ప్రతి వారంలా ఈ వారం కూడా ఓటీటీ ప్లాట్ఫామ్స్ లో కొత్త సినిమాలు, వెబ్ సిరీస్ వచ్చాయి. ప్రైమ్ వీడియో, నెట్ఫ్లిక్స్, జియోహాట్స్టార్ లాంటి ప్లాట్ఫామ్స్ లోని ఉత్తమ ఎంపికలను ఈ వ్యాసంలో తెలుసుకుందాం.
Key Points
ప్రైమ్ వీడియోలో ఆరు సినిమాలు, ఒక వెబ్ సిరీస్!
రజనీకాంత్ 'కూలీ' సినిమా ప్రైమ్ వీడియోలో!
నెట్ఫ్లిక్స్ లో బాలీవుడ్ బ్లాక్ బస్టర్ 'సయ్యారా'!
జియోహాట్స్టార్ లో 'సు ఫ్రమ్ సో' హారర్ కామెడీ!
ప్రైమ్ వీడియోలోని అద్భుతమైన ఎంపిక
ఓటీటీల్లోకి ప్రతి వారంలాగే ఈ వారం కూడా ఎన్నో ఇంట్రెస్టింగ్ సినిమాలు, వెబ్ సిరీస్ వచ్చేశాయి. అయితే ఈ వీకెండ్ వీటిలో మిస్ కాకుండా చూడాల్సినవి ఏవో ఇక్కడ తెలుసుకోండి. ప్రైమ్ వీడియో, నెట్ఫ్లిక్స్, జియోహాట్స్టార్, ఆహా తమిళంలాంటి ఓటీటీ ప్లాట్ఫామ్స్ లో వీటిని చూడొచ్చు. మరి ఆ మూవీస్, సిరీస్ ఏవో ఇక్కడ చూడండి.
గత వారంలాగే ఈవారం కూడా అమెజాన్ ప్రైమ్ వీడియో మాంచి దూకుడు మీద ఉంది. ఎందుకంటే ఈ ఓటీటీలో ఈ వారం కూడా చాలా సినిమాలు, వెబ్ సిరీస్ స్ట్రీమింగ్ కు వచ్చాయి. వీటిలో కచ్చితంగా చూడాల్సిన సినిమాల్లో కూలీ కూడా ఉంది. రజనీకాంత్ నటించిన ఈ సినిమా బాక్సాఫీస్ దగ్గర రూ.500 కోట్లకుపైగా వసూలు చేసిన విషయం తెలిసిందే. ఈ సినిమా తెలుగులోనూ అందుబాటులోకి వచ్చింది.
ఇక ఇది కాకుండా అనుపమ పరమేశ్వరన్ నటించిన పరదా కూడా శుక్రవారమే (సెప్టెంబర్ 12) స్ట్రీమింగ్ కు వచ్చింది. ఎలాంటి ముందస్తు సమాచారం లేకుండా సైలెంట్ గా ఈ సినిమా డిజిటల్ ప్రీమియర్ అయింది.
మరో తెలుగు హారర్ కామెడీ మూవీ బకాసుర రెస్టారెంట్ కూడా ఇదే ఓటీటీలో స్ట్రీమింగ్ అవుతోంది. ప్రవీణ్, హర్షలాంటి వాళ్లు నటించిన ఈ సినిమాను కూడా ఈ వీకెండ్ వాచ్ లిస్టులో చేర్చుకోండి.
నెట్ఫ్లిక్స్ మరియు జియోహాట్స్టార్ లోని హైలైట్స్
ఇవే కాకుండా తమిళ హారర్ థ్రిల్లర్ మూవీ జన్మ నచ్చతిరమ్, మలయాళం సర్వైవల్ థ్రిల్లర్ మీషా, కన్నడ ఎమోషనల్ డ్రామా అన్నా కూడా ప్రైమ్ వీడియోలోనే స్ట్రీమింగ్ అవుతున్నాయి.
అటు తమన్నా నటించిన డూ యూ వానా పార్ట్నర్ వెబ్ సిరీస్ కూడా ప్రైమ్ వీడియోలోకి వచ్చింది. ఇందులో ఆమె బీర్ కంపెనీ మొదలుపెట్టాలనుకునే అమ్మాయి పాత్రలో నటించింది. ఇలా ఒక్క ప్రైమ్ వీడియోలోనే మొత్తంగా ఆరు సినిమాలు, ఒక వెబ్ సిరీస్ ఉండటం విశేషం.
మిగిలిన ఓటీటీల్లోని సినిమాలు, వెబ్ సిరీస్ విషయానికి వస్తే.. మరో ప్రముఖ ఓటీటీ నెట్ఫ్లిక్స్ లోకి బాలీవుడ్ బ్లాక్బస్టర్ సయ్యారా స్ట్రీమింగ్ కు వచ్చింది. బాక్సాఫీస్ దగ్గర రూ.500 కోట్లకుపైగా వసూలు చేసి ఈ ఏడాది అత్యధిక వసూళ్లు సాధించిన హింది సినిమాల్లో రెండో స్థానంలో నిలిచింది.
ఈ వారం ఓటీటీలో ఏం చూడాలి?
జియోహాట్స్టార్ విషయానికి వస్తే కన్నడ బ్లాక్బస్టర్ హారర్ కామెడీ మూవీ సు ఫ్రమ్ సో ఈ వారమే స్ట్రీమింగ్ కు వచ్చింది. రాజ్ బి శెట్టి నిర్మించి, నటించిన ఈ సినిమా థియేటర్లలో మంచి హిట్ సొంతం చేసుకోగా.. ఓటీటీలో మాత్రం మిక్స్డ్ రివ్యూలు సొంతం చేసుకుంది.
ఇదే జియోహాట్స్టార్ లోకి తెలుగు రొమాంటిక్ కామెడీ వెబ్ సిరీస్ రాంబో ఇన్ లవ్ వచ్చింది. రాంబాబు అనే కార్పొరేట్ యువకుడు, అతని మాజీ లవర్ చుట్టూ తిరిగే స్టోరీ ఇది.
ఆహా తమిళం ఓటీటీలో వెంబు అనే తమిళ రూరల్ డ్రామా స్ట్రీమింగ్ అవుతోంది. ఈ మూవీతోపాటు మలయాళం సినిమా మీషా తమిళ వెర్షన్ కూడా ఇందులోనే అందుబాటులో ఉంది.
ఈ వీకెండ్ మీ సమయాన్ని సద్వినియోగం చేసుకోవడానికి ఈ ఓటీటీ ఎంపికలు సరిపోతాయి. బాలీవుడ్, తమిళం, మలయాళం, కన్నడ సినిమాలు కూడా ఉన్నాయి కాబట్టి, అందరికీ ఏదో ఒకటి నచ్చుతుంది.
