📌 Key Points
- విజయ్ సినిమాలకు గుడ్ బై చెప్పి రాజకీయాలపై దృష్టి సారించారు.
- టీవీకే పార్టీ విజయం సాధించి, విజయ్ సీఎం అవుతారని సెంగోట్టియన్ జోస్యం.
- 2026 తొలి త్రైమాసికంలో తమిళనాడులో ఎన్నికలు జరగనున్నాయి.
- టీటీవీ దినకరన్, ఓపీఎస్ నేతలతో కూటమి ఏర్పాటుకు విజయ్ యత్నాలు.
తమిళ అగ్రకథానాయకుడు దళపతి విజయ్ రాజకీయాలపై పూర్తి దృష్టి పెట్టారు. సీఎం కావడమే లక్ష్యంగా ప్రణాళికలు రచిస్తున్నారు. టీవీకే నేత సెంగోట్టియన్ విజయ్ సీఎం కావడం ఖాయమని ధీమా వ్యక్తం చేశారు. ఇది తమిళ రాజకీయాల్లో ఆసక్తి రేపుతోంది.
దళపతి విజయ్ రాజకీయ ప్రవేశం
సినిమాలకు రిటైర్మెంట్ ప్రకటించిన తమిళ అగ్రకథానాయకుడు దళపతి విజయ్(Thalapathy Vijay) రాజకీయాలపై ఫుల్ ఫోకస్ చేస్తున్నారు. రాబోయే ఎన్నికల్లో అధికారంలోకి రావడమే లక్ష్యంగా ప్రణాళికలు రూపొందిస్తున్నారు. ఈ నేపథ్యంలోనే తమిళనాడులో కూటమి ఏర్పాటుకు ప్రయత్నాలు చేస్తున్నారు. టీటీవీ దినకరన్, ఓపీఎస్ నేతలతో జతకట్టేందుకు చూస్తున్నారు. ఇప్పటికే పొత్తులపై టీవీకే నేత సెంగోట్టియన్ ప్రకటన చేశారు. ఎన్నికల సర్వేలపై తమకు నమ్మకం లేదని కొట్టిపారేశారు. ఎన్నికలు ఎప్పుడు వచ్చినా టీవీకే పార్టీ విజయం సాధిస్తుందని ధీమా వ్యక్తం చేశారు. టీవీకే పార్టీ ప్రభుత్వం ఏర్పడటం ఖాయం, విజయ్ ముఖ్యమంత్రి కావడం ఖాయం అని జోస్యం చెప్పారు.
కాగా, తమిళనాడులో 2026 తొలి త్రైమాసికంలో ఎన్నికలు జరగనున్నాయి. ఎన్నికలకు కొద్ది నెలలే ఉండడంతో రాజకీయ పార్టీలు వ్యూహాలు, ప్రతి వ్యూహాలతో ముందుకు వెళుతున్నాయి. ఇప్పటిదాకా తమిళనాడులో డీఎంకే, ఏడీఎంకే పార్టీలే మార్చి.. మార్చి అధికారాన్ని సొంతం చేసుకుంటూ వస్తున్నాయి. ఇటీవల నటుడు విజయ్ సొంత పార్టీని ఏర్పాటు చేసి ఈసారి ఎన్నికల్లో అధికారమే లక్ష్యంగా ముందుకు వెళుతున్నారు. గత మూడు నెలలుగా శని, ఆదివారాలు ప్రజల్లోకి వెళ్లేందుకు వీకెండ్ టూర్ ఏర్పాటు చేసుకున్న విజయ్ ఆ దిశగా వరుస సభలు నిర్వహించారు. అయితే ఇప్పుడు సినిమాలకు పూర్తిగా గుడ్ బై చెప్పి పూర్తి సమయం రాజకీయాలకు కేటాయిస్తుండటంతో తమిళ రాజకీయాలు ఆసక్తిగా మారాయి.
విజయ్ సీఎం కావడం ఖాయం: సెంగోట్టియన్
కూటమి ఏర్పాటుకు విజయ్ ప్రయత్నాలు
సినిమాలకు గుడ్ బై చెప్పి దళపతి విజయ్ రాజకీయాలపై పూర్తి దృష్టి పెట్టారు. ఆయన సీఎం అవుతారని సెంగోట్టియన్ ధీమాతో ఉన్నారు. రాబోయే తమిళనాడు ఎన్నికల్లో విజయ్ ఎలాంటి ప్రభావం చూపుతారో వేచి చూడాలి.
