📌 Key Points
- ది కేరళ స్టోరీ సీక్వెల్ నుంచి టీజర్ విడుదల.
- టీజర్లో ఉల్కా గుప్తా, అదితి భాటియా, ఐశ్వర్య ఓజ ప్రధాన పాత్రల్లో నటించారు.
- 2026 ఫిబ్రవరి 27న సినిమా విడుదల కానుంది.
- ఈ చిత్రానికి కామాఖ్య నారాయణ్ సింగ్ దర్శకత్వం వహించారు.
ది కేరళ స్టోరీ సినిమాకు సీక్వెల్ రాబోతోంది. సీక్వెల్ చిత్రం నుంచి టీజర్ విడుదలైంది. ఈ సినిమాలో ఆదా శర్మ నటించలేదు. ఉల్కా గుప్తా ప్రధాన పాత్రలో కనిపించనున్నారు. టీజర్ ప్రస్తుతం సోషల్ మీడియాలో వైరల్ అవుతోంది.
ది కేరళ స్టోరీ 2 టీజర్ విడుదల
The kerala Story 2 Teaser: ది కేరళ స్టోరీ 2023వ సంవత్సరంలో ప్రేక్షకుల ముందుకు వచ్చిన ఈ సినిమా ఎలాంటి సంచలనాలను సృష్టించినదో ప్రత్యేకంగా చెప్పాల్సిన పనిలేదు. తన కెరియర్ పూర్తిగా కనుమరుగవుతున్న తరుణంలో నటి ఆదాశర్మ(Aadhaa Sharma) ఈ సినిమా ద్వారా ప్రేక్షకుల ముందుకు వచ్చి అద్భుతమైన విజయాన్ని అందుకొని తిరిగి కెరియర్ పరంగా ఇండస్ట్రీలో నిలదొక్కుకున్నారు. పాన్ ఇండియా స్థాయిలో సెన్సేషనల్ సృష్టించినది కేరళ స్టోరీ సినిమాకు సీక్వెల్ చిత్రం రాబోతుందని ప్రకటించిన నేపథ్యంలో ఈ సీక్వెల్ కోసం అభిమానులు కూడా ఎంతో ఆత్రుతగా ఎదురుచూస్తున్నారు. ఇకపోతే తాజాగా ది కేరళ స్టోరీ సీక్వెల్ (The Kerala Story 2)సినిమా నుంచి టీజర్ విడుదల చేశారు.
ఈ టీజర్ వీడియో ప్రస్తుతం సోషల్ మీడియాలో వైరల్ గా మారింది. అయితే సీక్వెల్ సినిమాలో ఆదాశర్మకు బదులుగా ఉల్కా గుప్తా(Ulka Gupta) కీలక పాత్రలో కనిపించబోతున్నారు. తాజాగా విడుదల చేసిన టీజర్ విషయానికి వస్తే 2.06 నిడివితో విడుదలైన ఈ టీజర్ సినిమా పట్ల మంచి అంచనాలను రేకెత్తిస్తోంది.’ది కేరళ స్టోరీ 2: గోస్ బియాండ్’ పేరుతో విడుదలైన ఈ టీజర్ లో..”మన కూతుళ్లు ప్రేమలో పడరు, వారు ఉచ్చులలో పడతారు. అబ్ సహేంగే నహీ… లాడేంగే” అనే క్యాప్షన్ తో ఈ టీజర్ ఉంది.
ఉల్కా గుప్తా ప్రధాన పాత్రలో
ఈ టీజర్ లో ముగ్గురు మహిళలు వారి గురించి తెలియజేస్తూ..కేరళకు చెందిన సురేఖా నాయర్ ఐఏఎస్ కావాలని భావించారు అలాగే మధ్యప్రదేశ్ కి చెందిన నేహా సంత్ జావెలిన్ త్రో క్రీడాకారిణిగా ఒలింపిక్స్లో భారతదేశానికి ప్రాతినిత్యం వహించాలని కోరుకున్నారు ఇక రాజస్థాన్ కి చెందిన దివ్య పలివాల్ డాన్స్ ఇష్టపడటమే కాకుండా సోషల్ మీడియా ఇన్ఫ్లుయెన్సర్ గా ఉండాలని కోరుకున్నట్టు ఈ టీజర్ వీడియోలో చూపించారు. భావించారు. ఈ ముగ్గురు అమ్మాయిల పాత్రలలో ఉల్కా గుప్తా, అదితి భాటియా, ఐశ్వర్య ఓజ నటించారు. ఈ ముగ్గురు ఈ టీజర్ వీడియోలో బుర్ఖా వేసుకొని నుదుటిన తిలకంతో కనిపించడం సినిమా పట్ల ఎంతో ఆసక్తిని రేకెత్తిస్తోంది. ఈ టీజర్ ద్వారా ఈ సినిమాలో ఆదాశర్మ నటించలేదని విషయాన్ని కూడా చిత్ర బృందం స్పష్టం చేశారు.
ఇక ఈ చిత్రాన్ని 2026 ఫిబ్రవరి 27వ తేదీ ప్రేక్షకుల ముందుకు తీసుకురాబోతున్నారు. ఈ సినిమాకు జాతీయ అవార్డు గ్రహీత కామాఖ్య నారాయణ్ సింగ్ దర్శకత్వం వహించిన సంగతి తెలిసిందే. ఇదివరకు ప్రేక్షకుల ముందుకు వచ్చిన ది కేరళ స్టోరీ సినిమా ద్వారా ప్రపంచవ్యాప్తంగా సుమారు 300 కోట్లకు పైగా కలెక్షన్లను రాబట్టిన సినిమాకు సీక్వెల్ చిత్రంగా రాబోతున్నది కేరళ స్టోరీ 2 ఎలాంటి సంచలనాలను సృష్టించబోతుందో తెలియాల్సి ఉంది. ఇక ది కేరళ స్టోరీ సినిమా విడుదల సమయంలో కొన్ని వివాదాలు ఎదురయ్యాయి. ఈ సినిమాకు వ్యతిరేకంగా నినాదాలు కూడా చేశారు అయినప్పటికీ ఈ సినిమా మాత్రం భారీ స్థాయిలో ఆదరణను సొంతం చేసుకుంది.
సినిమా విడుదల ఎప్పుడు?
ది కేరళ స్టోరీ 2 టీజర్ ఆసక్తికరంగా ఉంది. ఉల్కా గుప్తా నటన, కథాంశం ఎలా ఉండబోతున్నాయో చూడాలి. సినిమా 2026 ఫిబ్రవరి 27న విడుదల కానుంది.
