బిగ్బాస్ విజేత తేజస్వి ప్రకాష్ తన నిరాడంబరమైన జీవనశైలితో చాలామందికి ఆదర్శంగా నిలుస్తోంది. రూ.25 కోట్ల నికర విలువ ఉన్నప్పటికీ, ఆడి కారును కాదని ఐ20ని వాడటం, పాత ఐఫోన్తో సరిపెట్టుకోవడం ఆమె తెలివైన ఆర్థిక ఆలోచనలను ప్రతిబింబిస్తుంది. ఆమె పెట్టుబడి సూత్రాలు యువతకు స్ఫూర్తిదాయకం.
Key Points
నటి తేజస్వి ప్రకాష్ నికర విలువ రూ. 25 కోట్లు, ఆడి కారు ఉన్నప్పటికీ ఐ20నే ఎక్కువగా ఉపయోగిస్తుంది.
సౌకర్యంగా ఉండటం, పార్కింగ్ సులభం, గీతలు పడటం వంటి కారణాలతో ఐ20ని ఎంచుకుంటానని తెలిపింది.
ప్రతి సంవత్సరం కొత్త ఫోన్ కొనాలనే ఆలోచన లేకుండా, మూడేళ్ల పాత ఐఫోన్నే వాడుతున్నట్లు వెల్లడించింది.
రియల్ ఎస్టేట్, సెలూన్ వ్యాపారంలో పెట్టుబడులు పెడుతూ, డబ్బు సంపాదించే ఆస్తుల ప్రాముఖ్యతను నొక్కి చెప్పింది.
ఐ20 కారును ఎందుకు ఉపయోగిస్తుంది?
నటిగా మాత్రమే చాలామందికి తెలిసిన తేజస్వి ప్రకాష్.. ఒక తెలివైన పెట్టుబడిదారు అని బహుశా కొంతమందికి మాత్రమే తెలుసు. ఈమె వద్ద ఆడి కారు ఉన్నప్పటికీ.. ఐ20 కారునే ఎక్కువగా ఉపయోగిస్తున్నట్లు.. ఇటీవల ఒక కార్యక్రమంలో పేర్కొన్నారు.
బిగ్బాస్ 15 విజేత అయిన తేజస్వి ప్రకాష్ నికర విలువ రూ. 25 కోట్లు అని 2024లో పింక్విల్లా ప్రచురించిన నివేదిక ద్వారా వెల్లడించింది. ఈమెకు భారతదేశంలోనే కాకుండా దుబాయ్లో కూడా కోట్ల విలువైన ఆస్తులను ఉన్నట్లు సమాచారం. అయితే ఈమె ఎప్పుడూ ఐ20 కారును ఎక్కువగా ఉపయోగిస్తున్నట్లు, దానికి కారణం కూడా చెప్పింది.
కొత్త ఫోన్ ఎందుకంటే?
”నాకు నా ఆడి కారు ఇష్టం, కానీ నేను తరచుగా నా i20లో ప్రయాణిస్తాను. ఎందుకంటే అది చాలా సౌకర్యవంతంగా ఉంటుంది. ఆడి కారు పార్క్ చేయడానికి స్థలం అవసరం, కానీ i20 విషయంలో అలా కాదు” అని తేజస్వి ప్రకాష్ పేర్కొన్నారు. అంతే కాకుండా ఆడి కారును ఉపయోగించేటప్పుడు ఏదైనా గీతలు పడితే.. దానికోసం డబ్బు ఖర్చు చేయాల్సి ఉంటుంది. కాబట్టి నేను i20ని తీసుకెళ్లడానికి ఇష్టపడతానని ఆమె వెల్లడించారు.
తేజస్వి ప్రకాష్.. ఏప్రిల్ 2022లో ఆడి క్యూ7 కారును కొనుగోలు చేశారు. దీని ధర రూ. 90 లక్షల నుంచి రూ. 1 కోటి మధ్య ఉంది. అంతే కాకుండా తాను మూడేళ్లకు ముందు లాంచ్ అయిన ఐఫోన్ వారుందుతున్నట్లు చెప్పింది. ప్రతి సంవత్సరం కొత్త ఫోన్ కొనాలనే ఆలోచన నాకు లేదని స్పష్టం చేసింది.
తేజస్వి ప్రకాష్ తెలివైన పెట్టుబడులు
తేజస్వి ప్రకాష్ ఇన్వెస్ట్మెంట్స్ తేజస్వి ప్రకాశ్కు రియల్ ఎస్టేట్ వ్యాపారం ఉంది. అంతే కాకుండా జుహులో సామ్స్ సలోన్ అనే సెలూన్ ఉంది. ఎప్పుడూ డబ్బు సంపాదించే ఆస్తులలో పెట్టుబడి పెట్టాలని ఆమె చెబుతారు. “నేను ఒక ఆస్తిలో పెట్టుబడి పెడితే, ఇంట్లో కూర్చొని దాని నుంచి సంపాదించవచ్చని నాకు తెలుసు. నేను ప్రస్తుతానికి ఆస్తిని ఉపయోగించకపోవచ్చు, కానీ అది నాకు ఆదాయాన్ని సంపాదించిపెడుతుందని అన్నారు. కాలక్రమేణా విలువ తగ్గుతున్న హై హీల్స్, బ్యాగులపై విచ్చలవిడిగా ఖర్చు చేయకుండా, జాగ్రత్తగా డబ్బును పొదుపు చేయండి ఆమె యువతకు సలహా ఇచ్చింది.
మొత్తంమీద, తేజస్వి ప్రకాష్ కేవలం నటిగానే కాకుండా, తెలివైన పెట్టుబడిదారుగా, ఆర్థికంగా బాధ్యత గల వ్యక్తిగా యువతకు ఆదర్శంగా నిలుస్తుంది. ఆమె వ్యక్తిగత ఎంపికలు, పెట్టుబడి వ్యూహాలు దీర్ఘకాలిక ఆర్థిక విజయంపై ఆమెకున్న దృష్టిని స్పష్టం చేస్తాయి.
