📌 Key Points
- ప్రభాస్ ‘ది రాజాసాబ్’ సినిమా సంక్రాంతికి ప్రపంచవ్యాప్తంగా విడుదల అవుతోంది.
- టికెట్ ధరల పెంపునకు నిర్మాతల విజ్ఞప్తిని తెలంగాణ ప్రభుత్వం తిరస్కరించింది.
- తెలంగాణలోని థియేటర్లలో సాధారణ రేట్లకే టికెట్లను విక్రయిస్తున్నారు.
- ప్రభుత్వ నిర్ణయంతో నిర్మాతలు, ప్రభాస్ అభిమానులు తీవ్ర నిరాశకు గురయ్యారు.
ప్రభాస్ ‘ది రాజాసాబ్’ సినిమాకు తెలంగాణ ప్రభుత్వం షాక్ ఇచ్చింది. టికెట్ ధరలు పెంచాలన్న నిర్మాతలను ప్రభుత్వం నిరాకరించింది. దీంతో సాధారణ రేట్లకే సినిమా టికెట్లు అందుబాటులోకి వచ్చాయి. ఈ పరిణామం చిత్ర బృందాన్ని, అభిమానులను నిరాశపరిచింది.
ది రాజాసాబ్ టికెట్ ధరల పెంపునకు విజ్ఞప్తి
డైరెక్టర్ మారుతి దర్శకత్వంలో ప్రభాస్ నటించిన హారర్ ఫాంటసీ థ్రిల్లర్ సినిమా ‘ది రాజాసాబ్’. సంక్రాంతి కానుకగా నేడు ప్రపంచవ్యాప్తంగా విడుదల అవుతోంది. సినిమా విడుదలకు ముందు టికెట్ ధరలను పెంచేందుకు ఈ సినిమా నిర్మాతలు తెలంగాణ ప్రభుత్వాన్ని రిక్వెస్ట్ చేశారు. అయితే ఈ అభ్యర్థనను ప్రభుత్వం పక్కన పెట్టింది. దీంతో శుక్రవారం తెలంగాణలోని థియేటర్లలో సాధారణ రేట్లకే టికెట్స్ ను ఫిక్స్ చేశాయి. దీంతో నార్మల్ ప్రైజ్ తోనే అడ్వాన్స్ బుకింగ్స్ ఓపెన్ అయ్యాయి. మరోవైపు ఏపీలో ఇప్పటికే ఈ సినిమా ప్రీమియర్స్ షోలు మొదలయ్యాయి. తెలంగాణలో ప్రత్యేక షోలు లేకపోవడంతో ప్రభాస్ ఫ్యాన్స్ తీవ్ర నిరాశకు గురవగా.. తాజాగా టికెట్ల రేట్లు పెంచకపోవడంతో నిర్మాతలు కూడా నిరాశలో ఉన్నారు.
తెలంగాణ సర్కారు నిర్ణయం: సాధారణ రేట్లకే టికెట్లు
నిరాశలో అభిమానులు, నిర్మాతలు
‘ది రాజాసాబ్’ సినిమా టికెట్ ధరల పెంపునకు ప్రభుత్వం నిరాకరించడం నిర్మాతలకు, అభిమానులకు నిరాశను మిగిల్చింది. ఈ నిర్ణయం సినిమా వసూళ్లపై ఎలాంటి ప్రభావం చూపుతుందో వేచి చూడాలి.
