు.
బన్నీ ప్రోత్సాహం వల్లే తమన్నా స్పెషల్ సాంగ్స్లో పాపులర్ అయ్యింది.
ప్రస్తుతం 35 ఏళ్ల తమన్నాకు వయసు పెరిగినా అవకాశాలు వరసగా వస్తున్నాయి.
తమన్నా సినీ జీవితం
తమన్నా.. దాదాపు ఇరవై ఏళ్లుగా సినిమాలు చేస్తూనే ఉంది. కుర్రహీరోయిన్లు వస్తున్నా వాళ్లకి పోటీగా హీరోయిన్, స్పెషల్ సాంగ్స్ చేస్తూ రెండు చేతులా సంపాదిస్తోంది. అయితే తాను ఇప్పుడు ఇలా ఉండటానికి అల్లు అర్జున్ కూడా ఓ కారణం అని చెప్పుకొచ్చింది. రీసెంట్గా ‘డూ యూ వాన్నా పార్ట్నర్’ అనే వెబ్ సిరీస్లో లీడ్ రోల్ చేసింది. దీని ప్రమోషన్స్ కోసం ఇచ్చిన ఇంటర్వ్యూలో మాట్లాడుతూ బన్నీ గురించి ఆసక్తికర విషయాన్ని చెప్పుకొచ్చింది.
‘అప్పట్లో తెలుగు, తమిళంలో అన్ని రకాల కమర్షియల్ సినిమాలు చేశాను. ప్రతి దానిలోనూ నాలుగైదు సాంగ్స్ ఉండేవి. కానీ అల్లు అర్జున్ మాత్రమే ‘బద్రీనాథ్’ కోసం నేను కూడా తనతో పాటు సరిసమానంగా డ్యాన్స్ చేయాలని ప్రోత్సాహించాడు. ఫ్లోర్ మూమెంట్స్ నేను కూడా చేస్తానని చెప్పి దర్శకుడిని ఒప్పించి తొలి అవకాశమిచ్చాడు. ఈ మూవీ రిలీజైన తర్వాత నాకు డ్యాన్స్ చేసే ఛాన్సులు చాలా వచ్చాయి. స్పెషల్ నంబర్స్కి పాపులర్ అయ్యాను’ అని తమన్నా చెప్పుకొచ్చింది.
అల్లు అర్జున్ ప్రోత్సాహం
తమన్నా చెప్పింది చూస్తుంటే నిజమే అనిపిస్తుంది. ఎందుకంటే గత కొన్నేళ్లలో బాలీవుడ్లో హిట్ స్పెషల్ సాంగ్స్ ఈమె కనిపించింది. ‘ఆజ్ కీ రాత్’, నషా, స్పింగ్ జరా, గఫూర్.. ఇలా తదితర పాటల్లో ఓవైపు గ్లామర్ చూపిస్తూ మరోవైపు తన అందచందాలతో అందరినీ మంత్రముగ్దుల్ని చేసింది. అలానే అల్లు అర్జున్ ఇప్పుడు పాన్ ఇండియా స్టార్ కావడం చూస్తుంటే చాలా ఆనందంగా ఉందని చెప్పింది.
తమన్నా ప్రస్తుత కెరీర్
తమన్నా వ్యక్తిగత విషయానికొస్తే ప్రస్తుతం ఈమె వయసు 35 ఏళ్లు. వయసు పెరుగుతున్నా సరే ఈమెకు అవకాశాలు వరసగా వస్తూనే ఉన్నాయి. అలానే మొన్నమొన్నటివరకు నటుడు విజయ్ వర్మతో డేటింగ్ చేసింది. పెళ్లి కూడా చేసుకుంటారేమోనని అందరూ అనుకున్నారు. కానీ వీళ్లిద్దరూ బ్రేకప్ చెప్పేసుకున్నారు.
అల్లు అర్జున్ ప్రోత్సాహం తమన్నా కెరీర్కు మలుపు తిప్పిందని, ‘బద్రీనాథ్’ తర్వాత ఆమెకు డ్యాన్స్ అవకాశాలు పెరిగాయని ఈ ఇంటర్వ్యూ సారాంశం.
