📌 Key Points
- నాని పుట్టినరోజు సందర్భంగా ‘ద ప్యారడైజ్’ నుంచి ‘ఆయా షేర్’ టీజర్ విడుదల.
- శ్రీకాంత్ ఓదెల దర్శకత్వంలో నాని కెరీర్లోనే భారీ బడ్జెట్తో ఈ చిత్రం రూపొందుతోంది.
- ఈ సినిమా ఆగస్టు 21, 2026న ‘జడల్ జమానా’ పేరుతో ప్రపంచవ్యాప్తంగా విడుదల కానుంది.
- ‘ద ప్యారడైజ్’ చిత్రం తెలుగుతో సహా 8 భాషల్లో విడుదల కానుంది.
న్యాచురల్ స్టార్ నాని అభిమానులకు పండగే. నాని, శ్రీకాంత్ ఓదెల కాంబినేషన్లో వస్తున్న ‘ద ప్యారడైజ్’ చిత్రం నుంచి ఒక బిగ్ అప్డేట్ రానుంది. నాని పుట్టినరోజు సందర్భంగా ‘ఆయా షేర్’ పేరుతో ఒక ప్రత్యేక వీడియో విడుదల కానుంది.
నాని ‘ద ప్యారడైజ్’ నుండి అదిరిపోయే అప్డేట్
The Paradise: నాచురల్ స్టార్ నాని అభిమానులకు ఇది పూనకాలు తెప్పించే వార్త. ‘దసరా’ వంటి మాస్ బ్లాక్ బస్టర్ తర్వాత నాని, దర్శకుడు శ్రీకాంత్ ఓదెల కాంబినేషన్లో వస్తున్న ప్రతిష్టాత్మక చిత్రం ‘ద ప్యారడైజ్’. ఈ సినిమా అనౌన్స్ చేసినప్పటి నుంచే భారీ అంచనాలు నెలకొనగా, తాజాగా చిత్ర బృందం ఒక అదిరిపోయే అప్డేట్ను ప్రకటించింది. ఫిబ్రవరి 24న నాని పుట్టినరోజును పురస్కరించుకుని, ‘ది ప్యారడైజ్’ సినిమా నుంచి ‘ఆయా షేర్’ (AayaSher) పేరుతో ఒక ప్రత్యేక వీడియో లేదా టీజర్ను విడుదల చేయబోతున్నారు. ఈ మేరకు సోషల్ మీడియా వేదికగా అధికారిక ప్రకటన వెలువడింది. శ్రీకాంత్ ఓదెల మార్క్ రా అండ్ రస్టిక్ యాక్షన్ ఈ సినిమాలో అంతకు మించి ఉండబోతుందని ఈ అప్డేట్ సూచిస్తోంది.
Read also- Uday Kiran: ఉదయ్ కిరణ్ భార్య చేసిన త్యాగం గురించి తెలిస్తే కన్నీళ్లు ఆగవు..
ఈ సినిమా విడుదలకు సంబంధించి కూడా మేకర్స్ స్పష్టతనిచ్చారు. ఆగస్టు 21, 2026న ‘జడల్ జమానా’ (Jadal Zamana) పేరుతో ఈ చిత్రం ప్రపంచవ్యాప్తంగా గ్రాండ్గా విడుదల కానుంది. నాని కెరీర్లోనే అత్యంత భారీ బడ్జెట్తో తెరకెక్కుతున్న ఈ సినిమాని కేవలం సౌత్ భాషలకే పరిమితం చేయకుండా, ఏకంగా 8 భాషల్లో విడుదల చేస్తున్నారు. ఈ క్రేజీ ప్రాజెక్టుకు రాక్స్టార్ అనిరుధ్ రవిచందర్ సంగీతం అందిస్తుండటం విశేషం. ప్రస్తుతం అనిరుధ్ ఇచ్చే మ్యూజిక్ సినిమా రేంజ్ను ఎక్కడికో తీసుకెళ్తోంది. నాని ఎనర్జీకి అనిరుధ్ బ్యాక్ గ్రౌండ్ స్కోర్ తోడైతే థియేటర్లలో రచ్చ మామూలుగా ఉండదని ఫ్యాన్స్ ఖుషీ అవుతున్నారు. శ్రీకాంత్ ఓదెల తన మొదటి సినిమాతోనే ఒక కొత్త ప్రపంచాన్ని చూపించారు. ఇప్పుడు ‘ద ప్యారడైజ్’తో అంతకు మించిన వైలెన్స్, ఎమోషన్, డ్రామాను అందించబోతున్నట్లు తెలుస్తోంది. ఫిబ్రవరి 24న రాబోయే టీజర్ ఈ సినిమాపై ఉన్న అంచనాలను మరో స్థాయికి తీసుకెళ్లడం ఖాయం. ఇప్పటికే ఈ సినిమాపై భారీ అంచనాలు నెలకొన్నాయి.
‘ఆయా షేర్’ టీజర్ విడుదల
Read also- Mancherial Crime: ప్రేమ పెళ్లిలో చిచ్చు.. భర్తని పొడిచి పొడిచి చంపిన భార్య, మంచిర్యాల జిల్లాలో దారుణం
The special day will be marked with MAYHEM 🔥🥁 #AayaSher 🦁 from #TheParadise out on 24.2.26.
GRAND RELEASE WORLDWIDE ON AUGUST 21st, 2026 ❤🔥 #JadalZamanaFromAug21
ఆగస్టు 21, 2026న ప్రపంచవ్యాప్తంగా విడుదల
Releasing in Telugu, Hindi, Tamil, Kannada, Malayalam, Bengali, English, and Spanish.
Natural Star… pic.twitter.com/3PAVYtK3xC
— SLV Cinemas (@SLVCinemasOffl) February 17, 2026
నాని కెరీర్లోనే భారీ బడ్జెట్తో తెరకెక్కుతున్న ఈ సినిమాపై భారీ అంచనాలు ఉన్నాయి. విడుదల తేదీ దగ్గర పడుతున్న కొద్దీ అంచనాలు మరింత పెరిగే అవకాశం ఉంది. అనిరుధ్ సంగీతం సినిమాకు మరింత బలాన్ని చేకూరుస్తుంది.
