నితిన్ నటించిన ‘తమ్ముడు’ సినిమా ఘోరంగా పరాజయం పొందింది. ఈ పరాజయం వల్ల ‘ఎల్లమ్మ’ సినిమా నిర్మాణంపై ప్రభావం పడింది. నితిన్, కీర్తి సురేష్ ల కెరీర్ల మీద ఈ సినిమా ఫలితం ఎంతో ప్రభావం చూపుతుంది.
Key Points
నితిన్ 'తమ్ముడు' సినిమా పరాజయం తర్వాత 'ఎల్లమ్మ' సినిమా భవిష్యత్తు అనిశ్చితంగా మారింది.
నితిన్, కీర్తి సురేష్ ఇద్దరి కెరీర్లు కూడా ప్రస్తుతం ఒక కీలకమైన మలుపులో ఉన్నాయి.
'ఎల్లమ్మ' సినిమా బడ్జెట్, విడుదల తీరుపై చర్చలు జరుగుతున్నాయి.
ఈ సినిమా నితిన్ కెరీర్ను నిలబెట్టే అవకాశం, లేకపోతే తీవ్రమైన నష్టం కలిగించే అవకాశం కూడా ఉంది.
తమ్ముడు సినిమా పరాజయం
నితిన్ నటించిన ‘తమ్ముడు’ సినిమాపై చాలా హోప్స్ పెట్టారు. ఓ సాదా సరదా కమర్షియల్ ఎంటర్టైనర్ అవుతుందని భావించారు. కానీ, ఈ సినిమా విడుదలైన తొలి రోజు నుంచే డిజాస్టర్ అయ్యింది. బాక్సాఫీస్ దగ్గర పూర్తిగా ఫెయిల్ అయ్యింది. ప్రేక్షకులకు కనెక్ట్ కాలేదు. రివ్యూలు బాగాలేవు. కనీసం ఓపెనింగ్ కలెక్షన్స్ కూడా లేవు.
సాధారణంగా ఎన్ని ఫ్లాప్లైనా, రిలీజ్ అయిన తర్వాత టీమ్ ఓ సక్సెస్ మీట్ పెడుతుంది. కాకపోతే ఇంటర్వ్యూలు ఇస్తుంది. కానీ తమ్ముడు తర్వాత నిర్మాత దిల్ రాజు టీం నిశ్శబ్దంలోకి వెళ్లిపోయింది. మీడియాకి దూరంగా ఉండిపోయారు. అసలే ప్లాపు, పైగా ఎలాంటి డామేజ్ కంట్రోల్ చేయకపోవడంతో అందరి దృష్టి ఇప్పుడు ఆ బ్యానర్లో వచ్చే తదుపరి సినిమా ‘ఎల్లమ్మ’ మీద పడింది.
ఎల్లమ్మ సినిమా భవిష్యత్తు
‘ఎల్లమ్మ’ అనే టైటిల్తో దర్శకుడు వేణు యెల్దండి (బలగం ఫేమ్) తెరకెక్కించబోతున్న సినిమా ఇప్పుడే ప్రీ-ప్రొడక్షన్ స్టేజ్లో ఉంది. మొదట ఈ సినిమా కథను నానికి చెప్పినట్టు వార్తలు వచ్చాయి. కథ నచ్చినప్పటికీ డేట్స్ సమస్యతో నాని నో చెప్పాడు. తరువాత ఈ ప్రాజెక్ట్ నితిన్ వద్దకు వెళ్లింది. అప్పట్లో తమ్ముడు బాగానే ఆడితే, ఎల్లమ్మ షూటింగ్ కూడా రెగ్యులర్గా మొదలైపోతుందన్నది ప్లాన్.
కానీ ఇప్పుడు తమ్ముడు డిజాస్టర్ అయిన తర్వాత, ఎల్లమ్మ ప్రాజెక్ట్ మొత్తం రీ-ఇవాల్యుయేషన్లో పడింది. స్క్రిప్ట్ మళ్లీ రివ్యూలో ఉంది. బడ్జెట్ కట్ చేయాలా? స్కేలు తగ్గించాలా? థియేటర్లో కాకుండా ఓటీటీకి నేరుగా పంపాలా? అన్న ప్రశ్నల మీద చర్చ జరుగుతోంది.
నితిన్, కీర్తి సురేష్ కెరీర్లు
ఈ సినిమాలో హీరోయిన్గా కీర్తి సురేష్ పేరును పరిశీలిస్తున్నట్టు టాక్ ఉంది. కానీ ఆమెకు కూడా ఇటీవల మంచి హిట్లు లేవు. భోళా శంకర్, సైరన్, బేబీ జాన్, ఉప్పు కప్పురంబు వంటి సినిమాలు ఫెయిలయ్యాయి. కీర్తి కెరీర్ రీబూట్ కావాలంటే ఎల్లమ్మ హిట్ అవ్వాలి.
నితిన్ కోసం ఇదో పెద్ద పరీక్ష. భీష్మ హిట్ అయిన తర్వాత ఆయన చేసిన అన్ని సినిమాలు.. చెక్, మాచర్ల నియోజకవర్గం, ఎక్స్ట్రా ఆర్డినరీ మాన్, రాబిన్హుడ్, తమ్ముడు.. అన్నీ ఫ్లాపులే. ఇప్పుడు ఎల్లమ్మ కూడా ఫెయిల్ అయితే, నితిన్ను “లీడ్ హీరో”గా చూస్తారా? అనే డౌట్ ఇండస్ట్రీకి వస్తుంది. ప్రస్తుతం నితిన్ చేతిలో ఇంకో పెద్ద ప్రాజెక్ట్ కూడా లేదు. అందుకే, ఎల్లమ్మ సినిమా విజయమే నితిన్ కెరీర్ను నిలబెట్టే ఆఖరి అవకాశం అవుతుంది. ఇక ఫెయిల్ అయితే.. పక్కకి తప్పుకోవాల్సిందే..!
నితిన్ మరియు కీర్తి సురేష్ కెరీర్లకు ‘ఎల్లమ్మ’ సినిమా ఒక పరీక్షాపూర్ణమైన సమయం. ఈ సినిమా విజయం వారి కెరీర్లను నిలబెడుతుంది లేదా తీవ్రమైన నష్టం కలిగించవచ్చు.
